Read Futuna-Aniwa FAKARUA PITRUS, 3 Bible Online

FAKARUA PITRUS, 3 - Futuna-Aniwa bible

FAKARUA PITRUS, 3

¹TENEI fakarua tatapuria, nakacitiafakarafia, avou melou serea iacoua, ia acraua o acre futshia niaua afenagaro erefia keimentua.

²Pe acoua nakamentua ta afasao neitucua mokagi ia ta tapu aprofeta, ma o ta afasao mukei o acime ta apostolo o ta Teriki ma aia Kapare.

³Nokeiro tenei fakatasi, pe kamai ia anopoge wamuri tagata keisoutari anea tapu, nokororo wamuri niare keiremu isa.

⁴Ma nokoutucua, Wehe ko ta fatshipoge o tshana nokomai? Ma wamuri tamanome nimero mate, anea iotshi nofo hepe acre neinofo wamuri ta neikamata o ane iotshi neimna wararonei.

⁵Ma tenei acre keiremu sekeiro, pe ia ta fasao o Atua ta ataragi neimna ituai, ma ta fanua nokotu iluga ma iraro tavai.

⁶Ia aia iafanua neinofo atou ra, fonotuce ia avai nikeiro, ma nitakaroiai;

⁷Kaia ataragi ma ta iafanua nofo melou, ia tshana fasao konofo, keipurutshia ia ta tiafe ia ta nopoge o ioria ma touwaki ia tiafi sore o tagata isa

⁸Kaia nakacitiafakarafia, keiro tenei ane fakatasi, pe nopoge tasi ko ia ta Teriki hepe tasi thousant atou, ma tasi thousant atou ko hepe tasi nopoge.

⁹Ta Teriki ko jimra taru ia tshana fatshipoge hepe faru tagata mentua taru; kaia aia vagarepuana iacitia, secitiafakarafia pe tasi natakaroiai, kaia pe iotshi makamai ia tagi maganisa.

¹⁰Kaia ta nopoge o ta Teriki kamai hepe tagata tshigo ia tupo, ia aia ta ataragi kafano ia ta noreo sore, ma ane iotshi neimna katugia ia tiafi, iafanua ma ane iotshi niavere ia aia katugiace

¹¹Nokoucitia pe ane iotshi ra katugiace, taha erefia acoua tagata emna ia iotshi amagane tapu ma afasao erefia.

¹²Nokofatshigeia ma nokororo ia ta nokomai o ta nopoge o Atua, ia aia taragi nokotugia kamerigi, ma aneamane neimna kamerigi ia avera sore?

¹³Kaia acitia hepe tshana fatshipoge, fatshigeia ta fou ataragi ma fanua ia aia nokonofo amagane totonu erefia.

¹⁴Ianenei anoso nakacitiafakarafia, nokoucitia pe acitia fatshigeia anea ra, tomatua vere ia maganerefia pe aia koucitia acoua ia merino, sepacu, ma seisa.

¹⁵Ma kamentua ta vagarepuana o tshote Teriki ko pare ia anea mouri taragi, hepe tshote nakacitiafakarafia noso Paulo foci hepe ia ta arapakou neitufwa aia nakaserea tatapuria iacoua.

¹⁶Hepe ma ia iotshi tatapuria tapu aia neiserea, nokofasao ia acre o anea ra, ia acre faru anea neiserea mukei keiro ta nokano, acre fakou sefakairo ma senofo mukei tshicivinia ia karasia, hepe niare magane ia faru foci tatapuria tapu neiserea ia niare takaroiai.

¹⁷Ianenei acoua, nakacitiafakarafia, nokoucitia acoua keiro ane iotshi ra mokagi, fatshigeia acoua, pe acoua foci searafia wamuri ta safi fakairo o acre isa, ma acoua koto ma feke niaua mukei fakarogrogo.

¹⁸Kaia kosore ia ta karofa, ma ia ta nokeiro o tshote Teriki ma kapare Iesu Kristo, ia aia katufwa ta sore noneate melou ma atou ma tou. Amen.