Read Futuna-Aniwa NOKOFARAIRO O ANEA KEIMAI, 3 Bible Online

NOKOFARAIRO O ANEA KEIMAI, 3 - Futuna-Aniwa bible

NOKOFARAIRO O ANEA KEIMAI, 3

¹MA ia ta agelo o ta kalasia ia Sartes serea; anera koutua aia nakamo ta fitu anokano o Atua, ma ta fitu afatú; avou keiro tshou avere, pe akoi nakamo tasi neigo pe akoi komouri, ma akoi komate.

²Fatshigeia akoi ma konagei mukei anea konofo iacoua, acre koitata mate; ma avou sekacitia tasi avere niaua emna erefia emoa tshaku Atua.

³Ianenei mentua taha nakatufwa iatakoi, ma akoi nakarogona, ma purutshia mukei ane iotshi, ma tagi feke maganisa, pe ianenei akoi sefatshigeia, avou kamai hepe tasi tshigo, ma akoi sekeiro ia taha our avou kamai iatokoi.

⁴Kaia akoi nakamo aneigo o toru ana ia Sartes acre seneimna pacu niare umega; ma acre katakaro ia avou ia umega kego, ma acre erefia.

⁵Aia tomatua ia nopoge wamuri semaganisa, kataka aia ia umega kego, ma avou sefurunacea tshana neigo watafa tatapuria o amouri, ma avou katucua tshana neigo emoa tshaku Tata, ma emoa tshana agelo.

⁶Aia nakamo nontarega, erefia aia fakarogona taha ta Nokano koutucua ia ta akalasia.

⁷Ma ia ta agelo o ta kalasia o Filatelfia serea; ane iotshi ra koutucua aia ko itapu, aia kotamari, aia nokamo ta ki o Tavita, aia pe tshiki, ma jimra tase kapofna, ma aia pofna jimra tasi katshiki.

⁸Avou keiro tshou avere, koucitia avou nakanagi mokagi akoi tasi tafeitoca tshiki ma jimra tasi ko tomatua keipofna aia, pe akoi nakamo sisi tomatua, ma nipurutshia tshaku fasao, ma sekavetea tshaku neigo.

⁹Koucitia, avou tufwa acre o ta fare mori o Satana, o acre koutucua acre tagata o Juteia, ma acre ko jimra, kaia acre korefu, koucitia avou kamna acre keimai ma keimori mokagi tshaku avai, ma keiro pe avou nakacitiafakarafia akoi,

¹⁰Ianenei akoi nipurutshia mukei ta fasao o tshaku merino, avou foci kapare akoi ia ta our o iarmesoso, ta our tera ko keimai ia iafanua iotshi wararonei, keiarmesoso acre nofo ia fanua wararonei.

¹¹Avou komai meloua, purutshia mukei ta ane akoi nakamo, pe tatane tase seamke tshou topurou.

¹²Aia tomatua ia ta nopoge wamuri, avou kamna aia tasi tapou ia ta fare mori sore o tshaku Atua, ma aia sekafeke fano watafa foci, ma avou kaserea ia aia ta neigo o tshaku Atua, ta neigo ma o ta tumrai sore o tshaku Atua aia ko ta fou Jerusalem pe aia kofanifo taragi ia tshaku Atua, ma tshaku neigo fou.

¹³Aia nakamo ta nontarega, erefia aia fakarogona taha ta Nokano koutucua ia ta akalasia.

¹⁴Ma ia ta agelo o ta kalasia ia Laotasia serea, ane iotshira koutucua ta Amen, ta erefisa ma tamari nokotamou; ta neikamata o ta anea iotshi Atua neimna.

¹⁵Avou keiro tshou avere, pe akoi jimra mukaligi mo evera, avou acitiafakarafia pe akoi mukaligi mo evera.

¹⁶Ma ianenei akoi evera sisi ana, ma jimra evera mo mukaligi avou kalua akoi watafa tshaku rogoutu.

¹⁷Ianenei akoi koutucua avou amo toutokogane, ma nakamo outa nalupai, ma secitiafakarafia ane foci; ma akoi sekeiro pe akoi isa, ma sekabisa, ma tshou anea mane ko jimra, ma akoi kofu, ma setaka mega fano ana.

¹⁸Avou koutucua iatakoi keifakamata o avou colt neipenpena erefisa ia tiafi, pe akoi ma kamo outa erefisa, ma kego umega pe kataka akoi ia aia, ma pe ta koma o tshou notshino fano ana sekacitia, ma tavai iamosia tshou foimata pe akoi kacitia erefisa.

¹⁹Iotshi avou acitiafakarafia, avou neitucuasana ma fakamtakutshia, ianenei akoi tomatua tagi, mo feke anea isa.

²⁰Koucitia avou kotu watafa ta feitoca ma tuctucia aia; pe tatane tasi karogona tshaku noreo ma tshiki iatavou, avou komai efare ia aia, ma kakeina ia aia, ma aia kakeina ia avou.

²¹Ia aia tomatua maganerefia ia ta nopoge wamuri, avou katufwa aia keinofo ia avou ia tshaku fata, hepe avou tomatua nimaganerefia, ma neinofo ia tshaku Tata ia tshana fata.

²²Aia nakamo ta nontarega erefia aia keirogona taha ta Nokano koutucua ia ta akalasia.