Read Futuna-Aniwa NOKOFARAIRO O ANEA KEIMAI, 16 Bible Online

NOKOFARAIRO O ANEA KEIMAI, 16 - Futuna-Aniwa bible

NOKOFARAIRO O ANEA KEIMAI, 16

¹MA avou neirogona tasi noreo sore nimai watafa ta fare mori sore, nokoutucua ia ta fitu agelo, Roro acoua ma regia ta fitu aboul o ta fakainina o Atua ia ta fanua.

²Ma ta fakatasi nifano ma neiregea tshana boul ia fanua, ma aia neimna amy sore ia atarucasa isa ia anotshino o tagata nakamo ta tatapuria o ta ane mouri, ma ia acre nimori ia tshana noata.

³Ma ta fakarua agelo neiregea tshana boul ia tatai, ma aia nifuri ia toto hepe o tatane mate, ma iotshi ane nokomouri nimate, anea iotshi nokonofo ia tatai.

⁴Ma fakatoru agelo neiregea tshana boul ia avai tafe, ma ia avai nupu nokonace, ma acre nifuri ia toto.

⁵Ma avou neirogona ta agelo o avai nokoutucua, Erefisa totonu akoi, konofo, ma neinofo, ma kanofo, akoi Tapu Tasi, ianenei akoi nakaioria Hepe nei.

⁶Ma acre neiregia ta toto o tagata o Iesu ma o aprofeta, ma toto akoi nakatufwa iacre keinumea, ma erefia niare iorea hepe ra.

⁷Ma avou neirogona tasi foci ia ta fata nokoutucua, Keini erefia, Teriki Atua, ta Tomatua sore kage, tamari ma totonu ko tshou ioria iotshi.

⁸Ma ta fakafa agelo neiregia tshana boul ia ta tara, ma aia neitufwa iateia ecini tagata hepe ia tiafi.

⁹Ma tagata niecina ia evera sore, ma acre nifasosa tapu ia ta neigo o ta Atua aia ana nakamo tomatua keikowna iotshi amace isa, ma acre setagi maganisa keitufwa aia ta sore.

¹⁰Ma ta fakerema agelo neiregea tshana boul ia ta thron o ane mouri, ma tshana vaka neimna pouri, ma acre nigona niare anorero ia amy sore.

¹¹Ma acre nifasosa tapu ia ta Atua o taragi ianenei niare amy sore ma amenuka, ma acre setagi ma sefeke niare maganisa.

¹²Ma ta fakaono agelo neiregia tshana boul iluga ta sore tavai tafe Eufretis, ma avai o aia nimasa, pe ta teretu neipenpena o fatoriki pe komai feke fanua tara nokonace iai.

¹³Ma avou neicitia nokomai watafa ta rogoutu o ta trecon, ma watafa ta rogoutu o ta ane mouri, ma watafa ta rogoutu o ta profeta korefu, toru nokano isa hepe afroc.

¹⁴Ma acre anokano o atevil, nokovere sore, ma roro watafa ia fatoriki o iafanua iotshi, keifetacina acre ia tatoua o ta sore nopoge o Atua ta Tomatua sore kagi.

¹⁵Koucitia avou komai hepe tasi tagata tshigo. Erefisa aia kofatshigeia, ma nokopurutshia tshana mega, pe aia sefano ana, ma acre koucitia koma notshino.

¹⁶Ma acre nifetacina acre ia ta none nitapa aia ia afasao Hibru Armaciton.

¹⁷Ma ta fakafitu agelo neiregea tshana boul iluga ta vavania, ma nimai tasi noreo sore watafa tafare mori sore o taragi nimai ia ta thron nokoutucua, aia kurava.

¹⁸Ma nimai ia atuptupeia, ma anoreo, ma afatshiri, ma nimai tasi tumahuke sore, jimra tasi foci sore hepra wamuri tagata neinofo iafanua wararonei, tasi sore kagi tumahuke ma tomatua nijimra hepera.

¹⁹Ma ta tumrai sore nivaia ia fakatoru nuntafa, ma umrai o iafanua nito, ma Babelon ta sore nimentua mokagi ta foimata o Atua, keitufwa aia ta kup o ta weina o ta sore fakainina tshana.

²⁰Ma iotshi fanua motu nifura, ma aora sectiamana.

²¹Ma sore toua mukei (hail) nito ia taragi iluga tagata, iotshi nopito mafa hepe tase mafa tafatu nifanifo fa taragi iluga tagata, ma fakou nifasosa tapu Atua ia ta mace isa o ta toua mukei, ma ta my isa sore kage o aia.