Read Futuna-Aniwa FAKATORU JOANES. 1 Bible Online

FAKATORU JOANES. 1 - Futuna-Aniwa bible

FAKATORU JOANES. 1

¹TA elter ia Caius nakacitiafakarafia sore, aia avou acitiafakarafia ia ta mari.

²Akuso, avou acitiafakarafia sore kage ane iotshi pe akoi vere sore ma komouri tomatua iateia, hepe tshou nokano tomatua.

³Ma avou nibisa sore, wamuri anoso niromai ma neitucua o ta mari konofo ia akoi, hepe akoi katakaro ia ta mari.

⁴Avou seamo kabisa sore kage tira keirogona pe tshaku erecriki katakaro ia ta mari.

⁵Akuso, akoi emna erefia ane iotshi akoi emna ia anoso, ma ia tagata o fanua pouri.

⁶Acre koutucua emoa ta kalasia o tshou karofa ia tagata, acre pe akoi arafia ia tshare aretu ia maganerefia ia Atua, akoi kamaganerefia.

⁷Ianenei ia tshare acitiafakarafia ia tshana neigo acre niroro watafa, seamo ane o tagata tsha fanua pouri.

⁸I ane ra erefia acitia arafia tagata hepra, pe acitia foci asitu ia ta mari.

⁹Avou neiserea tatapuria ia ta kalasia; kaia Tiotrifus aia acitiafakarafia keiamo aia ta sore ia acre, searafia acitia.

¹⁰I ane ra, pe avou komai, avou kamentua tshana magane aia emna, nokoutucua afasao, ia feimacowa iacitia; ma aia segapu i amagane ra, aia searafiia anoso, ma neitucuasana acre acitiafakarafia arafia acre, ma towaki acre watafa ta kalasia.

¹¹Tucusoa, sefano wamuri ane pe isa, kaia ane erefia. Aia emna maganerefia aia komai o Atua; kaia aia maganisa secitiamana Atua.

¹²Temetrus nifasao erefia o tagatotshi, ma o ta mari; keini ma acime foci koutucua hepra; ma acowa keiro pe tshote fasao komari.

¹³Avou niamo ane nalupai keiserea, kaia avou kanatshicina serea tatapuria ia tavai ouri ma pen iatakoi;

¹⁴Kaia avou kamentua, avou ia taha napoge itata kaucitia akoi, ma acitawa kofasao ia foimata kowcitia foimata, Merino i aroto konofo iatakoi. Tshote aneli alofa akoi. Alofa aneli ia aneigo tshare.