Read Futuna-Aniwa FAKATASI JOANES, 1 Bible Online

FAKATASI JOANES, 1 - Futuna-Aniwa bible

FAKATASI JOANES, 1

¹TIRA Iesu aia neinofo ia ta neikamata, aia acime nakarogona, aia acime nakacitia ia foimatomea, aia acime nakacitia tshana notshino, ma tshome norima nakapurutshia, o Tafasao o anea mouri;

²(Ma ta anea mouri tagata neicitia, ma acime nakacitia aia, ma fakairo iateia, ma fakareakatu iacowa tera anea mouri atou ma tou, aia neinofo ia ta Mana, ma nifakariamai iacime);

³Tira acime nakacitia ma nakarogona acime koutucua iacowa nokoamo kabisa ia acime, ma tamari tshote kabisa ia ta Mana, ma ia tshana Nontariki Iesu Kristo.

⁴Ma ane iotshi ra acime serea iacowa, pe tshowa kabisa kofonu.

⁵Tenei kofasao acime nakarogona aia neitucua, ma keifakairo iacowa, pe Atua komerama, ma ia aia apouri sekonofo.

⁶Pe acitia koutucua acitia nakoamo kabisa ia mori iateia, ma katakaro i apouri, acitia korefu, ma severe ia ta mori:

⁷Kaia pe acitia katakaro ia ta merama, hepe aia konofo ia ta merama acitia kabisa ia acitia ia ta mori, ma ta toto o Iesu Kristo tshana Nontariki iamosia acitia koma ia amagane isa iotshi.

⁸Pe acitia koutucua tshote maganisa kojimra, acitia karasia acitia, ma ta mari sekonofo ia arototeia.

⁹Pe acitia koutucua tshote maganisa, aia komari ma magane totonu keitowaki nori maganisa tshote, ma keipenpena acitia ia ane isa iotshi.

¹⁰Pe acitia koutucua acitia seneimna ane isa, acitia koutucua, hepe aia korefu, ma tshanafasao sekonofo ia arototeia.