Read luganda 1 Mose 42 Bible Online

1 Mose 42 - luganda bible

1 Mose 42

¹Ni beni Iakob na ake̱ able ye̱ Mizraim le̱, ekē̱ ebibĩĩ le̱ ake̱: Mẽba nye-kwe̱kwe̱o̱ nyehe ne̱?

²Ni ekē̱: Na, minn akē̱ able ye̱ Mizraim; nyeyaä dše̱i ní nyeyahea eko ke̱-baä, koni wo̱yi anã wala, ni wo̱kagboi.

³Ni Iosef nyemimei nyoṅma le̱ yiṅ ke̱-te able hemo̱ ye̱ Mizraim.

⁴Ši Iosef nyemi Benyamin le̱, Iakob hãã eke̱ enyemimei le̱ aya; edšake̱ ekē̱: Koni aleenõ ošrã ko akayašrãle̱.

⁵Ni Israel bii le̱ ye̱ mei ni ba able hemo̱ le̱ ateṅ; edšake̱ hõmo̱ le̱ eba Kanaan šikpoṅ le̱ no̱ hũ.

⁶Ni Iosef dši lumo ye̱ šikpoṅ le̱ no̱, ni le̱ ehõo̱ able ehãa šikpoṅ le̱ no̱ bii fẽ. Ni Iosef nyemimei le̱ ba, ni ame̱ba-kotole̱, ni ame̱ke̱ ame̱hĩe bumo̱ ši.

⁷Ni Iosef na enyemimei le̱, ni eyoame̱; ši efe ehe tamo̱ mokpõṅ ehãame̱, ni etutu ehĩe ewoame̱, ni ekē̱ame̱ ake̱: Nẽgbe̱ nyedše̱? Ni ame̱kē̱: Wo̱dše̱ Kanaan šikpoṅ le̱ no̱ wo̱ba niyenii hemo̱.

⁸Ni Iosef yo enyemimei le̱, ši ame̱ le̱ ame̱yoole̱.

⁹Ni Iosef kai *lamõi le̱ ni ela ye̱ ame̱hewo̱ le̱, ni ekē̱ame̱ ake̱: Sralo̱i dšinye! Šikpoṅ ne̱ yayaiaṅ kwe̱mo̱ nyeba. [311]

¹⁰Ni ame̱kē̱le̱ ake̱: Dabi, minuntšo̱, ši niyenii hemo̱ otšũdši ba.

¹¹Wo̱fẽ nū kome bii dšiwo̱; ano̱kwafoi dšiwo̱, dšee sralo̱i dši otšũdši.

¹²Ni ekē̱ame̱ ake̱: Dabi, ši šikpoṅ ne̱ yayaiaṅ kwe̱mo̱ nyeba.

¹³Ni ame̱kē̱: Otšũdši le̱ nyemimei nyoṅma ke̱ enyo̱ ni, nū kome bii dšiwo̱ ye̱ Kanaan šikpoṅ le̱ no̱; ni na, gbekẽ le̱ ye̱ wo̱tše̱ ṅõ amrõ ne̱, ni mokome be̱.

¹⁴Ni Iosef kē̱ame̱ ake̱: Ene̱ mina mi mikē̱nye akē̱: Sralo̱i dšinye lē̱!

¹⁵Noni akē̱-akpanye ši nē̱: Mina Farao ake̱ nyedšeṅ bie̱ nyeyaṅ, dša nyenyemi gbekẽ le̱ eba bie̱ dã.

¹⁶Nyetšũa nyeteṅ mokome, ni eyaṅõ nyenyemi le̱ ke̱-ba; ni nye le̱ aawonye tšũṅ, koni aṅõ-kpa nyewiemo̱i le̱ aši akwe̱ akē̱ ano̱kwale ye̱ nyemli lo; ke̱-dšee nakai le̱, mina Farao ake̱, sralo̱i dšinye!

¹⁷Ni ewoame̱ tšũṅ gbĩĩ etẽ.

¹⁸Ni gbĩ ní dši gbĩ etẽ le̱ Iosef kē̱ame̱ ake̱: Nyefea ene̱, ní nyeyi aná wala; ši mi le̱ mīše Nyoṅmo̱ gbeyei.

¹⁹Ké̱ ano̱kwafoi dšinye le̱, nyehãa afĩa nyenyemimei le̱ ateṅ mokome awoa heni awonye tšũṅ ye̱ le̱; ši nye le̱, hõmo̱ ní yo̱ nyešĩai le̱ hewo̱ le̱, nyeyaṅõa able le̱ ke̱-yaā;

²⁰ni nyeke̱ nyenyemi gbekẽ le̱ abaä miṅõ, no ake̱-ana nyewiemo̱i le̱ ano̱kwale, koni nyekagboi. Ni ame̱fe nakai.

