Read luganda 1 Mose 29 Bible Online

1 Mose 29 - luganda bible

1 Mose 29

¹Ke̱ke̱ ni Iakob wó enane no̱ ni eba bokãgbe̱bii ašikpoṅ le̱ no̱.

²Ni ekwe̱, ni na, nubu ko ye̱ ṅã le̱ no̱, ni na, tōkui etẽ dſehe he ye̱ dše̱i; edšake̱ nakai bu le̱ mli nu le̱ aye̱e̱ ahãa tōi le̱ nuo̱; ni te̱ kpeteṅkple kã bu le̱ nā

³ni dše̱i ababuaä tōkui le̱ fẽ nā ye̱, ni ame̱kokloo te̱ le̱ ke̱-dšeo̱ bu le̱ nã, ni ame̱hãa tōi le̱ anu, ni ame̱kokloo̱ te̱ le̱ ame̱too̱ bu le̱ nā ekoṅ ye̱ egbe̱he.

⁴Ni Iakob kē̱ame̱ ake̱: Minyemimei, nẽgbe̱ nyedše̱? Ni ame̱kē̱: Wo̱dšē̱ Haran.

⁵Ni ebiame̱ ake̱: Ani nyele Nahor bi Laban le̱? Ni ame̱kē̱: Wo̱lelē̱.

⁶Ni ebiame̱ ake̱: Ani eye̱ dšogbāṅ lo? Ni ame̱kē̱: Eye̱ dšogbãṅ; ni na, ebiyō Rahel ke̱ tōi baä ne̱!

⁷Ni eké̱: Na, dše nako kwrā, ni eše̱ko koloi awo̱be; nyehãa tōi le̱ anua nu, ni nyeyahãaame̱ nii!

⁸Ni ame̱ké̱: Wo̱nyẽṅ, dša abna tō-kuikui le̱ fẽ nã ke̱-kpe, ni ame̱koklo te̱ le̱ ke̱-dše bu le̱ nā, dãni wo̱o̱hã tōi le̱ anu.

⁹Ni beni eke̱ame̱ wieo̱ lolo le̱, Rahel ke̱ etše̱ tōi le̱ ba, edšake̱ le̱ ekwe̱o̱ame̱.

¹⁰Ni eba mli ake̱, beni Iakob na Rahel, enye nyemi Laban biyō le̱ ke̱ enye nyemi Laban tōi le̱, Iakob tši ete ni eyakoklo te̱ le̱ ke̱-dše bu le̱ nā, ni ehã enye nyemi Laban tōi le̱ nu ame̱nu.

¹¹Ni Iakob ſo̱ Rahel nā, ewó egbẽ no̱ ni efó.

¹²Ni Iakob kē̱ Rahel ake̱ etše̱ nyemi dšile̱, ni Rebeka bi dšile̱; ke̱ke̱ ni eša foi ete ni eyakē̱ etše̱.

¹³Ni eba mli ake̱, beni Laban nu enyemibi Iakob sane le̱ he le̱, eša foi etele̱ kpẽmo̱, ni elōle̱ atū ni eſo̱ enā, ni eke̱le̱ ba ewe le̱; ni egba Laban sãdši ne̱ fẽ.

¹⁴Ni Laban kē̱le̱ ake̱: Asano̱kwa, miwú ke̱ mihelo dšio! Ni eke̱le̱ hĩ ši nyõṅ kome.

¹⁵Ni Laban kē̱ Iakob ake̱: Ake̱-ní oyafe minyemi hewo̱ le̱, oosúmo̱mi yaka lo? Tšõmo̱ bo̱ni oohemi.

¹⁶Ni Laban ye̱ biyei enyo̱: onukpa le̱ gbe̱i dši Lea, ni gbekẽ le̱ gbe̱i dši Rahel.

¹⁷Ni Lea hĭṅme̱ii ye̱ sukusuku, ši Rahel he ye̱ fe̱o ni ehĩe hũ ye̱ fe̱o.

¹⁸Ni Iakob sumoo̱ Rahel ni ekē̱: Masúmo̱o afii kpawo ye̱ Rahel, obi gbekẽ le̱, hewo̱.

¹⁹Ni Laban kē̱: Ehĩ ake̱ mike̱le̱ hãao fè noni mike̱le̱ aahã nū kroko; oke̱mi ahĩ ši!

²⁰Ni Iakob súmo̱ afii kpawo ye̱ Rahel hewo̱, ni suomo̱ ní esumoo̱le̱ hewo̱ le̱, efele̱ tamo̱ gbĩ komekome ke̱ke̱.

²¹Ni Iakob kē̱ Laban ake̱: Oke̱ miṅã le̱ ahãmi, koni ebawo̱ miṅō, edšake̱ mi-gbĩĩ le̱ eše̱.

²²Ni Laban bua dše̱i bii le̱ fẽ nā, ni eṅmẽ okplõ.

²³Ni gbe̱ke̱ le̱ eba mli ake̱ eṅõ ebiyõ Lea ni eke̱le̱ bahãle̱; ni ebawo̱ eṅõ.

²⁴Ni Laban ṅõ eweyō Zilpa ehã ebi Lea, ni efe eweyõ.

²⁵Ni eba mli ake̱, beni dše tše̱re le̱, na, Lea ni. Ni ekē̱ Laban ake̱: Meni ofemi ne̱? Ani dšee Rahel hewo̱ ni misúmo̱o le̱? Mẽhewo̱ mo̱ ni ošišiumi ne̱?

²⁶Ni Laban kē̱: Wo̱bie̱ ne̱ afee nakai, ahãã gbekẽ gblã dāni ahã kromo̱bi.

²⁷Gbe mone̱ otši le̱ nā, ni wo̱ke̱ mokroko le̱ hũ aahão ye̱ súomo̱ ní oosúmo̱mi afii kpawo kroko hũ hewo̱.

²⁸Ni Iakob fe nakai, ni egbe nakai otši le̱ nā; ni eṅõ ebi Rahel hũ ehãle̱ gblã.

²⁹Ni Laban ṅõ eweyõ Bilha ehã ebi Rahel, ni efe eweyō.

³⁰Ni Rahel hũ bawo̱ eṅõ, ni esumo̱ Rahel fé Lea; ni esā esúmo̱le̱ afii kpawo ekoṅ. [220]

³¹Ni beni Iehowa na ake̱ asumo̱o̱ Lea le̱, egble emũsũ nā, ši Rahel fe kene.

³²Ni Lea ná mũsũ, ni efo̱ binū, ni ewole̱ Ruben, ni eke̱: Edšake̱ Iehowa ekwe̱ mimanehũlũ le̱; ni agbe̱ne̱ miwù basumo̱mi!

³³Ni ená mũsũ ekoṅ, ni efo̱ binū, ni ekē̱: Edšakē̱ Iehowa enu ake̱ asumo̱o̱-mi, hewo̱ le̱ ehāmi bi ne̱ bũ, ni ewole̱ Simeon.

³⁴Ni esā ená mũsũ, ni efo̱ binù, ni ekē̱: Ene̱ le̱ agbe̱ne̱ miwù ke̱ ehe aakpe̱te̱ mihe, edšake̱ mike̱le̱ efo̱ bihĩĩ etẽ; nohewo̱ le̱ ewole̱ Levi.

³⁵Ni ená mũsũ ekoṅ, ni efo̱ binū, ni ekē̱: Ene̱ le̱ madšie Iehowa yi; nohe-wo̱ le̱ ewole̱ Iuda. Ni efo fo̱mo̱ dã.