Read Futuna-Aniwa FAKARUA PITRUS, 2 Bible Online

FAKARUA PITRUS, 2 - Futuna-Aniwa bible

FAKARUA PITRUS, 2

¹KAIA faru aprofeta korefu neinofo ia tagata, hepe faru fakou korefu fakairo ia acoua, acre mune karafia mai fakairo isa takaroiai tagata, nivetea ta Teriki neiioria acre, ma amai ia acre ioria meloua takaroiai iacre.

²Ma nalupai karoro wamuri niare fakairo isa, ia acre tamari fasao kafasosa iateia.

³Ma ia keiremu ia afasao karasia, emna fakamata o acoua, niare ioria neitucua ituai setari, ma niare takaroiai semero.

⁴Ma pe Atua senatshicina ioria ta agelo nimaganisa, kaia nitouwaki acre ia tiafi sore, ma neinagi acre ia aous o apouri, keifousia acre ia ta ioria sore.

⁵Ma separe iafanua ituai, kaia nipare Noa ta varu tane, aia nifakairo magane totonu ia kova, nokomai ta vai sore kagi ia ta fanua wararonei o tagata isa;

⁶Ma nokotafuri umrai sore o Sotom ma Comora ia atefu neisaciria acre ia ta koroiai, keifakairo tagatotshi ta ioria o acre wamurira pe semaganerefia.

⁷Ma aia niarafia watafa Lot aia nimagane totonu, tshana roto nimy sore ia afasosa o acre isa.

⁸(Ma tera tane nokonofo ia acre neimna magane totonu, i nokoucitia ma nokorogona, tshana roto maganerefia nimy nopoge ma nopoge ia niare itapu amaganisa);

⁹Ta Teriki keiro keipare ma keiarafia tagata maganerefia watafa ta akairerasia, ma keinage acre isa ia ta nopoge o iorea keiioria acre.

¹⁰Kaia sore kagi acre roro wamuri ta konouri ia ta tosana o maganisa, ma feimacoua fateriki, Arotorea mukei, fenagarore tomatua ia niare magane isa, acre sumtacu fasosa ia fateriki.

¹¹Ma agelo tomatua sore kagi, seamai saciria iacre emoa ta Teriki.

¹²Kaia acre, hepe akuli eiro ma, neimna keipurutshia ma keitakaroiai, fasosa o anea acre sekeiro, ma takaroiai acre ia niare maganisa.

¹³Ma acre kamo ta ioria o amaganisa, hepe acre kabisa ia magane pouri ia tiau. Acre pacu ma hepe taracase, nokabisa ia niare akarasia ia nopoge acre keina ia acoua.

¹⁴Foimatorea nifonu o tshigo fafine, ma segapu ia amaganisa; nokarasia ma senofo mukei tagata, niare roto keiremoa, isa erecriki;

¹⁵Acre nifeke teretu erefia, ma fano ia ane isa, nokororo ia teretu o Belem ta nontariki o Beor, aia neiremu ta ioria o maganisa:

¹⁶Ma neisaciria aia ia tshana maganisa; ta tano as nokofasao ia ta noreo o tagata neitucuasana ta akoukali o ta profeta.

¹⁷Acre aterua tavai jimra ia acre, apa furi meloua mokagi tumtagi sore; ia acre ta kofu o apouri konofo atou ma tou.

¹⁸Ma acre nokofasao afasao sore nokano jimra, acre karasia ia ta keiremu o ta konouri, ia amaganisa acre nifeke acre nokonofo ia magane safi.

¹⁹Ia nopoge fatshipoge acre ragragi, acre ra nofo afetshicou o ane keiiauiai, o aia tasi tane ko arafia ia one safi, o ane ra aia kofousia iateia.

²⁰Ma pe wamuri acre nifeke anea iauiai o fanua wararonei ia ta keiro o ta Teriki ma Kapare Iesu Kristo, acre foci magane safi ma isa, ta kurava o acre ra sore kage isa neikamata sisi isa.

²¹Ma erefia sore iacre sekeiro ta teretu o maganerefia totonu, isa sore kagi pe wamuri acre nakeiro aia keitafuri ma feke ta afasao erefia tapu keitufwa iacre.

²²Kaia aia nimai iacre hepe afasao mari ituai neitucua, ta kuli kotafuri foci ia tshana nikolua, ma ta pakasi pe neitetaroa aia ia tshana koukou ia ta pere.