Read luganda 1 Mose 15 Bible Online

1 Mose 15 - luganda bible

1 Mose 15

¹Sädši ne̱ ase̱ le̱ Iehowa wiemo̱ ba Abram ṅõ ye̱ ninā mli ake̱: Kāše gbeyei, Abram; midši *otše̱ṅ ke̱ oṅyõmo̱wo ni fá naakpa. [99]

²Ni Abram kē̱: Nuntšo̱ Iehowa! meni oohãmi, mi ni minyie ni mibe̱ bi, ni Eliezer, Damaskonyo ne̱, dši moni baṅõ miwe le̱ eye le̱?

³Ni Abram kē̱: Na, mi le̱ ohãkomi seši ko; ni na, miwenū ne̱ baye minii.

⁴Ni na, Iehowa wiemo̱ ba eṅõ ake̱: Mone̱ yeṅ onii; ši moṅ moni aadše̱ bodientše̱ omũsũṅ le̱, le̱ eeye onii.

⁵Ni ehā edše kpo, ni eké̱le̱ ake̱: Kwe̱mo̱ ṅwei ko, ni okane ṅulamii, ake̱ oonyẽame̱ okane lo? Ni ekẽle̱ ake̱: Bo̱ni oseši aatamo̱ ne̱. [100]

⁶Ni ehe Iehowa eye, ni ebu ene̱ dšale̱ ehãle̱. [101]

⁷Ni eke̱le̱ ake̱: Midši Iehowa moni dšieo ke̱-dše Ur ye̱ Kaldea, koni maṅõ ne̱ke̱ šikpoṅ ne̱ mahāo ni oye no̱ le. [102]

⁸Ni ekē̱: Nuntšo̱ Iehowa! meni mike̱-ale ake̱ maye no̱? [103]

⁹Ni ekē̱le̱ ake̱: Ṅõ tšinayō ni eye afii etẽ, ke̱ tōabotia ní eye afii etẽ, ke̱ tõagbo ní eye afii etẽ, ke̱ kose̱-okpo ke̱ okpobi obahãmi.

¹⁰Ni eṅõ ene̱mei fẽ ebahãle̱, ni *egbla amē̱mli enyo̱nyo, ni eto fãfãi le̱ eſie bie̱ ke̱ bie̱, eko ye̱ eko ṅe̱le̱no̱; ši lofõdši le̱ egblaa ame̱mli. [104]

¹¹Ni lofõdši lōyelo̱i kpleke ši basõmo̱ gbohĩĩ le̱ ano̱, ni Abram ſeame̱.

¹²Ni beni hũlũ yanyõ ši le̱, wo̱ ni tšī nyō Abram no̱; ni na, ṅmiṅmi ke̱ duṅ kpī ba eno̱. [105]

¹³Ni ekē̱ Abram ake̱: Ná ole ake̱ osešibii aatšṍmo̱ gbo̱i ye̱ šikpoṅ ni dšee ame̱nõ no̱; ni ame̱asúmo̱ame̱, ni nomei aawa ame̱yi afii ohai-edſe̱. [106]

¹⁴Ši nakai dšeṅmaṅ le̱ bũ ni ame̱asúmo̱ le̱, mi le̱ makodšoame̱, ni no se̱ le̱ ame̱ke̱ nii babaō aadše kpo. [107]

¹⁵Ki bo le̱ oote otše̱mei le̱ aṅõ ye̱ hedšo̱le̱ mli, aafũo ye̱ gbo̱le̱ kpakpa mli.

¹⁶Ši yino̱ ní dši edſe̱ le̱ no̱ le̱ ame̱akũ ame̱se̱ ke̱-aba bie̱ ekoṅ; edšake̱ Amorbii le̱ anõša le̱ náko ayi.

¹⁷Ni beni hũlũ enyõ ši ni hĩe ebu le̱, na, flõnõ ni fãa lasũ ke̱ lalile̱i batšṍ kukudši ne̱ ateṅ.

¹⁸Nakai gbĩ le̱ Iehowa ke̱ Abram kpãṅ ni ekē̱ ake̱: *Oseši le̱ maṅõ ne̱ke̱ šikpoṅ ne̱ mahā ke̱-dše̱ Mizraim fā le̱ nā ke̱-yaši fā kpeteṅkple ṅi dši Eufrate fã le̱ nā: [108]

¹⁹Kenbii ke̱ Kenizbii ke̱ Kadmonbii, [109]

²⁰ke̱ Hitbii ke̱ Perizbii ke̱ *Refabii, [110]

²¹ke̱ Amorbii ke̱ Kanaanbii ke̱ Girgašbii ke̱ Iebusbii le̱.