Read luganda 1 Mose 32 Bible Online

1 Mose 32 - luganda bible

1 Mose 32

¹Ni lebi mā̃ṅkpa le̱ Laban te ši ni eſo̱ſō̱ ebihĩĩ ke̱ ebiyei le̱ anã ni edšō̱ame̱. Ni Laban ṅõ-tšere̱ mli ke̱-kũ ese̱ ke̱-te emaṅ.

²Ni Iakob hũ ṅõ-ſie no̱; ni *Nyoṅmo̱ bo̱foi ke̱le̱ bakpe. [243]

³Ni beni Iakob naame̱ le̱, ekē̱: Ene̱ le̱ Nyoṅmo̱ ta ne̱! Ni ewo dše̱i Mahanaim.

⁴Ni Iakob tšũ bo̱foi ke̱-tšṍ ehĩe ke̱-te enyemi Esau ṅõ ye̱ *Seir šikpoṅ ni dši Edom ṅã le̱ no̱. [244]

⁵Ni ewoame̱ kitã ake̱: Nyeyakē̱a minuntšo̱ Esau akē̱: Bo̱ni otšũlo̱ Iakob kē̱ ne̱: Miyato gbo̱ ye̱ Laban ṅõ, ni mitše̱ ye̱ dše̱i āhũ ke̱-baši bene̱,

⁶ni miná tšinai ke̱ tedšii ke̱ tōi ke̱ tšūdšihĩĩ ke̱ tšũdšiyei; ni mitšũ ni abakē̱ minuntšo̱, koni mihĩe aba nyam ye̱ ohĩe.

⁷Ni bo̱foi le̱ kū ame̱se̱ ame̱ba Iakob ṅõ, ni ame̱kē̱: Wo̱te onyemi Esau ṅõ, ni le̱ hũ eke̱ hĩĩ obai-edſe̱ mība abakpeo.

⁸Ke̱ke̱ ni Iakob še gbeyei ni efe yeyēye naakpa, ni edša asafo ni fata ehe le̱ ke̱ tōi le̱ ke̱ tšinai ke̱ yomai le̱ amli kui enyo̱,

⁹ni ekē̱: Ke̱dši Esau ba asafoku kome ne̱ no̱ ni ebatſiaame̱ nii le̱, koni ku kome ní eſe̱ le̱ aná gbe̱ adšo foi.

¹⁰Ni Iakob sã kē̱: Mitše̱ Abraham Nyoṅmo̱ ke̱ mitše̱ Isak Nyoṅmo̱, Iehowa, *moni kē̱mi ake̱: Kũ ose̱ oya ošikpoṅ no̱ ke̱ owekumei aṅõ, ni mafeo dšogbāṅ le̱; [245]

¹¹omo̱bo̱nale̱i ke̱ onokwayeli fẽ ni odšie otšõ otšũlo̱ le̱, ekomeflo ne̱ke̱ *esaami; ši tšo mihĩe ke̱-fo Iordan ne̱, ni agbe̱ne̱ mitšṍ asafokui enyo. [246]

¹²Mīkpao fai ni odšiemi ke̱-dše̱ mi-nyemi le̱ deṅ, ke̱-dše̱ Esau deṅ; ši mïšele̱ gbeyei, koni ekaba ni ebatſiami ke̱ nye ke̱ bii le̱ fẽ nii.

¹³Ši bö *okē̱ ake̱: Mafeo dšogbãṅ, ni mabã oseši atšṍ tamo̱ ṅšo̱ nā šia ní anyẽṅ akane ye̱ fále̱ nā! [247]

¹⁴Ni ewo̱ dše̱i nakai nyõ le̱ṅ; ni eṅṍ nii ni ehĩe le̱ eko eyake enyemi Esau:

¹⁵tōabotiayei obai-enyo̱ ke̱ tōkpa-kpoi nyoṅmai-enyo̱, tõgwanteṅyei ohai-enyo̱ ke̱ tōagboi nyoṅmai-enyo̱,

¹⁶yomai ni hãa fufo̱ ke̱ ame̱bii nyoṅmai-etẽ, tšinayei nyoṅmai-edſe̱ ke̱ tšinahĩĩ nyoṅma, tedšiyei nyoṅmai-enyo̱ ke̱ te-dšibii nyoṅma

¹⁷Ni eṅõame̱ ewo etšũdši le̱ adeṅ, kui kui; ni ekē̱ etšũdši lē̱ ake̱: Nyetšṍa mibĩe ni nyehãa gbe̱ akãa ku ke̱ ku teṅ.

