Read Futuna-Aniwa FAKATASI JOANES, 4 Bible Online

FAKATASI JOANES, 4 - Futuna-Aniwa bible

FAKATASI JOANES, 4

¹AKUSO sefakarogrogo iotshi nokano, kaia fatshigeia ta magane o anokano keicitia pe acre koromai o Atua; ianenei nalupai aprofeta feiva nakaroro ia fanua wararonei.

²Ia ane nei acowa keiro Nokano o Atua; Iothsi nokano pe aia koutucua Iesu Kristo komai ia ta konouri, aia komai o Atua.

³Ma iotshi nokano sekoutucua Iesu Kristo komai ia ta konouri, aia kojimra komai o Atua. Ma tenei ta nokano o aia feimacowa Kristo, o aia acowa nakarogona aia kamai, milow ia nopoge nei aia konofo ia fanua wararonei.

⁴Acowa koromai o Atua, erecriki sisi, ma nakatatumea acre; ianenei aia konofa iacowa sore kage, aia konofo ia fanua wararonei.

⁵Acre koromai o fanua wararonei; ianenei acre kofasao o fanua wararonei, ma fanua wararonei fakarogona acre.

⁶Acitia koromai o Atua; aia keiro Atua fakarogona acitia; aia semai o Atua sefakarogona acitia. Ia ane ra acitia keiro ta nokano o tamari, ma ta nokano o korefu.

⁷Akuso, erefia acitia acitiafakarafia tasi ma sece o acitiotshi; ma Atua ko acitiafakarafia; ma iotshi tagata pe acitiafakarafia aia kofarere o Atua, ma keiro Atua.

⁸Aia secitiarakarafia sekeiro Atua; ma Atua ko acitiafakarafia.

⁹Ia ane nei neicitia ta acitiafakarafia o Atua iacitia, ianenei Atua nikowna tshana nontariki tasi ana aia niamai ia fanua wararonei, pe acitia makoamo ania mouri ia aia.

¹⁰Ia ane nei konofo acitiafakarafia, jimra pe acitia acitiafakarafia Atua, kaia pe aia neicitiafakarafia acitia, ma nikowna tshana Nontariki keinage nori ia maganisa tshote.

¹¹Akuso, pe Atua hepra acitiakarafia acitia, erefia acitia foci acitiafakarafia tasi ma sece o acitiotshi.

¹²Jimra tatane tasi nakacitia Atua ituai mo milou. Pe acitia acitiafakarafia tasi ma sece o acitiotshi, Atua konofo ia acitia, ma tshana acitiafakarafia koerefia ia acitia.

¹³Ia ane nei acitia keiro pe acitia konofo ia aia, ma aia ia acitia, ianenei aia nakatufwa acitia o tshana Nokano Tapu.

¹⁴Ma acitia nakacitia, ma fakairo pe ta Mana nikowna ta Nontariki Keipare tagata o fanua wararonei.

¹⁵Tagatotshi pe koutucua ia aroto pe Iesu aia ko ta Nontariki o Atua, Atua konofo ia aia, ma aia ia Atua.

¹⁶Ma acitia nakeiro ma nifakarogrogo ta acitiafakarafia pe Atua nakoamo iacitia. Atua ko acitiafakarafia; ma aia pe konofo ia acitiafakarafia konofo ia Atua, ma Atua ia aia.

¹⁷Ia ane nei tshote acitiafakarafia ko erefia, pe acitia nokoamo tomatua ia nopoge wamuri o ioria amagane, ianenei hepe aia konofo, hepra acitia ia tenei fanua wararonei.

¹⁸Jimra kumtacu konofo ia acitiafakarafia; kaia erefia acitiafakarafia segeake kumtacu; ianenei kumtacu nakoamo komy isa ana. Aia pe kumtacu sekopenpena erefia ia acitiafakarafia.

¹⁹Acitia acitiafakarafia aia, ianenei aia mokagi acitiafakarafia acitia.

²⁰Pe tatane tasi koutucua, avou acitiafakarafia Atua, ma aia feimacowa tshana noso, aia korefu; ma aia secitiafakarafia tshana noso aia nakacitia, konapecua aia acitiafakarafia Atua aia secitiamana?

²¹Ma tenei fasao tapu acitia nokoamo o aia, Pe aia acitiafakarafia Atua acitiafakarafia tshana noso foci.