Read Futuna-Aniwa NOKOFARAIRO O ANEA KEIMAI, 9 Bible Online

NOKOFARAIRO O ANEA KEIMAI, 9 - Futuna-Aniwa bible

NOKOFARAIRO O ANEA KEIMAI, 9

¹MA ta fakarima agelo nipuia, ma avou neicitia tasi tafatú o taragi nito ia fanua, ma neitufwa ia aia ta ki o ta ewiwi terua sore su.

²Ma aia nitshiki ta ewiwi terua sore su, ma neinace tousafi ia ta terua hepe ta tousafi o tafare sore kotugia iron keitafi ia aia; ma tara ma ta vavania neimna pouri ia ta tousafi o ta terua.

³Ma nimai watafa ta tousafi ase ia iafanua, ma neitufwa iacre tomatua, hepe ta skorpion o iafanua nakamo tomatua.

⁴Ma aia neitucuasana acre keiiauiai ta agaferi o iafanua, mo tasi ane somo wiwi, mo tasi terakou, kaia atane seamo ta fakamouga tatapuria o Atua ia niare nomugarai.

⁵Ma aia neitufwa iacre skotaia acre mate, Kaia pe nakatakata acre erima umrama, ma niare nakatakata nofo hepe ta nakatakata o ta skorpion roia aia neitshi tatane,

⁶Ma ia anopoge o acre nokomai, fakou kafatshigeia keimate, ma acre sekamate, ma acre keiremu sore keimate, ma mate karere feke acre.

⁷Ma anotshino o ta ase hepe ahos nitaka ia tatoua, ma ia niare nouru atopurou nofo hepe o colt, ma niare afoimata hepe afoimata o tagata.

⁸Ma acre niamo foiuru hepe afoiuru o fafine, ma niare anonifo hepe anonifo o alaion.

⁹Ma acre niamo ane mukei ia niare afatfata hepe airon, ma ta noreo o niare anupakou hepe atsaraiot o ahos nalupai nokofura meloua ia tatoua.

¹⁰Ma niare anosiku hepe askorpion, ma anea ataro neinofo ia niare anosiku, ma niare tomatua keimna katakata fakou erima umrama.

¹¹Acre nakamo niare teriki ta agelo o ta terua sore, tshana neigo ia afasao Hibru ko Abaton, ma ia afasao Crisi ko Apolyon.

¹²Ta fakatasi kawe kosiri, ma erna foci akawe komai wamuri.

¹³Ma ta fakaona agelo nipuia, ma avou neirogona tasi noreo nifeke apatshi o ta afata o colt aia konofo mokagi Atua.

¹⁴Nokoutucua ia fakaono agelo, aia nakamo ta tupu, Eivetea ta efa agelo acre nifousia ia ta vai tafe Eufaratis.

¹⁵Ma ta efa agelo neivetea, acre neinofo ia tasi our, ma nopoge, ma tumrama, ma tou, pe acre keitshi mate ta fakatoru nuntafa o tagata.

¹⁶Ma ta tawa o ta fakou o tatoua koike ia anopua o ahos acre erua huntret thousant thousant, avou neirogona ta tawa o acre,

¹⁷Ma hepe nei avou neicitia ahos ra ia anea hepe ta mitshi, ma acre nikoike iluga acre, nakamo ane iluga afatfatorea hepe o tiafi, ma o haiasenth, ma o arukasi; ma anouru o ta ahos hepe anouru o alaion, ma nimai watafa niare arogoutu tiafi, ma tousafi, ma arukasi.

¹⁸Ia acratou ta fakatoru nuntafa o tagata nitaia mate, ia ta tiafi, ma ia ta tousafi, ma ia ta arukasi nimai watafa nare arogoutu.

¹⁹Ma ta tomatua o ahos neinofo ia niare arogoutu, ma ia niare anosiku, ma niare anosiku, ko hepe agata, ma nakamo anouru ma ia acre, acre takaroiai.

²⁰Ma acre iotshi tagata semate ia amace isa ra, setagi ma natshicina avere o arimore, pe acre semori agelo isa, ma ta tetua o colt, ma o selver, ma o bras, ma o tafatu, ma o tererakou; acre secitiamana, mo fakarogona, mo katakaro;

²¹Ma acre setagi senatshicina niare kotaia mate tagata, mo o niare afegeitu, mo o niare tshigo afine, mo niare nokotshigo anea.