Read luganda 1 Mose 35 Bible Online

1 Mose 35 - luganda bible

1 Mose 35

¹Ni Nyoṅmo̱ kē̱ Iakob ake̱: Te Ši ni oya Betel ni oyahĩ dše̱i, ni omã afo̱lešãlate̱ ye̱ dše̱i obã Mawu *ni dšie ebe kpo etšõo, beni odšo foi ye̱ onyemi Esau hĩe le̱. [265]

²Ni Iakob kē̱ ewe lē̱ ke̱ mei fẽ ni ke̱le̱ yo̱ le̱ ake̱: *Nyedšiea maṅse̱ nyoṅmo̱i ni yo̱ nyeteṅ le̱ nyeſiea, ni nyetšūa nyehe, ni nyetšakea nyetadei. [266]

³Ni nyehãa wo̱tea ši ni wo̱yaä Betel, ni mafe afo̱lešãlate̱ ye̱ dše̱i mahã Mawu ni heremi no̱ ye̱ mifĩmo̱ gbĩ le̱ no̱, ni *efata mihe ye̱ gbe̱ ni mifã le̱ mli le̱. [267]

⁴Mi ame̱ṅõ maṅse̱ nyoṅmo̱i le̱ fẽ ni yo̱ ame̱deṅ le̱ ke̱ ame̱toiiaṅnii le̱ ame̱hã Iakob, ni Iakob ṅõ-tẽ *tšo kple ko ni yo̱ Šekem mase̱i le̱ šiši. [268]

⁵Ni ame̱ṅõ-ſie no̱. Ni eba mli ake̱ Nyoṅmo̱ be ṅmiṅmi mõmo̱ mãdši le̱ ni dfere ame̱he le̱, ni ame̱tiuu Iakob bii le̱.

⁶Ke̱ke̱ ni Iakob ke̱ mei fẽ ni fata ebe le̱ baše̱ Luz ni yo̱ Kanaan šikpoṅ le̱ no̱ ní dši Betel le̱.

⁷Ni emã *afo̱lešãlate̱ ye̱ dše̱i, ni etšē̱ dše̱i El-Betel, edšake̱ dše̱i Nyoṅmo̱ dšie ebe ši etšõle̱ ye̱, beni edšo foi ye̱ enyemi le̱ hĩe le̱. [269]

⁸Ši *Debora ní bã Rebeka fufo̱ le̱ gbo, ni afũle̱ ye̱ Betel šišigbe̱ ye̱ tšo kple le̱ šiši; ni awole̱ gbe̱i ake̱ Yāfótšo. [270]

⁹Ni Nyoṅmo̱ dšie ebe kpo etšõ Iakob ekoṅ, beni edše̱ Mesopotamia eba le̱, ni edšō̱le̱.

¹⁰Ni Nyoṅmo̱ kē̱le̱ ake̱: Ogbe̱i dši Iakob; atšé̱ṅo Iakob doṅṅ, ši moṅ *Israel aatšé̱o. Ni ewole̱ Israel. [271]

¹¹Ni Nyoṅmo̱ kē̱le̱ ake̱: Midši *Mawu Ofe le̱; fo̱, ni oyi afá; dšeṅmaṅ ke̱ dšeṅ-mãdši asafo aadše̱ omli, ni †maṅtše̱mei hũ aadše̱ ohe̱ mli; [272]

¹²ni šikpoṅ le̱ nl minõ-hã Abraham ke̱ Isak le̱, bo maṅõ-hã, ni oseši ni aaba ye̱ ose̱ le̱ maṅõ šikpoṅ ne̱ mahã.

¹³Ni Nyoṅmo̱ *dše eṅõ ye̱ heni eke̱le̱ wie ye̱ le̱, ni ete ṅwei. [273]

¹⁴Ni Iakob ṅõ te̱ eto okadi ye̱ heni eke̱le̱ wie ye̱ le̱, ni efo̱se wein ke̱ mũ eſie no. [274]

¹⁵Ni Iakob wo heni Nyoṅmo̱ ke̱le̱ wie ye̱ le̱ gbe̱i ake̱ Betel.

¹⁶Ni ame̱fã ke̱-dše̱ Betel, ni eſe̱ gbe̱ kukuō ko ni ame̱še̱o̱ Efrat, ke̱ke̱ ni Rahel bõi kõmo̱, ni efo̱mo̱ le̱ he yawa hãle̱.

¹⁷Ni eba mli ake̱, beni efo̱mo̱ le̱ mli wa le̱, yōfo̱yō le̱ kē̱le̱ ake̱: Kāše gbeyei, ši obafo̱ nū ekoṅ.

¹⁸Ni eba mli ake̱, beni esusnma beo̱ emli adše ni ebu enā le̱, ewole̱ gbe̱i ake̱ Benoni; ši etše̱ wole̱ Benyamin.

¹⁹Ni Rahel gbo, ni afùle̱ ye̱ Efrat ni dši Betlehem le̱ gbe̱ le̱ mase̱i. [275]

²⁰Ni Iakob ke̱ te̱ to okadi ye̱ esãṅ le̱ no̱; no dši Rahel sãṅ no̱ te̱ ke̱-baši ṅme̱ne̱.

²¹Ni Israel ṅõ-ſie no̱ ni eyaši ebū le̱ ye̱ *Eder mõ le̱ se̱ghe̱. [276]

²²Ni eba mli ake̱, heni Israel yo̱ nakai šikpoṅ le̱ no̱ le̱, *Ruben yiṅ ete ni eke̱ etše̱ ṅã Bilha le̱ yawo̱; ni Israel nu. Agbe̱ne̱ Iakob bihĩĩ le̱, ame̱yi nyoṅma ke̱ enyo̱: [277]

²³Lea bihĩī dši Iakob kromo̱bi Ruben, ke̱ Simeon ke̱ Levi ke̱ Iuda ke̱ Isakar ke̱ Zebulon.

²⁴Rahel bii dši Iosef ke̱ Benyamin.

²⁵Ni Bilha, Rahel weyō le̱, bii dši Dan ke̱ Naftali.

²⁶Ni Zilpa, Lea weyō le̱, bii dši Gad ke̱ Ašer. Mene̱mei dši Iakob bii le̱ ni efo̱ ye̱ Mesopotamia le̱.

²⁷Ni Iakob ba etše̱ Isak ṅõ ye̱ Mamre, ye̱ Kiriat-Arba ni dši Hebron le̱, heni Abraham ke̱ Isak hato gbo̱ ye̱ le̱.

²⁸Ni Isak gbĩĩ le̱ dši afii oha ke̱ nyoṅmai-kpānyo̱.

²⁹Ni Isak *gbo̱ kotokoto, ni egbo ni ahna enā afata emei le̱ ahe, beni etšṍ nūmo ni eye gbĩĩ pī le̱. Ni Esau ke̱ Iakob, ebii le̱, bafũle̱. [278]