Read Futuna-Aniwa FAKARUA JOANES. 1 Bible Online

FAKARUA JOANES. 1 - Futuna-Aniwa bible

FAKARUA JOANES. 1

¹TA elter ia keimata fine sore, ma tshana erecriki, acre avou acitiafakarafia ia ta mari; ma jimra avou ana, kaia foci iotshi ra pe nakeiro ta mari;

²Ma I acitiafakarafia o ta mari, aia konofo i acitia, ma kanofo ia acitia atou ma tou;

³Karofa konofo iacowa, seioria magane isa, ma aroto merino, i Atua ta Mana, ma ia ta Teriki sore Iesu Kristo, ta Nontariki o ta Mana, ia tamari ma acitiafakarafia.

⁴Avou nibisa sore pe avou neicitia o tshou erecriki nakatakaro ia ta mari, hepe acitia nakoamo ta fasao tapu o ta Mana.

⁵Ma milou avou fakowia mukei akoi, fafine sore jimra hepe avou serea ta fasao tapu fou iatakoi, kaia tera neinage iacitia ia ta neikamata, pe acitia acitiafakarafia tasi ma sece o acitiotshi.

⁶Ma tenei ko acitiafakarafia, pe acitia katakaro wamuri tshan afasao tapu, Pe, hepe acowa nakarogona ia ta neikamata, acowa kororo ia aia.

⁷Kaia nalupai tagata karasia niroro ia fanua wararonei, acre sekoutucua pe Iesu Kristo komai ia ta konouri. Tenei tasi karasia ma feimacowa Kristo.

⁸Fatshigeia tshowa magane, pe acitia setowaki ane iotshi ra acitia nakavere iateia, kaia pe acitia amo ioria kofonu iateia.

⁹Tagata maganisa, ma senofo mukei ia ta fakairo o Kristo, aia seamo Atua. Aia konoto mukei ia ta fakairo o Kristo, aia nakoama acrawu ta Mana mo ta Nontariki.

¹⁰Pe faru komai iacowa, ma seamomai fakairo tenei, searafia aia ia tshowa fare, ma jimra koutucua aia Atua asitu aia;

¹¹Ma aia koutucua iatei Atua asitu akoi ko asitu aia i amaganisa tshana.

¹²Nokonofo ane nalupai keiserea iacowa, avou seserea ia pepa ma ta vai ouri; kaia avou kamentua komai iacowa, ma keifasao foimata nokoucitia foimata, pe tshote kabisa makafonu.

¹³Ta erecriki o tshou kamata noso alofa akoi. Amen.