Read Futuna-Aniwa FAKATASI PITRUS, 4 Bible Online

FAKATASI PITRUS, 4 - Futuna-Aniwa bible

FAKATASI PITRUS, 4

¹IANENEI Kristo nimate ia acitia ia ta konouri, amo acoua foci ta fenagaro hepera, mo aia nimate ia ta konouri nakurava magauisa.

²Pe aia wamurira semouri ia tshana atou aia nofo ia ta konour, keiremu tshana amagane isa o fakoui kaia ia ta fenagaro o Atua.

³Ma atou nisiri o tshote mouri makosore iacitia nakeimna ta avere o tagata o fanua pouri, inaia acitia niroro ia amaganisa nikeiremu, nokonumea weina sore, amagane pouri, nokokeina sore ia tacripoga isa, ma isa sore amagane o amori ia tetua isa.

⁴Ia anea ra acre sekeiro tiaha acoua seroro ia acre ia niare amaganisa nokofasosa o acoua.

⁵Acre katucua niare amagane ia aia konofo keiioria tagata mouri ma mate.

⁶Ia ane nei ta fasao erefia nikova foci ia acre nimate, pe ioria acre hepe tagata ia ta konouri, kaia mouri hepe fakairo o Atua ia ta nokano.

⁷Kaia ta kurava o anea iotshi koitata, ianenei nofo acoua arapakou, ma fatshigeia ia mori.

⁸Ma iluga ane iotshi nakamo sore acitiafakarafia ia acoua, ma acitiafakarafia kapotshia nalupai amaganisa.

⁹Erefia acoua tufwa akoi tasi ia tasi foci ma sefakafiafe.

¹⁰Hepe iotshi atane nakamo ta karofa, hepe ma tufwa aia tasi ia tasi foci, hepe atane erefia o ta nalupai karofa o Atua.

¹¹Pitrus tasi tane fasao, erefia aia fasao hepe tafasao neitufwa o Atua; pe tasi tane vere erefia aia vere hepe ia ta tomatua Atua nakatufwa aia; pe Atua ia ane iotshi makasore ia Iesu Kristo, ia aia tufwa ta sore ma tomatua atou ma tou. Amen.

¹²Nakacitiafakarafia sementua aia ane masaro iateia ia ta iarmesosa o tiafi komai iacoua, hepe pe ane puspusi komai iacoua;

¹³Kaia kabisa, ia ane nei acoua amo nontafa o tamy o Kristo; pe ia nopoge tshana kosore koucitia, acoua ma kabisa ia sore kabisa.

¹⁴Pe ia ta neigo o Kristo acre saciria acoua, kabisa acoua, ma ta nokano o ta sore ma o Atua konofo ia acoua, ia acre kofasosa aia, kaia ia acoua aia kosore.

¹⁵Kaia erefia pe jimra tasi o acoua seioria hepe tasi nitaia mate tagata, mo hepe tasi tshigo, mo hepe tasi maganisa, mo hepe tasi katakaro keitucua gnusgnusu fasao isa o faruke.

¹⁶Kaia pe takaroiai tane tasi hepe tatane o Kristo, erefia aia sekoma, kaia erefia aia kabisa ia Atua ia ane nei.

¹⁷Ma ta tou nokomai pe ioria ko keimata ia tafare o Atua, ma pe aia kamata ia acitia, taha ta kurava ia acre semaganerefia ia tafasao erefia o Atua?

¹⁸Ma pe acre magane totonu mukei feke ma kapare acre, wehe acre secitiafakarafia Atua, ma acre maganisa nofo?

¹⁹Ianenei erefia acre nitaroiai arotorea hepe ta fenagaro o Atua, tufwa niare anokano ia Atua ia maganerefia hepe ia tamari Atua neimna ane iotshi.