Read Futuna-Aniwa NOKOFARAIRO O ANEA KEIMAI, 8 Bible Online

NOKOFARAIRO O ANEA KEIMAI, 8 - Futuna-Aniwa bible

NOKOFARAIRO O ANEA KEIMAI, 8

¹Ma wamuri aia nitshiki ta fakafitu fakamouga, serogona tasi ane ia taragi hepe nokoga o tasi our.

²Ma avou neicitia ta fitu agelo acre nokotu mokagi Atua, ma iai neitufwa iacre fitu atupu.

³Ma tasi foci agelo nimai ma nikotu itata tafata, nakamo taganea o colt, ma aia neitufwa aia nalupai ane neinamu erefisa, pe aia kanagi aia ia amori o tagatotshi o Iesu iluga ta fata o colt, aia neinofo mokagi ta thron.

⁴Ma ta tousafi o ta anea namu erefisa ia amori o tagata o Iesu neinace iluga mokagi Atua ia ta norima o ta agelo.

⁵Ma ta agelo niamo ta taganea ma nitifocina aia ia tiafi o tafata ma nitouwaki aia ia ta fanua, ma wamurira nimai afatshiri, ma anoreo, ma atuptupeia, ma tasi tamahuke.

⁶Ma ta fitu agelo nakamo ta fitu tupu nifakana keipuia.

⁷Ma ta fakatasi nipuia, ma wamurira nimai toua mukei ma tiafi, fakafirofiro ia toto, ma nitouwaki acre ia fanua, ma fakatoru nopito o iafanua neitugiace, ma fakatoru nopito o terarakou neitugiace, ma iotshi tagaferi neitugiace.

⁸Ma ta fakarua agelo nipuia, ma hepe tasi aora sore nokotugia ia tiafi nitouwaki ia tatai, ma nuntafa fakatoru o tatai nitafuri ia toto;

⁹Ma fakatoru nuntafa o anea mouri ia tatai nimate, ma nuntafa fakatoru o avaka nitakaroiai.

¹⁰Ma ta fakatoru agelo nipuia, ma nito ia taragi tasi tafatú sore nokoura hepe talama, ma aia nito iluga ta fakatoru nuntafa o ta avai sore tafe, ma iluga avai nupu nokonace.

¹¹Ma ta neigo o ta fatú nitapa tanufe rarakou, ma ta nuntafa fakatoru o avai nitafuri ia tanufe rarakou, ma nalupai tagata nimate o ta avai, ianenei acre neimna kona.

¹²Ma ta fakaefa agelo nipuia, ma nuntafa fakatoru o tara nitakaroiai, ma nuntafa fakatoru o atumrama, ma nuntafa fakatoru o afatú, pe ta nuntafa fakatoru o acre neimna pouri, ma ta nopoge senoneate ia fakatoru nuntafa o aia, ma ta tupo hepera.

¹³Ma avou neicitia ma avou neirogona tasi agelo nokorere ia ta roto o taragi, nokoutucua ia noreo sore, Kawe, kawe, kawe, iacre konofo iafanua, ianenei o anoreo o ta tupu o ta toru agelo keipuia wamuri nei.