Read Futuna-Aniwa FAKATASI JOANES, 3 Bible Online

FAKATASI JOANES, 3 - Futuna-Aniwa bible

FAKATASI JOANES, 3

¹KOWCITIA, erefia ta acitiafakarafia sore ta Mana nakatufwa iacitia, pe katapa acitia anontariki o Atua; ianenei fanua wararonei sekeiromana acitia, ianenei aia sekeiromana aia.

²Akuso, milou acitia konofo anontariki o Atua, ma milou acitia secitiamana taha aia kamna acitia, kaia acitia keiro, pe taha nopoge aia kamai, aia kamna acitia hepe aia; ma acitia kacitia aia hepe aia konofo.

³Ma iotshi tatane nakoamo tenei kamentua ia aia penpena aia; hepe aia (Iesu) koma.

⁴Iotshi tagata maganisa, foci takaroiai tafasao tapu; ma maganisa ko takaroiai o tafasao tapu.

⁵Ma acowa keiro neicitia aia nimai keiamke tshote maganisa, ma ia aia kojimra tasi maganisa konofo.

⁶Iotshi tagata pa konofo ia aia semaganisa; iotshi tagata maganisa secitiamana aia, mo sekeiromana aia.

⁷Erecriki sisi, erefia jimra tatane tasi karasia acowa; aia komaganerefia aia erefia, hepe aia koerefia.

⁸Aia maganisa komai o tiapolo; ma tiapolo maganisa ia neikamata ma. Ia avere nei ta Nontariki o Atua nifakariake wararonei, pe aia iouiai avere o tiapolo.

⁹Iotshi tagata kofarere o Atua semaganisa; ma tshana nohua konofo mukei ia aia; ma aia taru maganisa, ianenei aia kofarere o Atua.

¹⁰Ia ane nei erecriki o Atua fakariake, ma erecriki o tiapolo; iotshi togata semaganerefia kojimra o Atua, ma foci aia secitiafakarafia tshana noso.

¹¹Ma tenei afasao acowa nakarogona ia ta neikamata, pe acowa acitiafakarafia tasi ma sece iotshi acowa.

¹²Jimra hepe Ken, aia nimai o tira tasi isa, ma neitshi nimate tshana noso. Ma tiaha aia neitshi nimate aia? Ianenei tshana avere isa, ma avere o tshana noso erefia.

¹³Semasaro, akuso, pe fanua wararonei feimacowa acowa.

¹⁴Acitia keiro pe acitia nakaroce ta mate ma roro ia aniamouri, ianenei acitia acitiafakarafia anoso. Aia secitiafakarafia tshana noso nokonofo ia ta mate.

¹⁵Aia tasi feimacowa tshana noso kotshi komate tagata; ma acowa keiro jimra tasi tatane neitshi nimate tasi foci nakoamo anea mouri nokonofo ia aia.

¹⁶Ia ane ra acitia kowcitia ta acitiafakarafia o Atua, ianenei aia neinage tshana anea mouri iacitia; ma erefia acitia nage tshote anea mouri ia anoso.

¹⁷Kaia pe tasi tatane makoamo anea mane o fanua wararonei, ma kowcitia tshana noso niana kojimra, ma aia apofna tshana roto iateia setufwa, konapecua ta acitiafakarafia o Atua konofo ia aia?

¹⁸Tshaku erecriki sisi, erefia acitia secitiafakarafia i afasao ana, ma jimra ia norero; kaia ia magane, ma ia te mari.

¹⁹Ma i ane nei acitia keiro pe acitia tagata o ta mari, ma kamna arototeia keiro tamari emoa aia.

²⁰Ma pe arototeia koutucua acitia isa, Atua kosore kage arototeia, ma aia keiro ane iotshi.

²¹Akuso pe arototeia sekoutucua acitia isa, wamurira fakarogrogo ma kabisa ia Atua.

²²Ma ane iotshi acitia mori nogia, aia tufwa acitia, ianenei acitia maganerefia ia tshanafasao tapu, ma imna ane iotshi aia acitiafakarafia keicitia.

²³Tenei tshanafasao tapu, Pe acitia fakarogrogo ia neigo o tshana Nontariki Iesu Kristo, ma acitiafakarafia tasi ma sece o acitiotshi, hepe aia neitufwa acitia tafasao tapu iateia.

²⁴Ma aia maganerefia ia tshana fasao tapu konofo ia aia, ma aia (Iesu) konofo ia aia. Ma i ane nei acitia keiro pe aia konofo ia acitia, ia ta Nokano Tapu aia nakatufwa iacitia.