Read Futuna-Aniwa NOKOFARAIRO O ANEA KEIMAI, 5 Bible Online

NOKOFARAIRO O ANEA KEIMAI, 5 - Futuna-Aniwa bible

NOKOFARAIRO O ANEA KEIMAI, 5

¹MA avou neicitia ia ta norima matou o aia neinofo ia ta thron, tasi tatapuria neiserea watakoro ma ia ta nopua, nipofna mukei ia fitu fakamouga (seal).

²Ma avou neicitia tasi agelo tomatua sore, nokotapa ia noreo sore. Akai ko tomatua keifogea ta tatapuria, ma keivetea ta fakamouga nipofna aia?

³Ma jimra tasi ia taragi, mo ia fanua, mo iraro iafanua, nitomatua keifogia ta tatapuria, ma keivetea ta fakamouga o aia, mo keicitia ia aia.

⁴Ma avou nitagi sore, ianei jimra tasi tomatua keifogia ta tatapuria, mo keitawa aia, mo keicitia ia aia.

⁵Ma tasi o aelter neitucua iatavou, Setagi, koucitia ta Laion o ta nofoga o tagata o Juta, ta noaka o Tevit aia nakamo tomatua keifogia ta tatapuria, ma ta fitu fakamouga o aia.

⁶Ma avou neicitia ia aroto o ta thron ma o ta efa anea mouri, ma ia aroto o aelter, tasi Lam nokotu hepe nitaia nimate, aia nakamo fitu apatshi, ma fitu afoimata, acre ta fitu anokano o Atua, nikouna ia iafanua iotshi.

⁷Aia nimai ma niamke ta tatapuria kourucea ta norima matou o aia neinofo ia ta thron.

⁸Ma wamuri aia niamo ta tatapuria, ta efa anea mouri ma ta tumtagahuru erua ma efa aelter nito iraro mokagi ta Lam, tasi ma sece o acre nakamo aharp, ma aganea boul o colt nifonu o anea namu erefisa, aneara ta amori o tagata tsha Atua.

⁹Ma acre nifeke tasi tagoro fou, nokoutucua, Erefisa akoi keiamo ta tatapuria, ma keivetea ta fakamouga nipofna aia ma acre neitshi akoi keimate, ma nakafakamata acitia ia Atua ia tshou toto, fakou o iotshi nofoga, ma o iotshi fasao, ma o iafanua iotshi wararonei.

¹⁰Ma neimna acime fateriki ma fakou tapu ia tshote Atua ma acime katomatua ia fanua wararonei.

¹¹Ma avou neicitia, ma avou neirogona ta noreo o agelo nalupai nifori ta thron, ma ta anea mouri ma aelter, ma ta tawa o acre ko ten thousant fakatapuria ten thousant, ma athousant o athousant nalupai;

¹²Nokoutucua ia ta noreo sore, Erefisa ta Lam aia acre nitaia mate keitufwa aia ta tomatua sore, ma auta, ma ta arapakou, ma tomatua, ma ta sore, ma ta noneate, ma ta fasao iotshi erefisa.

¹³Ma anea iotshi neimna ia taragi, ma ia iafanua wararonei, ma iraro iafanua, ma ia atai, ma anea iotshi ia acre, avou neirogona nokoutucua, Ia aia nokonofo ia ta thron, ma ia ta Lam tufwa ta fasao iotshi erefisa, ma ta sore, ma ta noneate, ma ta tomatua sore atou ma tou.

¹⁴Ma ta efa anea mouri neitucua, Amen. Ma aelter nito iraro ma nimori aia komouri atou ma tou.