Read luganda 1 Mose 27 Bible Online

1 Mose 27 - luganda bible

1 Mose 27

¹Ni eba mli ake̱, beni Isak egbo̱, ni ebĩṅme̱ii ano̱ eha ni enaa nii dšogbāṅ le̱, etšé̱ ebi nukpa Esau le̱, ni ekē̱le̱ ake̱: Mibi! Ni ekē̱le̱ ake̱: Nami!

²Ni ekē̱: Na, agbe̱ne̱ migbe̱ ni milee migbēle gbĩ.

³Nohewo̱ le̱ agbe̱ne̱ kŏ̱lo̱mo̱ ogbo̱bimo̱ nibii le̱, ogãikotoku ke̱ ogãitšo le̱, ni odše kpo oya ṅã mli, ni oyamĩ mĩle̱lo obabãmi,

⁴ni obafele̱ niyenii ke̱ ṅõmo̱, take̱ bo̱ni misumoo̱ le̱, ni oke̱-bahãmi, koni maye, beni afe ni misusuma adšō̱o, dãni magbo. [202]

⁵Ni Rebeka nu, beni Isak ke̱ ebi Esau wieo̱ le̱. Ni Esau yiṅ ete ṅã le̱ṅ eyatao mĩle̱lo ke̱-ba.

⁶Ni Rebeka yakē̱ ebi Iakob ake̱: Na, minu ake̱ otše̱ ke̱ onyemi Esau miwie ake̱:

⁷Yatao mĩle̱lo, ni ofele̱ niyenii ke̱ ṅõmo̱ obahãmi, koni maye, ni madšō̱o ye̱ Iehowa hĩe, dãni magbo.

⁸Nohewo̱ le̱ agbe̱ne̱ mibi, bo noni mikē̱o̱o ne̱ toi!

⁹Ya tōi le̱ ateṅ ní oyamõmo̱ tōbii kpakpai enyo̱ ye̱ abotiai le̱ ateṅ obahãmi, ni maṅõ-fe niyenii ke̱ ṅõmo̱ mahã otše̱, take̱ bo̱ni esumoo̱ le̱,

¹⁰koni oke̱-yahã otše̱, ni eye, beni afe ni edšō̱o, dãni egbo.

¹¹Ni Iakob kē̱ enye Rebeka ake̱: Na, minyemi *Esau le̱, tšo̱iatše̱ dšile̱, ni mi le̱, mihe ye̱ trotro. [203]

¹²Ekole̱ mitše̱ aatăra mihe, ni matšṍ tamo̱ šišiulo̱ ye̱ ehĩe, ni mike̱ lōmo̱ aaba mino̱, Ši dšee dšō̱mo̱.

¹³Ni enye kē̱le̱ ake̱: Mi ne̱ olōmo̱ le̱ aba, mibi, bo migbẽ toi ke̱ke̱, ni oyamõmo̱ obahãmi!

¹⁴Ni eyiṅ ete, ni eyamõmo̱ ni eke̱bahã enye; ni enye ṅõ-fe niyenii ke̱ ṅõmo̱, tamo̱ bo̱ni etše̱ sumoo̱ le̱.

¹⁵Ni Rebeka kō̱lo̱ ebi nukpa Esau atadei fe̱fe̱dši ní yo̱ eṅõ ye̱ šĩa le̱, ni eṅṍ-wo Iakob, ebi gbekẽ le̱;

¹⁶ni eṅõ tōbii le̱ ahe wodši le̱ ewo enidši ke̱ ekue̱, hei ní ye̱ trotro le̱;

¹⁷ni eṅõ niyenii ke̱ ṅõmo̱ le̱ ke̱ abolo ni efe le̱ ewo ebi Iakob deṅ.

¹⁸Ni eba etše̱ ṅõ ni ebakē̱: Mitše̱! Ni ekē̱: Nami! Bo namoṅ, mibi?

¹⁹Ni Iakob kē̱ etše̱ ake̱: Mi, Esau, okromo̱bi le̱ṅ; mife be̱ni okē̱mi le̱. Ofai ne̱, te ši otá ši, ni oye mimĩle̱lo le̱ eko, koni osusuma adšō̱mi!

²⁰Ni Isak kē̱ ebi le̱ ake̱: Té fe tẽṅ ni oná oyá ne̱ke̱, mibi? Ni ekē̱: Edšake̱ Iehowa, o-Nyoṅmo̱ le̱, hã mike̱le̱ kpe.

²¹Ni Isak kē̱ Iakob ake̱: Tši oba, mibi, ni matăra ohe makwe̱ ake̱ mibi Esau dientše̱ dšio lo dšee le̱ ni.

²²Ni Iakob tši ebe̱ṅke̱ etše̱ Isak, ni etāra ebe, ni ekē̱: Gbē le̱ Iakob gbē ni, Ši nidši le̱ Esau nidši ni.

²³Ni eyoole̱, edšake̱ enidši abe ye̱ tše̱i sulaṅṅ tame̱ enyemi Esau nidši abe; ke̱ke̱ ni edšō̱le̱.

²⁴Ni ekē̱: Ani bo mibi Esau dientše̱ ne̱? Ni ekē̱: Miṅ!

²⁵Ni ekē̱: Tši ohãmi, koni maye mibi mĩle̱lo le̱ eko, koni misusuma adšō̱o. Ni etši ke̱-ba eṅõ, ni eye; ni ebahãle̱ wein hũ, ni enu.

²⁶Ni etše̱ Isak kē̱le̱ ake̱: Tši oba ko, koni obaſo̱ minā, mibi!

