Read Futuna-Aniwa NOKOFARAIRO O ANEA KEIMAI, 20 Bible Online

NOKOFARAIRO O ANEA KEIMAI, 20 - Futuna-Aniwa bible

NOKOFARAIRO O ANEA KEIMAI, 20

¹MA avou neicitia tasi agelo nifanifo ia taragi, nakoamo ta ki o ta terua sore, ma tasi tous sore ia tshana norima.

²Ma aia nipurutshia ta trecon, ta agata itua, aia ko ta Tevel ma Satana ma nifousia aia tasi thousant atou.

³Ma nitouwaki aia ia ta terua sore ewiwi, ma nipofna aia, ma nagei mukei ta pona iluga aia, pe aia sekarasia avaka o fanua foci, ia taha tou ta thousant atou kurava, wamuri nei aia ko eivetea hepe atou toru ana.

⁴Ma avou neicitia athron, ma acre nikoike iluga acre, ma arapakou keiioria neitufwa iacre, ma avou neicitia anokano o acre niare anouru nisawace ia afasao o Iesu, ma ia afasao o Atua, ma acre semori ia ta ane mouri, mo tshana noata, ma seamo tshana tatapuria ia niare mugarai, mo ia niare norima, ma acre nimouri ma neinofo ia Kristo tasi thousant atou.

⁵Ma acre foce nimate semouri ia ta kurava o ta tshousant atou. Tenei ko ta fakatasi masike o tagata nimate.

⁶Erefisa ma tapu ko aia pe nakamo nontafa ia ta masike fakatasi, ia acre ta mate fakarua setomatua, kaia acre kanofo fakou tapu o Atua ma o Kristo, ma kanofo ia aia tasi thousant atou.

⁷Ma wamuri ta thousant atou kurava Satana ko neivetea ma feke tshana terua mukei.

⁸Ma aia kamai watafa keiresia tagata o ta avaka konofo ia ta efa nunturi o iafanua, Coc ma Mecoc, keifetacina acre ia ta toua, ta tawa o acre hepe ta tawne o tatai.

⁹Ma acre niroro nifitshi ia ta foimata o iafanua, ma neinofo kofori ta tumrai o tagata o Iesu, ma ta neicitiafakarafia tumrai, ma tiafi nifanifo ia Atua ma nitugiace acre.

¹⁰Ma ta tevil nikaresia acre, nitowaki aia ia ta tiafi nupu sore o tiafi rukasi, iai foce ta ane mouri ma ta profeta nikarasia, ma acre katasa acre tiau ma tupo atou ma tou.

¹¹Ma avou neicitia tasi sore kego thron, ma aia neinofo iluga, ma nifeke tshana foimata ta fanua ma taragi nifura, ma jimra none tasi neinofo ia acrawa.

¹²Ma avou neicitia acre mate, ta sore ma erecriki nokotu mokagi ta thron o Atua, ma atapuria nifogia, ma tasi foci tatapuria nifogia aia tatapuria o anea mouri, ma ta mate neiioria hepe anea neiserea ia ta tatapuria hepe niare avere.

¹³Ma tatai neitufwa iluga ta amate nofo ia aia, ma ta mate ma ta tiafi sore neitufwa iluga ta mate neinofo ia acrawa, ma aia neiioria acre iotshi tasi ma sece hepe tshare avere.

¹⁴Ma ta mate ma ta terua sore nitouwaki ia tiafi sore. Tenei ta fakarua mate, ta terua motu o tiafi.

¹⁵Ma pe ta neigo o tasi senofo ia tatapuria o amouri, nitouwaki aia ia terua motu o tiafi.