¹⁸Ni ewo tsutšumo le̱ kitã ake̱: Ke̱dši minyemi Esau ke̱o kpe, ni ebio ake̱: Namo gbomo dšio, ni nẽgbe̱ oyaä, ni namo nii dši ene̱mei ní nyie ohĩe ne̱? le̱,

¹⁹no le̱ okē̱ ake̱: Otšũlo̱ Iakob nikẽnii ní etšũ ake̱ ake̱-bake minuntšo̱ Esau ni; ni na, le̱ hũ enyie wo̱se̱.

²⁰Ni nakai kitã noṅṅ ewo moni dši enyo̱ le̱ ke̱ moni dši etẽ le̱ ke̱ mei fẽ bũ ni nyie kui le̱ ase̱ le̱ ake̱: Kē̱ nyenina Esau le̱, bo̱ni nyeke̱le̱ awie ne̱;

²¹ni nyesā nyekē̱ale̱ ake̱: Na, otšũlo̱ Iakob nyie wo̱se̱. Edšake̱ ekē̱: Mike̱ nikēnii ni nyie mihĩe ne̱ yakpãtãle̱, ni no se̱ dãni mayana ehĩe, ekole̱ eekwe̱ mihĩe.

²²Ke̱ke̱ ni ake̱ nikẽnii le̱ tšṍ ehĩe, ši le̱dientše̱ le̱ ehĩ asafo le̱ ṅõ nakai nyō le̱ṅ.

²³Ni ete ši nakai nyō le̱ṅ, ni eṅõ eṅãmei enyo̱ le̱ ke̱ eweyei enyo̱ le̱ ke̱ ebihĩĩ nyoṅma ke̱ ekome le̱ ni eyafo Iabok fōhe le̱;

²⁴ni eke̱ame̱ fo fā le̱ ke̱ enii ní eyo̱ le̱ fẽ.

²⁵Ni ebaſe̱ Iakob kome. Ni nū ko ke̱le̱ banõ ke̱-yaši dšetše̱remo̱. [248]

²⁶Ni beni ena ake̱ enyẽẽle̱ le̱, eta egboṅ talo̱ le̱ he, ni Iakob gboṅ talo̱ le̱ hwãṅ beni eke̱le̱ nõo̱ le̱.

²⁷Ni ekē̱: Hã maya, ši dše mītše̱re! Ši ekē̱: *Mihãṅ oya, dša odšō̱mi dã! [249]

²⁸Ni ebile̱ ake̱: Té ogbe̱iṅ? Ni ekē̱: Iakob.

²⁹Ni ekē̱ ake̱: *Atšē̱ṅ ogbe̱i Iakob doṅṅ, ši Israel aatšē̱o; edšake̱ oke̱ Nyoṅmo̱ ke̱ gbomei eši mple ni oye kũnim. [250]

³⁰Ni Iakob bile̱ ake̱: Mīkpao fai ni *otšõmi ogbe̱i! Ni ekē̱: Meni hewo̱ ni obio̱ migbe̱i ne̱? Ni edšō̱le̱ ye̱ dše̱i. [251]

³¹Ni Iakob wo dše̱i Peniel; edšake̱ ekē̱: *Mina Nyoṅmo̱ hĩe kē̱ hĩe, ši migboo. [252]

³²Ni beni efoṅ yē̱ Peniel le̱, hũlũ dše ye̱ eno̱, ni etšutšo̱ ye̱ egboṅ le̱ mli.

³³Nohewo̱ le̱ Israelbii le̱ yee fã ní suo̱ ni yo̱ gboṅ talo̱ le̱ mli le̱ ke̱-baši ṅme̱ne̱ṅme̱ne̱, edšake̱ eta Iakob gboṅ talo̱ le̱ he ye̱ fã ni suo̱ le̱ he.