Read Futuna-Aniwa FAKARUA PITRUS, 1 Bible Online

FAKARUA PITRUS, 1 - Futuna-Aniwa bible

FAKARUA PITRUS, 1

¹SAIMONA PITRUS tasi fetshicou ma tasi apostolo o Iesu Kristo, ia acre nakamo ta erefisa fakarogrogo ia acime ia ta magane totonu o Atua ma o tshote kapare Iesu Kristo;

²Arofa ma merino fakatapuria iacoua ia ta nokeiro o Atua ma o Iesu tshote Teriki;

³Hepe tshana tomatua o Atua nakatufwa iacitia ane iotshi o mouri ma Atua, ia ta keiro o aia nakatapa acitia ia tshana sore noneate ma maganerefia;

⁴Ianenei aia neitufwa iacitia sore kagi ma erefisa afatshipoge; pe ia acre acoua nakamo nontafa o amagane o Atua, nakafeke amaganisa nokonofo ia fanua wararonei ia tosana.

⁵Ma foci ia tenei, nokotufwa tomatua keifakatapuria ia niaua fakarogrogo maganerefia, ma ia maganerefia nokeiro;

⁶Ma ia niaua keiro sekona, ma ia sekona merino, ma ia fenagaro merino maganerefia ia Atua;

⁷Ma ia maganerefia acitiafakarafia o anoso, ma ia acitiafakarafia o anoso tufwa tagata anea akai ma.

⁸Ma pe ane iotshi ra konofo ia acoua, ma kosore, acre emna acoua pe acoua sekopa mo seamo anohua ia ta keiro o tshote Teriki Iesu Kristo.

⁹Kaia aia seamo anera ko kofu, ma sekacitia papai, ma nigaro pe aia neipenpena ia niana amaganisa ituai.

¹⁰Ianenei anoso, fatshigeia erefia, keimna niaua nokotapa ma konagi mukei; ma pe acoua emna ane ra acoua sekoto ia tshipatshipa.

¹¹Ma hepera katshike tafeitoca iacoua ia ta vaka atou ma tou o tshote Teriki ma Kapare Iesu Kristo.

¹²Ianenei avou setaru keifakairo acoua atou ma tou keimentua anea ra, pe acoua keiro acre ma nofo mukei ia tenei mari.

¹³Keini avou mentua aia ko erefia, iotshi anopoge avou nofo ia tenei notshino keiasitu acoua keimentua;

¹⁴Nokeiro tenei pe avou koitata keifeke tenei tshaku notshino, hepe tshote Teriki Iesu Kristo neitucua iatavou.

¹⁵Ma avou kafatshigeia serea nei pe acoua wamuri avou mate keitawa ma atou matou nakameutua anea ra.

¹⁶Ma acime seroro wamuri koutucua iacoua afasa nokano jimra o tagata ituai, ia nopoge acime neitucua iacoua ta tomatua o nokomai o tshote teriki Iesu Kristo, kaia afoimata tshome neicitia tshana none ate sore.

¹⁷Ma Atua ta Mana neitufwa aia ta sore ma noneate, ia nopoge nimai iateia tasi noreo ia ta sore noneate, Tenei tshaku nakacitiafakarafia nontariki ia aia avou kabisa sore.

¹⁸Ma tenei noreo nimai ia taragi acime neirogona, ia nopoge acime nofo ia aia ia ta itapu ora.

¹⁹Ma acitia nakamo ta fasao sore kage tamari o aprofeta, ia afasao ra erefia acoua maganerefia, roro hepe ia talama koura marama ia none pouri, ia tara konace, ma tafatuau konace ia niaua aroto.

²⁰Nokeiro tenei mokagi pe jimra tasi afasao o aprofeta ko o tasi ana keiro ta nokano.

²¹Ma ta afasao o aprofeta ia atou ituai semai ia ta fenagaro o tagata, kaia tapu fakou o Atua nifasao hepe nifakairo ia ta Nokamo Tapu.