Read luganda 1 Mose 4 Bible Online

1 Mose 4 - luganda bible

1 Mose 4

¹Ni Adam le eṅã Hawa le̱, ni ená mũsũ, ni efo̱ Kain, ni ekē̱: Miná nū ye̱ Iehowa hefatamo̱ nā.

²Ni efo̱ enyemi Habel efata he; ni Habel tšṍ tōkwe̱lo̱, ni Kain tšṍ šikpoṅhũlo̱.

³Ni eba mli ake̱ ye̱ mli āhũ le̱ Kain ṅõ šikpoṅ nibānii le̱ eko eyašã afō̱le ehã Iehowa;

⁴ni Habel hũ ke̱ etōi akromo̱bii le̱ ke̱ ame̱fo̱i le̱ eko bahã. Ni Iehowa *hĩe so̱ Habel ke̱ efo̱le le̱; [32]

⁵ši Kain ke̱ efo̱le le̱, ehĩe eso̱o̱ no. Ni Kain mli wo la naakpa, ni etũ ehĩe.

⁶Ni Iehowa kē̱ Kain ake̱: Mẽba omli ewo la? ni mẽba otũ ohĩe ne̱?

⁷Aso ke̱dši ofe ekpakpa le̱, ohĩe baṅ nyam lo? ši ke̱dši ofee ekpakpa le̱, eša *bu šĩnā le̱ ši, ni bo ose̱gbe̱ etaoo̱; ši bo le̱ †ye eno̱. [33]

⁸Ni Kain ke̱ enyemi Habel wie. Ni eba mli ake̱, beni ame̱yo̱ ṅã le̱ no̱ le̱, Kain te ši wo enyemi Habel ni egbele̱. [34]

⁹Ke̱ke̱ ni Iehowa kē̱ Kain ake̱: Nẽgbe̱ onyemi Habel yo̱? Ni ekē̱: Milee; minyemi le̱ kwe̱lo̱ dšimi lo?

¹⁰Ni ekē̱: Meni ofe nē̱? Onyemi le̱ *lá gbē mīblo̱ mītšé̱mi ke̱-mīdše̱ šikpoṅ sũ le̱ mli! [35]

¹¹Ni agbe̱ne̱, alomo̱o ke̱-dše̱ šikpoṅ le̱ ni gble enā ni eke̱mī̃ onyemi le̱ lá le̱ ye̱ odeṅ le̱ no̱.

¹²Ke̱ ohũ šikpoṅ le̱, ebaṅ nii ehãṅo ye̱ ehewale̱ nā doṅṅ; šikpalo̱ ke̱ kobo̱fo ootšṍ ye̱ šikpoṅ le̱ no̱!

¹³Ni Kain kē̱ Iehowa ake̱: Mitõmo̱ le̱ he nyõmo̱wo le̱ da fè bo̱ni manyẽ matĕre.

¹⁴Na, oſiemi ṅme̱ne̱ ke̱-dše šikpoṅ le̱ hĩe, ni matẽ mihe ke̱-dše̱ ohĩe, ni mitšṍ šikpalo̱ ke̱ kobo̱fo ye̱ šikpoṅ le̱ no̱, ni aaba mli ake̱ mofẽmo ni aanami le̱, eegbemi. [36]

¹⁵Ni Iehowa kē̱le̱ ake̱: Nohewo̱ le̱ mofẽmo ni aagbe Kain le̱, aato̱le̱ owele toi kpawo. Ni Iehowa kadi Kain, koni kē̱ moko nale̱ ni ekatſale̱ nõ.

¹⁶Ni Kain dše Iehowa hĩe ete, ni eyahĩ ši ye̱ Nod šikpoṅ le̱ no̱ ye̱ Eden bokāgbe̱.

¹⁷Ni Kain le eṅã le̱, ni ená mũsũ, ni efo̱ Henok. Ni eto maṅ, ni eṅõ ebi Henok gbe̱i ewo maṅ le̱.

¹⁸Ni Henok le̱, efo̱ Irad, ni Irad fo̱ Mehuyael, ni Mehuyael fo̱ Metušael, ni Metušael fo̱ Lamek.

¹⁹Ni Lamek kpē yei enyo̱: mokome gbe̱i dši Ada, ni mokroko le̱ gbe̱i dši Zila.

²⁰Ni Ada fo̱ Iabal; le̱ dši mei ni hĩo̱ būi amli ni ame̱lè̱o̱ koloi le̱ atše̱.

²¹Ni enyemi le̱ gbe̱i dši Iubal; le̱ dši saṅkũtſalo̱i ke̱ ble̱kpãlo̱i fẽ atše̱.

²²Ni Zila hũ fo̱ Tubalkain, moni dši akō̱ble ke̱ dade nii fẽ sõlo̱ le̱; ni Tubalkain nyemiyõ dši Naama.

²³Ni Lamek kē̱ eṅãmei le̱ ake̱: Ada ke̱ Zila, nyenua migbē; nye Lamek ṅãmei, nyeboa miwiemo̱ le̱ toi! Ši mipilamo̱ hewo̱ migbe nū ko, ni mihe flawõ hewo̱ hũ migbe oblanyo ko.

²⁴Ké̱ aato̱ Kain he owele toi kpawo le̱, asane̱kwa Lamek le̱, toi nyoṅmai-kpawo ke̱ kpawo! [37]

²⁵Ni Adam le eṅã le̱ ekoṅ, ni efo̱ binũ, ni ewole̱ gbe̱i ake̱ Set; edšake̱ ekē̱: Nyoṅmo̱ eṅõ seši kroko etomi Habel nãdšiaṅ, edšakē̱ Kain egbele̱.

²⁶Ni Set hũ fo̱ binū, ni ewole̱ gbe̱i ake̱ Enoš. No be le̱ mli abõi *Iehowa gbe̱i tšé̱mo̱. [38]