Read Futuna-Aniwa FAKATASI PITRUS, 5 Bible Online

FAKATASI PITRUS, 5 - Futuna-Aniwa bible

FAKATASI PITRUS, 5

¹AELTER konofo ia acoua avou fakairo, ma avou foci tasi elter, ma tasi neicitia ta amy ma mate o Kristo, ma foci tasi nakamo o ta sore tshana keimai;

²Fakeina erefia ta kalasia o Atua konofo ia acoua, nokofatshigeia acre, jimra ta katamousa, kaia ia kabisa; jimra ia ioria mune, kaia ia fenagaro kabisa iateia;

³Jimra hepe acoua fateriki o tagata o Atua, kaia pe acre koucitia ma roro wamuri nioua maganerefia.

⁴Ma ia taha nopoge ta teriki sore o acre fatshigeia asip kacitia mai, acoua kamo ta kroun o noneate, aia sekameru.

⁵Erefisa acoua erecriki konofo ma fakarogona afasao o acre sore. Keini iotshi o acoua fakarogona afasao o tasi ma sece o acoua, ma kataka acoua ia arotoua merino, kaia Atua fiatu acre aroto roro hepe fateriki, kaia aia tufwa arofo ia acre arotorea nofo iraro.

⁶Ianenei nofo acoua iraro ta tomatua sore norima o Atua, pe aia kanagi acoua iluga ia nopoge iateia;

⁷Nokonagi iotshi niawa anea mane ia aia ma aia acitiafakarafia acoua.

⁸Konofo merino sekono fatshigeia erefia, ianei aia fiatu acoua ta tevel hepe tasi nokovaro lion katakaro fatshigeia akoi aia takaroiai.

⁹Fiatu aia acoua ia ta fakarogrogo, nokeiro pe ta karasia aroto my emna ia niaua anoso nofo ia fanua wararonei.

¹⁰Kaia ta Atua o iotshi karofa aia nikatapa acitia ia tshana atou ma tou sore noneate ia Kristo Iesu, wamuri acoua nokomy ia nopoge toru ana, kamna acoua erefia, mukei, tomatua, nagi acoua.

¹¹Ia aia katufwa ta sore ma tomatua atou ma tou. Amen.

¹²Ia Selvenus tasi mari noso iacoua avou mentua, avou nakaserea fakasisi, nokofakairo ma nokoutucua, pe tenei ko ta mari karofa o Atua ia aia acoua kotu.

¹³Ta kalasia konofo ia Bablyon, nifakatapuria ia acoua, alofa acoua, ma foci Markus tshaku nontariki.

¹⁴Alofa tasi ma sece o acoua ia ta soge o acitiafakarafia. Merino konofo ia acoua iotshi pe nofo ia Kristo Iesu. Amen.