Read Futuna-Aniwa FAKATASI PITRUS, 2 Bible Online

FAKATASI PITRUS, 2 - Futuna-Aniwa bible

FAKATASI PITRUS, 2

¹IANENEI nokonagi papai iotshi karasia, ma aroto erua, ma fakainina, ma iotshi kofasao isa.

²Hepe agatama nifarere melou, keiremu ta erefisa tou o tafasao tapu, pe acoua kosore ia aia.

³Pe acoua nakasopotshia pe ta Teriki ko arofa.

⁴Ia aia nokomai hepe ia ta fatu mouri, nitouwaki tamari o tagata, kaia nisubina o Atua ma erefisa.

⁵Acoua foci hepe afatu mouri nifakaturia tafare o nokano, tagata tapu, keivatu iluga atakavari ia nokano, Atua acitiafakarafia ia Iesu Kristo.

⁶Ianenei ia neiserea ia tafasao tapu, koucitia avou nagi ia Saion tasi fatu sore nunturi, keiremu, erefisa, ma aia fakarogrogo aia seieuiai.

⁷Iacoua ianenei fakarogrogo aia ko erefisa; kaia iacre sefakarona ma semaganerefia ia tshana fasao, ta fatu fakou nifakatapuria nitouwaki, aia ko neimna ta iluga nofo ia nunturi.

⁸Ma tafatu o tshipatshipa, ma ta fatu iacre feimacoua, iacre tshipatshipa ia ta fasao nokonofo serogona aia; ianenei foci aia neinagi acre.

⁹Kaia acoua konofo tasiatu tagata keiremu, tagata tapu sore, tasi tapu vaka, tagata erefia; tagata nokomori pe acoua fakairo ta sore erefisa o aia nitapapa acoua keimai watafa ta pouri ia tshana merama sore;

¹⁰Acoua ia atou ituai ko jimra tasiatu tagata, kaia melou acoua tagata o Atua, acoua senakamo ta karofa, kaia melou nakamo ta karofa.

¹¹Tagata nakacitiafakarafia sore, avou fakouia mukei acoua hepe tagata o fanna papai, ma tagata senofo mukei, natshicina keiremu maganisa o ta konouri, acre fiatu ia ta nokano;

¹²Nakoamo niaua afasao totonu mari ia tagata o fanua pouri, pe hepe acre fasosa o acoua hepe acoua isa, acre ia niaua maganerefia neicitia kabisa ia Atua ia ta nopoge o aroto my ma tagi.

¹³Maganerefia ia iotshi anea neimna sore o tagata hepe ia ta Teriki, pe ia ta teriki hepe ta sore.

¹⁴Mo ia fakou sore, hepe ia acre aia nikouna, keiioria tagata maganisa, ma keifasao erefia iacre maganerefia.

¹⁵Ma hepe nei ko ta fenagaro o Atua, pe ia amaganerefia acoua pofna arogoutu o tagata sekeiro ma koukali.

¹⁶Hepe nokoragragi, ma seamo niaua sefousia hepe tumega iluga keimune fenagaro isa, kaia hepe afetshicou o Atua.

¹⁷Maganerefia ia tagatotshi. Acitiafakarafia anoso. Kumtacu Atua, magane totonu ia ta teriki.

¹⁸Afetshicou, maganerefia ia niaua fatoriki ia iotshi kumtacu, jimra ana ia acre erefia ma fasao erefia iacoua, kaia foci iacre amagane safi iacoua.

¹⁹Ma tenei erefisa pe tasi tane ia fenagaro acitiafakarafia Atua nofo merino ia anea iauiai tshana roto, ma sewa aia i ane aia seneimna.

²⁰Ma taha erefia ia acoua, pe acre saciria ferpacia acua ioria o niaua magane safi, acoua nofo merino? kaia pe acoua maganerefia, ma acre ioria acoua isa iateia, acoua nofo merino tenei erefia emoa Atua.

²¹Ma ia ane nei aia nitapa acoua, ianenei Kristo nitakaroiai mate ia acitia, pe keifakairo acoua roro wamuri tshana akarafa.

²²Aia seneimna ane isa, ma karasia senofo ia tshana rogoutu.

²³Aia, inaia acre neisaciria aia, sesaciria acre foci, inaia aia nitakaroiai, aia sekoutucua ioria acre, kaia neinagi aia ia aia ioria totonu.

²⁴Aia ia aia niamo tshote amaganisa ia tshana notshino ia ta tererakou, pe acitia nofo mate ia amaganisa, makamouri ia magane totonu, ia tshana atshi atoura acitia neipenpena.

²⁵Ma acoua neinofo hepe asip nifura, kaia melou acoua nitafuri ia aia fatshigea acoua, tatane tapu sore fakairo acoua.