Read luganda 1 Mose 21 Bible Online

1 Mose 21 - luganda bible

1 Mose 21

¹Ni Iehowa basra Sara, take̱ bo̱ni ekē̱ le̱, ni Iehowa fe ehã Sara, take̱ bo̱ni ewie le̱. [148]

²Ni Sara ná mũsũ, ni eke̱ Abraham fo̱ binū ye̱ egbo̱le̱ mli, ye̱ be ni Nyoṅmo̱ ekē̱le̱ le̱ mli. [149]

³Ni Abraham wo ebi ni efo̱, moni eke̱ Sara fo̱ le̱, Isak. [150]

⁴Ni Abraham fo ebi Isak ketia, beni eye gbĩĩ kpānyo̱ le̱, take̱ bo̱ni *Nyoṅmo̱ ewole̱ kitã le̱. [151]

⁵Ni Abraham eye afii oha, beni efo̱ ebi Isak le̱. [152]

⁶Ni Sara kē̱: Nyoṅmo̱ ewo *ṅmlõkpã ehãmi; mofẽmo ni aanu le̱ aaṅmõ eko ahãmi. [153]

⁷Ni esã ekē̱: Kũle̱ namo aagba Abraham ake̱ Sara aahã bii afufo̱? ši mike̱le̱ efo̱ bi ye̱ egbo̱le̱ mli.

⁸Ni gbekẽ le̱ bada ni atšele̱ fufo̱; ni Abrabam ṅmẽ okplõ kpeteṅkple gbĩ no̱ ni atše Isak le̱.

⁹Ni Sara na Hagar, Mizraimyõ le̱, bi ni eke̱ Abraham fo̱ le̱ ake̱ eyee̱ mo he fe̱o.

¹⁰Ni ekē̱ Abraham ake̱: *ſiemo̱ tšũlo̱yō ne̱ ke̱ ebi le̱; ši tšũlo̱yõ ne̱ bi le̱ ke̱ mibi Isak akaye gbošinii le̱. [154]

¹¹Ni sane le̱ dši do̱le̱ sane kple ye̱ Abraham hĩe ye̱ ebi le̱ hewo̱.

¹²Ni Nyoṅmo̱ kē̱ Abraham ake̱: Kāhã oblanyo le̱ ke̱ otšũlo̱yō le̱ sane le̱ mīfe do̱le̱ sane ye̱ ohĩe; nibii fẽ ni Sara ekē̱o le̱, bo egbẽ toi ye̱ mli; edšake̱ *Isak mli aatšé̱ oseši ye̱. [155]

¹³Ni tšũlo̱yō le̱ bi le̱ hũ, *mahã etšṍ dšeṅmaṅ, edšake̱ oseši dšile̱. [156]

¹⁴Ni Abraham te ši lebi mā̃ṅkpa, ni eko̱ abolo ke̱ nu ke̱ woloto̱ ehã Hagar, ni eṅõ-tſa ekõṅ, ke̱ gbekẽ le̱ hũ, ni ewole̱ gbe̱. Ni eyiṅ ete ni eyatšomlo ye̱ Beer-šeba ṅã le̱ṅ.

¹⁵Ni nu le̱ tã ye̱ woloto̱ le̱ mli, ni eše̱ gbekẽ le̱ efõ kōi le̱ eko šiši,

¹⁶ni ete eyatá se̱ fle̱ṅṅ aafe gãitšẽmo̱ dšeke̱mo̱ ye̱ eṅe̱le̱no̱; edšake̱ ekē̱ ake̱: Mikana gbekẽ le̱ gbẽle ke̱ke̱! Ni eho etá ši ye̱ eṅe̱le̱no̱, ni ewó egbẽ ni efó.

