Read Futuna-Aniwa FAKATASI JOANES, 2 Bible Online

FAKATASI JOANES, 2 - Futuna-Aniwa bible

FAKATASI JOANES, 2

¹TSHAKU erecriki sisi, ane iotshi ra avou serea iacowa, pe acowa semaganisa. Ma pe tasi tatane maganisa, acitia nakoamo tasi kotupona acitia ia ta Mana, Iesu Kristo tatane erefisa:

²Ma aia konofo ta ioria o amaganisa tshote, ma jimra o tshote ana, kaia foci ia maganisa o iotshi ia fanua wararonei.

³Ma ia ane ra acitia keiro aia, pe acitia maganerefia ia tshanafasao tapu.

⁴Aia pe koutucua, avou keiro aia, ma semaganerefia ia tshana fasao tapu, aia tatane korefu, ma ta mari sekonofo ia aia.

⁵Kaia aia kopurutshia tshan afasao, i aia komari ta acitiafakarafia o Atua konofo erefia; i ane ra acitia keiro pe acitia konofo i aia.

⁶Aia pe koutucua aia konofo ia aia (Iesu) erefia aia maganerefia, hepe ana aia nimaganerefia.

⁷Anoso, avou seserea tafasao tapu fou iacowa, kaia tasi fasao tapu neiserea ituai, aia neinofo iacitia ia neikamata. Ta fasao tapu aia acitia nakarogona ia ta neikamata.

⁸Foci, tasi fasao tapu fou avou serea iacowa, aia ane komari ia aia ma ia acowa: ianenei ta apouri kosiri, ma ta merama ta mari milou kononiate.

⁹Aia koutucua aia konofo ia ta merama, ma feimacowa tshana noso, aia konofo ia apouri milow ma.

¹⁰Aia acitiafakarafia tshana noso konofo ia ta merama, ma nontafito o nokotshipatshipa senofo ia aia.

¹¹Kaia aia feimacowa tshana noso konofo ia apouri, ma katakaro ia apouri, ma sekeiromana wehe aia kofano, ianenei apouri nakamna tshana foimata kofu.

¹²Avou serea tatapuria iacowa erecriki sisi, ianenei tshowa maganisa nitowaki ioria iateia i acitiafakarafia tshana neigo.

¹³Avou serea tatapuria iacowa fatamana, ianenei acowa nakeiro aia neinofo ia neikamata. Avou serea tatapuria iacowa atumtane, ianenei acowa nakatatumea aia tasi ta isa, Avou serea tatapuria acowa erecriki sisi, ianenei acowa nakeiro ta Mana.

¹⁴Avou nakaserea tatapuria iacowa fatamana, ianenei acowa nakeiro aia neinofo ia ta nontafito. Avou nakaserea tatapuria iacowa, atumtane, ianenei acowa kotomatua, ma ta fasao o Atua konofo ia acowa, ma acowa nakatatumea aia tasi ta isa.

¹⁵Secitiafakarafia fanua wararonei, mo anea mane nofo ia fanua wararonei, Pe tane tasi acitiafakarafia ta fanua wararonei, ta acitiafakarafia o ta Mana sekonofo ia aia.

¹⁶Ma ane iotshi konofo ia fanua wararonei, ta acitiafakarafia amagane isa o konouri, ta acitiafakarafia amagane isa o ta afoimata, ma ta magane sore o anea mouri kojimra o ta Mana, kaia komagane o fanua wararonei.

¹⁷Ma fanua wararonei kosiri, ma acitiafakarafia amagane isa o aia, kaia aia maganerefia ia ta fenagaro o Atua konofo tou ma tou.

¹⁸Erecriki sisi, aia itata nopoge wamuri: ma hepe acowa nakafakarogona pe aia feimacowa Kristo kamai, milow nalupai foci feimacowa Kristo konofo ane ra fakairo acitia aia koitata ta nopoge wamuri.

¹⁹Acre niroce acitia, kaia acre jimra faru o acitia; pe acre faru o acitia acre konofo milou ia iacitia; kaia acre niroce, pe tshare magane fakariace pe acre jimra faru o acitia.

²⁰Kaia ta Nokano Tapu nakatufwa acowa tomatua, ma acowa keiro ane otshi.

²¹Avou seserea tatapuria iacowa ianenei acowa sekeiro ta mari, kaia ianenei acowa keiro aia, ma pe jimra tasi korefu komai o ta mari.

²²Akai aia korefu, kaia aia kovetea pe Iesu aia ta Kristo. Aia kofeimacowa Kristo, pe aia kovetea ta Mana ma ta Nontariki.

²³Aia kovetea ta Nontariki, aia sekoamo ta Mana; (kaia aia fakarogrogo ta Nontariki nakoamo ta Mana foci).

²⁴Erefia ane ra konofo mukei iacowa, ane ra acowa nakarogona ia neikamata. Pe ane ra acowa nakarogona ia ta neikamata kanofo mukei ia acowa, acowa foci kanofo mukei ia ta Nontariki, ma ia ta Mana.

²⁵Ma tenei ane aia nakatacua mokagi keitufwa iacitia, anea mouri tou ma tou.

²⁶Ane iotshi ra avou nakaserea iacowa keifakairo magane o acre takaroiai acowa.

²⁷Kaia ta nokoiamosia acowa nakoamo o aia nokonofo ia acowa, ma acowa secitiafakarafia tatane tasi fakairo acowa, kaia hepe ta iamosia tira fakairo acowa o ane iotshi, ma aia komari, ma aia sekorefu, ma hepe aia nifakairo acowa, konofa mukei acowa ia aia.

²⁸Ma melou, erecriki sisi, konofo ia aia; pe taha nopoge aia kamai foci acitia sumtacu, ma sekoma emoa aia ia taha nopoge aia nokomai.

²⁹Pe acowa keiro pe aia koerefia, acowa keira iotshi tagata maganerefia kofarere o aia.