²⁷Ni etši eba ni ebaſo̱ enā; ni enu etadei le̱ amli ṅma le̱, ni edšō̱le̱ ni ekē̱: Kwē̱, mibi lē̱ he ṅma tamo̱ ṅã ko ni Iehowa edšō̱ le̱ ṅma!

²⁸Nyoṅmo̱ ahão ṅwei hō̱ ke̱ šikpoṅ fo̱ le̱ eko ke̱ ṅmā̃ ke̱ wein babaō hũ.

²⁹Mãdši asúmo̱o, ni dšeṅmãdši akotóö. Ye onyemimei le̱ ano̱ *nuntšo̱, ni onye bihĩĩ akotoö. Mofẽmo ni †lomoo̱o le̱, aalomo̱le̱; ni mofẽmo ní dšō̱o̱o le̱, aadšō̱le̱! [204]

³⁰Ni eba mli ake̱, beni Isak egbe Iakob dšō̱mo̱ le̱ nā, ni Iakob kē̱ edšeo̱ etše̱ Isak hĩe pe̱ le̱, enyemi Esau hũ dše̱ emĩle̱ le̱ eba;

³¹ni le̱ hũ efe niyenii ke̱ ṅõmo̱ ni eke̱-bahã etše̱, ni ekē̱ etše̱ ake̱: Hã mitše̱ ate ši, ni eye ehi mĩle̱lo le̱ eko, koni osusuma adšō̱mi.

³²Ni etše̱ Isak kē̱le̱ ake̱: Bo namoṅ? Ni ekē̱: Mi, obi, okromo̱bi Esau ni.

³³Ke̱ke̱ ni Isak he kpokpo bliblibli āhū dientše̱, ni ekē̱: Namo mo̱ dši moni yamĩ bahãmi, ni miye fẽ eko dãni obaä ne̱, ni midšō̱le̱? Ni aadšō̱le̱ hũ ne̱!

³⁴Ni beni Esau nu etše̱ wiemo̱i le̱, ebo wā dientše̱ ke̱ aw̌ere̱hō babaō, ni ekē̱ etše̱ ake̱: Mi hũ, dšō̱mo̱mi eko, mitše̱! [205]

³⁵Ni ekē̱: Onyemi le̱ ke̱ šišiumo̱ ebahe odšō̱mo̱ le̱ ke̱-te.

³⁶Ni ekē̱: Egbe̱i *Iakob ni awole̱ le̱ edi ehe. Šii enyo̱ so̱ṅṅ ní etõtṍo̱ minane ne̱: †mikromo̱bi-gbe̱nā le̱ ešõ, ni na, agbe̱ne̱ ebaṅõ midšō̱mo̱ le̱ bũ! Ni ekē̱: Ani oſe̱e̱ dšō̱mo̱ le̱ eko ohããmi? [206]

³⁷Ni Isak to be ni ekē̱ Esau ake̱: Na, miwole̱ ono̱ nuntšo̱, ni miṅṍ enyemimei le̱ fẽ mife etšũdši, ni miṅṍ ṅmā̃ ke̱ wein mihãle̱; ni bo le̱, meni mafe mahão mo̱, mibi?

³⁸Ni Esau kē̱ etše̱ ake̱: Ani no kome pe̱ dši dšō̱mo̱ ni oyo̱, mitše̱? Mi hũ dšō̱mo̱mi eko, mitše̱! Ni Esau wó egbẽ ni eſó.

³⁹Ni etše̱ Isak to he, ni ekē̱le̱ ake̱: Na, heni šikpoṅ fo̱ be̱ oohĩ ke̱ heni ṅwei bō̱ hũ be̱;

⁴⁰ni oklante nā oyi aaná wala ye̱, ni onyemi le̱ oosúmo̱. Ši aaba mli ake̱, ké̱ ople ohe le̱, oohwãnyã epã le̱ ke̱-dše okue̱. [207]

⁴¹Ni Esau nye̱ Iakob ye̱ dšō̱mo̱ ni etše̱ dšō̱le̱ le̱ hewo̱. Ni Esau kē̱ ye̱ etšui mli ake̱: Gbĩĩ ní ake̱-bafó mitše̱ le̱ eše̱ etã, ni magbe minyemi Iakob.

⁴²Ni abagba Rebeka ebi nukpa Esau wiemo̱i ne̱; ni etšũ ayatšé̱ Iakob, ebi gbekẽ le̱, ke̱-ba, ni ekē̱le̱ ake̱: Na, onyemi Esau bato̱ ehe owele ye̱ ono̱ ni egbeo.

⁴³Nohewo̱ le̱ agbe̱ne̱, mibi, bo migbē toi, ni ote ši ni odšo foi ke̱-ya minyemi Laban ṅõ ye̱ *Haran, [208]

⁴⁴ni oke̱le̱ ayaht ši gbĩĩ flō ko ke̱-yaši beyino̱ ni onyemi le̱ mlila le̱ aadše emli,

⁴⁵ke̱-yaši beyino̱ ni onyemi le̱ mlifũ ní enáo le̱ aadše emli, ni ehĩe aakpa noni ofele̱ le̱ no̱, koni matšũ ni abaṅõo ke̱-dše̱ dše̱i ke̱-ba; mẽba nyeyi enyo̱ le̱ fẽ nyeaṅmẽmi gbī kome?

⁴⁶Ni Rebeka kē̱ Isak ake̱: Midšeṅhĩle̱ edše mitšine ye̱ Hetbiyei le̱ ahewo̱. Ke̱-dši Iakob w̌e̱ Hetbiyei ni tame̱ mene̱mei ni dši šikpoṅ ne̱, no̱ biyei le̱ eko le̱, té mahĩ dšeṅ make̱ tẽṅ? [209]