¹⁷Ni Nyoṅmo̱ nu oblanyo le̱ gbē, ni Nyoṅmo̱ bo̱fo le̱ tšé̱ Hagar ke̱-dše̱ ṅwei, ni eké̱le̱ ake̱: Meni feo̱o, Hagar? Kāše gbeyei; ši Nyoṅmo̱ enu oblanyo le̱ gbē ye̱ heni eyo̱ le̱.

¹⁸Te ši ni owó oblanyo le̱ no̱, ni oke̱ onine amõ emli; ši mahã etšṍ dšeṅmaṅ kpeteṅkple.

¹⁹Ni Nyoṅmo̱ gble ehĩṅme̱ii, ni ena nubu ko; ni eyiṅ ete, ni eyaye̱ nu ewo woloto̱ le̱ obõ, ni eṅõ-hã oblanyo le̱ enu.

²⁰Ni Nyoṅmo̱ ke̱ oblanyo le̱ ye̱; ni eda, ni ehĩ ši ye̱ ṅãno̱, ni etšṍ gãitšẽlo̱,

²¹ni ehĩ ši ye̱ Paran ṅã le̱ no. Ni enye yakpē yō ke̱-dše̱ *Mizraim šikpoṅ le̱ no̱ ebahãle̱. [157]

²²Ni eba mli ye̱ nakai be le̱ mli ake̱ Abimelek ke̱ etatše̱ Fikol bakē̱ Abraham ake̱: Nyoṅmo̱ ke̱o ye̱ ye̱ nibii fẽ ní ofeo̱ le̱ mli. [158]

²³Nohewo̱ le̱ agbe̱ne̱ kã Nyoṅmo̱ kitã otšõmi ye̱ bie̱ ne̱, ake̱ oyeṅmi lo mibii ke̱ miho̱i akũtũmpo̱o; ši edšũrõ bo̱ni *mifeo le̱, nakai ooṅō-femi ke̱ šikpoṅ ni obato gbo̱ ye̱ no̱ ne̱. [159]

²⁴Ni Abraham kē̱: Makã kitã le̱.

²⁵Ni Abraham kã Abimelek hĩe ye̱ nubu ko ni Abimelek tšũdši le̱ šõ ekā̃ nā le̱ hewo̱. [160]

²⁶Ni Abimelek kē̱ ake̱: Milee moni ye ne̱ke̱ sane ne̱, ni bo hũ otšĩĩ tã okẽē̱mi le̱, asaṅ minuko dã bũ, ake̱ dša ṅme̱ne̱.

²⁷Ke̱ke̱ ni Abraham ṅõ tōi ke̱ tšinai ebã Abimelek, ni ame̱yi enyo̱ le̱ fẽ ame̱kpãṅ.

²⁸Ni Abraham dšie tōi le̱ amli gwanteṅbiyei kpawo eto afã.

²⁹Ni Abimelek kē̱ Abraham ake̱: Ne̱ke̱ gwanteṅbiyei kpawo ni odšie oto afã ne̱, té ešišiṅ.

³⁰Ni ekē̱: Gwanteṅbiyei kpawo ne̱ oṅõ ye̱ mideṅ, koni aṅō-ye odase ahãmi, ake̱ mi midše ne̱ke̱ nubu ne̱.

³¹Nohewo̱ le̱ etšé̱ dše̱i *Beeršeba, edšake̱ dše̱i ame̱yi enyo̱ le̱ fẽ ame̱kãmo̱ kitã ye̱. [161]

³²Ni ame̱kpãṅ ye̱ Beeršeba; ni Abimelek ke̱ etatše̱ Fikol te ši, ni ame̱kũ ame̱se̱ ke̱-ba Filistibii le̱ ašikpoṅ le̱ no̱ ekoṅ.

³³Ni Abraham te̱o tamarisketšo ye̱ Beeršeba, ni *etšé̱ Iehowa, †nāno̱ Mawu le̱, gbe̱i ye̱ dše̱i. [162]

³⁴Ni Abrabam to gbo̱ ye̱ Filistibii le̱ ašikpoṅ le̱ no̱ gbĩĩ pī.