Read luganda 1 Mose 16 Bible Online

1 Mose 16 - luganda bible

1 Mose 16

¹Agbe̱ne̱ Sarai, Abram ṅã le̱, fe̱ko lolo; ši eye̱ weyō Mizraimyō ko ni egbe̱i dši Hagar.

²Ni Sarai kē̱ Abram akē̱: Na, Iehowa etšĩmi fo̱mo̱ gbē̱; nohewo̱ le̱ ya miweyō le̱ ṅõ; ši ekole̱ maná bii ke̱-adše̱ emli. Ni Abram bo Sarai gbē toi. [111]

³Ni Abram ṅã Sarai le̱ ṅõ Mizraimyō Hagar, eweyō le̱, ehā ewù Abram gblã, beni Abram eye afii nyoṅma ye̱ Kanaan šikpoṅ le̱ no̱ le̱.

⁴Ni eba Hagar ṅõ, ṅi eṅá mũsũ; ši beni ena ake̱ ehĩe mũsũ le̱, ewura le̱ he guo̱ gbo ye̱ ehĩe.

⁵Ke̱ke̱ ni Sarai kē̱ Abram ake̱: Mihĩegbẽle ne̱ aakã ono̱! Miṅõ miweyō le̱ miwo omliši; ni beni ena ake̱ ehĩe mũsũ le̱, mihe guo̱ egbo ye̱ ehĩe. Iehowa aakodšo mike̱o teṅ!

⁶Ši Abram kē̱ Sarai ake̱: Na, oweyō le̱ ye̱ odeṅ; femo̱le̱, bo̱ni sa ohĩe. Ni beni ebaäle̱ ši le̱, edšo foi ye̱ ehĩe.

⁷Ni Iehowa bo̱fo le̱ nale̱ ye̱ nubu ko he ye̱ ṅã le̱ ne̱, ye̱ Sur gbe̱ le̱ ne̱ nubu le̱ he.

⁸Ni ekē̱le̱ ake̱: Hagar, Sarai weyō, nẽgbe̱ odše̱, ni nẽgbe̱ hũ oyaä? Ni ekē̱: Miwura Sarai hĩe midšoo̱ foi ye̱ ne̱.

⁹Ni Iehowa bo̱fo le̱ kē̱le̱ ake̱: Kū ose̱ ke̱-ya owura le̱ ṅõ, ni oba ohe ši ohãle̱.

¹⁰Ni Iehowa bo̱fo le̱ sā kē̱le̱ ake̱: Fá mahã osešibii afá babaõ, bo̱ni anyẽṅame̱ akane. [112]

¹¹Ni Iehowa bo̱fo le̱ sā kē̱le̱ ake̱: Na, ohĩe mũsũ, ni obafo̱ binū; ni ootšē̱ egbē̱i akē̱ Išmael, edšakē̱ Iehowa enu omane le̱.

¹²Ni e̱etšṍ gbomo ní tamo̱ ṅãṅ tedši; enine aakã mofẽmo he, ni mofẽmo nine aakã ehe; ni eehĩ ši ye̱ enyemimei le̱ fẽ hĩe. [113]

¹³Ni etšē̱ Iehowa ni ke̱le̱ wie le̱ gbe̱i ake̱: Bo dši Mawu ni naämi! Edšake̱ ekē̱: Ani bie̱ ne̱ hũ mikwe̱ moni naämi le̱ yi se̱ lo?

¹⁴Nohewo̱ le̱ atšé̱ ne̱ke̱ nubu ne̱ ake̱ hĩekãlo̱ ni naämi le̱ nubu; na, eye̱ Kadeš ke̱ Bared teṅ. [114]

¹⁵Ni Hagar ke̱ Abram fo̱ binū; ni Abram wo ebi ní Hagar fo̱ le̱ gbe̱i ake̱ Išmael.

¹⁶Ni Abram eye afii nyoṅmai-kpānyo̱ ke̱ ekpa, beni Hagar ke̱le̱ fe̱ Išmael le̱.