Read Futuna-Aniwa NOKOFARAIRO O ANEA KEIMAI, 21 Bible Online

NOKOFARAIRO O ANEA KEIMAI, 21 - Futuna-Aniwa bible

NOKOFARAIRO O ANEA KEIMAI, 21

¹MA avou neicitia tasi fou taragi ma tasi fou fanua, ma ta tragi ma fanua mokagi nifano, ma tatai kojimra.

²Ma avou neicitia ta tapu tumrai, ta fou Jerusalem nokofanifo ia Atua ia taragi, hepe ta fine feferace ia keiavaga ia niane nunwane.

³Ma avou neirogona tasi sore noreo nimai watafa ta thron nokoutucua, Koucitia ta fare mori o Atua konofo ia tagata, ma aia kanofo ia acre, ma acre kanofo tshana tagata, ma Atua aia kanofo ia acre, keinofo niare Atua;

⁴Ma aia kamosiace iotshi anoreimata ia niare foimata, ma mate sekamai foce, ma acre sekamakuru, mo nokotagi, mo amy foce, ma ta fakatasi anea nofo mokagi nikeifekece.

⁵Ma aia konofo ia ta thron neitucua, Koucitia, Avou emna ane iotshi fou, ma aia neitucua, Serea, ma afasao ra totonu ma tamari.

⁶Ma aia neitucua iatavou, aia kurava. Avou ta Alfa ma ta Omeca, ta neikamata, ma ta kurava. Avou katufwa aia pe komate tavai o ta nokonace avai o ta mouri sore.

⁷Aia pe tomatua maganerefia kamo ane iotshi ra, ma avou kanofo tshana Atua, ma aia kanofo tshaku nontariki.

⁸Kaia ia acre kumtacu, ma acre sefakarogrogo, ma acre isa, ma kotaia tagata, ma tshigo afine, ma fakon tapu o fefeitu, ma acre nokomori tetua, ma iotshi tagata refu, niare none konofo ia ta rua motu nokoura ia tiafi ma rukasi; tenei ta fakarua mate.

⁹Ma nimai iatavou tasi o ta fitu agelo nakamo ta fitu aboul, nifonu ia ta fitu amaci wamuri sore isa, ma aia nifasao ia avou nokoutucua, komai iatavou, ma avou kamata iatakoi ta fine fakavageina, ta nanahune o ta Lam.

¹⁰Ma aia nitakaia avou ia ta Nokano ia tasi aora sore ma iluga sore, ma neikamata iatavou ta tapu tumrai Jerusalem, nokofanifo ia taragi ia Atua.

¹¹Nokoamo ta noneate o Atua, tshana merama ko hepe tasi fatu fakamata sore su, hepe ta jasper fatu merama hepe krystal.

¹²Nakamo tapai sore ma iluga, nakamo twelv afeipa mo acet, ma ia afeipa twelv agelo, ma aneigo neiserea ia acre, ta aneigo o ta twelv afoga o tagata o Isreil;

¹³Ia ta ist toru acet, ma ia ta north toru acet, ma ia ta south toru acet, ma ia ta west toru acet.

¹⁴Ma ta apai o ta tumrai niamo twelv avefare, ma ia acre ta twelv aneigo o ta twelv apostolo o ta Lam.

¹⁵Ma aia nifasao ia avou nakamo tasi karafa tagasao o colt, keirafa ta tumrai ma acet o aia, ma tapai o aia.

¹⁶Ma ta tumrai sore konofo nunturi efa, ma ta palo ma porpore ko tasi ana, ma aia nikarafa ta tumrai sore ia tagasao, fiften ahuntret mail, ta palo ma ta porpore, ma ta iluga o aia ko tasiana.

¹⁷Ma aia nikarafa tapai o aia, tasi huntret ma forte for akubit hepe ta rafa o tasi tatane, tenei ko o ta agelo

¹⁸Ma ta fakatapurea o ta pai o aia neimna o jasper, ma ta tumrai ko neimna o colt erefisa hepe totshirogo

¹⁹Ta avepai o ta pai sore o ta tumrai sore neimna erefisa ia iotshi afatu fakamata sore su. Ta fakatasi tavepai neimna o jasper; ta fakarua o safir; ta fakatoru o kalsitone; ma fakafa o emerelt;

²⁰Ta fakarima sartoneks; ta fakaono sarteus; ta fakafitu krisolit; ta fakavaru berel; ta fakiva topas; ta fakatumtagahuru kraisofarasus, ta fakatumtagahuru ma tasi jakainth, ta fakatumtagahuru ma erua amethist.

²¹Ma ta tumtagahuru ma erua acet neimna o twelv aperl; tasi cet neimna o tasi perl ma sece iotshi o ta twelv neimna hepe o tasi perl; ma ta teretu o ta tumrai neimna o colt erefisa ekira hepe class.

²²Ma avou secitia tasi fare mori ia aia, ma ta Teriki Atua ta Tomatua ia ane iotshi, ma ta Lam nofo ta fare mori o aia.

²³Ma ta tumrai seamo ta merama o tara, ma jimra o tumrama keilama aia, mo ta noneate o Atua nilama aia, ma ta merama o aia ko ta Lam.

²⁴Ma tagata o nipare o avaka iafanua karoro ia merama o aia, ma fateriki o iafanua niamai niare sore ia aia.

²⁵Ma acet o aia sepofna ia tiau mo tupo, ma tupo jimra iai;

²⁶Ma acre karafia mai ta sore ma erefia o tagata o avaka iafanua ia aia

²⁷Ma sekafano ia aia tasi ane paku, mo aia emna paku isa, mo aia emna maganisa ma korefu, kaia acre ana neisereace ia ta tatapuria o amouri o ta Lam.