Read luganda 1 Mose 39 Bible Online

1 Mose 39 - luganda bible

1 Mose 39

¹Ni ake̱ Iosef *te Mizraim, ni Farao piafonyo ke̱ eblafoi atše̱ Potifar ní dši Mizraimnyo le̱ hele̱ ye̱ Išmaelbii le̱ ní ke̱le̱ ba dše̱i le̱ adeṅ. [296]

²Ni Iehowa ke̱ Iosef ye̱, ni edši no̱batše̱, ni enuntšo̱ Mizraimnyo le̱ we eyo̱.

³Ni enuntšo̱ le̱ na ake̱ Iehowa ke̱le̱ ye̱, ṅi Iehowa hãa nofẽno ni efeo̱ le̱ ſereo̱ ye̱ edeṅ.

⁴Ni Iosef hĩe de nyam ye̱ ehĩe, ni esúmoo̱le̱, ni ewole̱ onukpa ye̱ ewe le̱ no̱, ni nofẽ̱no ní eyo̱ le̱ etu ewo edeṅ.

⁵Ni eba mli ake̱ ke̱-dše̱ beyino̱ ní ewole̱ onukpa ye̱ owe le̱ ke̱ nofẽno ní eyo̱ le̱ no̱ le̱; Iehowa *dšō̱ Mizraimnyo le̱ we le̱ ye̱ Iosef hewo̱, ni Iehowa dšō̱mo̱ ye̱ ešĩanii ke̱ eṅmõšinii fẽ no̱. [297]

⁶Nohewo̱ le̱ etu enibii fẽ ní eyo̱ le̱ ewo Iosef deṅ, ni ekwe̱e̱ enokonoko ake̱ dša nii ní eyeo̱ ke̱ke̱. Ni Iosef he ye̱ fe̱o ni ehĩe hũ ye̱ fe̱o.

⁷Ni nii ne̱ ase̱ le̱ eba mli ake̱ enuṅtšo̱ ṅã le̱ dšie ehĩe eka Iosef ekē̱: Oke̱mi abawo̱! [298]

⁸Ši ekplẽẽ, ni ekē̱ enuntšo̱ ṅã le̱ ake̱: Na, minuntšo̱ kwe̱e̱ noni yo̱ mideṅ ye̱ šĩa ne̱, ni etu nii ni eyo̱ fẽ ewo mideṅ;

⁹mokomoko be̱ ni fèmi ye̱ šĩa ne̱, ni ekãmããmi nokonoko, ake̱ dša bo ke̱ke̱, edšake̱ bo le̱ eṅã dšio. Té aafe tẽṅ ni mafe efõṅ kpeteṅkple ni tamo̱ ne̱ke̱ ne̱, ni mafe eša maši Nyoṅmo̱ṅ? [299]

¹⁰Ni eba mli ake̱ ehĩe Iosef ke̱ wiemo̱ dāne̱, ši eboole̱ toi nó eke̱le̱ awo̱ lo ebe̱ṅke̱le̱.

¹¹Ni eba mli gbĩ le̱ eko ake̱ Iosef te šĩa le̱ eyatšu enii, ni šĩa le̱ bii le̱ eko-eko be̱ dše̱i.

¹²Ni emõ etade le̱ mli, ni ekē̱: Oke̱mi abawo̱! Ši ešĩ etade le̱ ye̱ edeṅ, ni edšo foi ke̱-dše kpo.

¹³Ni eba mli ake̱, beni ena ake̱ eši etade le̱ ehãle ni edšo foi ete le̱;

¹⁴etšé̱ ešiabii le̱, ni ekē̱ame̱ ake̱: Nyebakwe̱a noko, eyaṅõ Hebrinyo ne̱ ke̱-ba wo̱ṅõ, koni ebaye wo̱he fe̱o. Ebe miṅõ, ni eke̱mi abawo̱, ni mibo ke̱ gbē wā;

¹⁵ni eba mli ake̱, beni enu ake̱ miwó migbē no̱ ni mibo le̱, eši etade le ye̱ miṅõ, ni edšo foi ke̱-dše kpo.

¹⁶Ni eṅõ etade le̱ efò emase̱i ke-yeši beyino̱ ni enuntšo̱ le̱ ba šĩa.

¹⁷Ni edšadše ne̱ke̱ wiemo̱i ne̱ noṅṅ etšõle̱ ake̱: Nyṍṅnū Hebrinyo le̱ ni ba wo̱ṅõ le̱ ba ní ebaye mihe fe̱o.

¹⁸Ni eba mli ake̱, beni miwó migbē no̱ ni mibo le̱, ešĩ etade le̱ ye̱ miṅõ, ni edšo foi.

¹⁹Ni eba mli ake̱, beni enuntšo̱ nu eṅã le̱ wiemo̱i ni edšadše etšõle̱ ake̱: Bo̱ni owenū le̱ bafemi ne̱ le̱, emli wo la naakpa.

²⁰Ni Iosef nuntšo̱ le̱ mõle̱ ni eyawole̱ tšũṅ ye̱ beni awoo̱ maṅtše̱ le̱ gbokle̱foi atšũṅ ye̱ le̱, ni gbokle̱foi atšũ le̱ṅ eyo̱.

²¹Ši Iehowa ke̱ Iosef ye̱, ni enale̱ mo̱bo̱, ni ewo ehĩe nyam ye̱ gbokle̱foi akwe̱lo̱ le̱ hĩe.

²²Ni gbokle̱foi akwe̱lo̱ le̱ tu gbokle̱foi le̱ ni yo̱ tšũ le̱ṅ le̱ fẽ ewo Iosef deṅ, ni nofẽno ni afeo̱ ye̱ dše̱i le̱, le̱ efeo̱.

²³Gbokle̱foi akwe̱lo̱ le̱ kwe̱e̱ nokonoko ni yo̱ edeṅ le̱; edšake̱ Iehowa ke̱le̱ ye̱, ni nofẽno ni efeo̱ le̱, Iehowa hãa eſereo̱.