Read Futuna-Aniwa NOKOFARAIRO O ANEA KEIMAI, 12 Bible Online

NOKOFARAIRO O ANEA KEIMAI, 12 - Futuna-Aniwa bible

NOKOFARAIRO O ANEA KEIMAI, 12

¹MA ane sore neicitia ia taragi, tasi fine nitaka ia tara, ma ta tumrama iraro tshana avai, ma iluga tshana nouru, tasi toporou o tumtagahuru ma erua afatú, ma aia kofeinai;

²Ma aia nitapa ia nikaitakamia nimay ia nifarere nuntama.

³Ma tasi foci ane sore neicitia ia taragi; ma iai tasi sore ouroura tracon nakamo fitu anouru ma tumtagahuru apatshi, ma iluga tshana anouru fitu akroun.

⁴Ma tshana nosiku torotshi nuntafa fakatoru o afatú o taragi, ma nitouwaki acre ia fenua, ma tatrecon nikotu mokagi ta fine itata keifarere, pe roaia tshana tama nifarere, aia keitakaroiai ta nuntama meloua wamuri aia nifarere.

⁵Ma aia nifarere tasi nontariki, aia ko vere o teriki ia tagatotshi o iafanua iotshi ia tasi tokotoko o airon, ma tshana tama, nitorotshia iluga ia Atua, ma ia tshana thron.

⁶Ma ta fine nifura ia tugogou, iai tasi none nofo iateia neipenpena o Atua, pe iai acre tufwa aia akai tasi thousant ma erua hunteret ma sekste anopoge.

⁷Ma iai tatoua nimai ia taragi; Maikeil ma tshana agelo nokororo ia tatoua ia ta trecon, ma ta trecon neimna tatoua ia tshana agelo;

⁸Ma acre setomatua, foci niare none senofo wamurira ia taragi.

⁹Ma ta sore trecon nitouwaki iraro, ta ituai agata, aia kotapa neigo ta Tevel ma Satana, aia ko ta nakarasia o tagata o iafanua iotshi wararonei, aia nitouwaki iraro ia takere, ma niana agelo nitouwaki iraro ia aia.

¹⁰Ma avou neirogona tasi noreo sore ia taragi, nokoutucua; Melou komai ta aneamouri, ma ta tomatua, ma ta vaka o tshote Atua, ma ta tomatua o tshana Kristo, ma aia kofasosa o tshote anoso ko touwaki iraro, aia nifasosa o acre mokagi tshote Atua tiau ma tupo.

¹¹Ma acre tomatua nitaroce aia ia ta toto o ta Lam, ma ia afasao o niare nokotamou iai, ma acre secitiafakarafia niare aneamouri ia ta mate.

¹²Ianenei kabisa ataragi, ma acoua konofo ia acre. Kawe ia acre konofo ia iafanua, ma tatai, ianenei ta tevel kofanifo iacoua, nakamo sore fakainina, nokeiro atou toru ana nofo iateia.

¹³Ma wamuri ta trecon neicitia pe aia nitouwaki ia fanua, aia nisiwa ta fine nifarere tatane tama.

¹⁴Ma iai neitufwa ia tafine ta erua nupakou o tasi sore mamke pe aia makarere ia ta tugogou ia tshana none, iai acre fakeina aia faru tou, ma atou, ma nuntafa o tasi tou, papai ia foimata o ta agata.

¹⁵Ma ta agata nitouwaki ia tshana rogoutu tavai hepe tavai tafe sore wamuri tafine, pe aia keiamke ta fine ia tavai tafe.

¹⁶Ma takere neisitu ta fine, ma takere nitshiki tshana rogoutu ma nifurumea ta vai tafe sore ta trecon nitouwaki watafa tshana rogoutu.

¹⁷Ma ta trecon nifakainina sore ia ta fine, ma nifano ia tatoua ia faru foci o tshana tagata, acre fakarogona ta fasao ma maganerefia ia tafasao tapu o Atua, ma purutshia muke ta fakairo o Iesu Kristo.