²¹Ni ame̱kē̱kē̱ ame̱he ake̱: Le̱le̱ṅ, wo̱ye fo̱ ye̱ wo̱nyemi le̱ hewo̱, ake̱-ni wo̱na haomo̱ ni esusuma hao, ni ekpawo̱ fai āhũ ni wo̱boo toi le̱; nohewo̱ ni ne̱ke̱ haomo̱ ne̱ eba wo̱no̱ ne̱. [312]

²²Ni Ruben hereame̱ no̱ ake̱: Ani mikē̱ē̱nye ake̱: Nyekafea gbekẽ le̱ eša ko, ni nyeboo toi? Agbe̱ne̱ na, elá ši abio ne̱! [313]

²³Ši ame̱ le̱ ame̱lee ake̱ Iosef enu noni ame̱ke̱ le̱; edšake̱ nādšielo̱ dšieo̱ ame̱nā.

²⁴Ni etšṍ ehe ke̱-dše ame̱ṅõ ni eyafó; ni ekũ ese̱ eba ame̱ṅõ ekoṅ ni ekeame̱ bawie; ni edšie Simeon ye̱ ame̱teṅ, ni efĩle ye̱ ame̱hĩe.

²⁵Ni Iosef fá ake̱ awo ame̱nibii le̱ amli ahle obõbõ, ni ake̱ mofẽmo šika akũ se̱ awo ekotoku mli ekoṅ, ní ahãame̱ ghe̱no̱ niyenii. Ni afe nakai ahãame̱.

²⁶Ni ame̱ṅõ ame̱ble le̱ ame̱tẽre ame̱tedšii le̱, ni ame̱dše dše̱i ame̱te.

²⁷Ni heni ame̱teṅ moko fẽne ekotoku nā ní ebahã etedši niyenii ye̱ tōhe le̱, ena ešika le̱, ni na, ekā no̱ ye̱ ekotoku le̱ mli.

²⁸Ni ekē̱ enyemimei le̱ ake̱: Ake̱ mišika le̱ ekũ se̱ ehãmi, ni na, eye̱ mikotoku le̱ mli po. Ni ame̱tšui fã ni ame̱kwe̱kwē̱ amē̱he ke̱ hekpokpomo̱, ni ame̱kē̱: Meni Nyoṅmo̱ fewo̱ ne̱?

²⁹Ni ame̱ba ame̱tše̱ Iakob ṅõ ye̱ Kanaan šikpoṅ le̱ ne̱, ni ame̱bagbale̱ nii ni afeame̱ le̱ fē ake̱:

³⁰Nū le̱ ni dši šikpoṅ le̱ no̱ nuntšo̱ lē̱ tutu ehĩe ewowo̱, ni ebuwo̱ šikpoṅ le̱ sralo̱i.

³¹Ni wo̱kē̱le̱ ake̱: Ano̱kwafoi dšiwo̱, wo̱dšee sralo̱i;

³²nyemimei nyoṅma ke̱ enyo̱ dši wo̱tše̱ bii le̱; mokome be̱, ni gbekẽ le̱ ye̱ wo̱tše̱ ṅõ amrõ ne̱ ye̱ Kanaan šikpoṅ le̱ no̱.

³³Ni nū le̱ ni dši šikpoṅ le̱ no̱ nuntšo̱ le̱ kē̱wo̱ akē̱: Ene̱ maṅõ-le ake̱ anokwafoi dšinye: nyešĩa nyenyemimei le̱ ateṅ mokome nyehãami, ni hõmo̱ ní yo̱ nyešĩai le̱ hewo̱ le̱ nyeṅõa niyenii ke̱-yaã,

³⁴ni nyeyaṅõa nyenyemi gbekẽ le̱ ke̱-ba, no dāni male ake̱ dšee sralo̱i dšinye, ši ano̱kwafoi dšinye, koni madšie nyenyemi le̱ mahãnye, ni nyeye dšra ye̱ šikpoṅ ne̱ no̱.

³⁵Ni eha mli ake̱, beni ame̱dšie ame̱kotokui le̱ amli nii le̱, na, mofẽmo šika ni afĩ le̱ ye̱ ekotoku le̱ mli. Ni beni ame̱na ame̱sika ni afĩmo̱fĩmo̱i le̱, ame̱ke̱ ame̱tše̱ fẽ še gbeyei.

³⁶Ni ame̱tše̱ Iakob kē̱ame̱ ake̱: Nyekpakpā mibii ye̱ mihe: Iosef be̱, ni Simeon be̱, ni nyebaṅõ Benyamin hũ ke̱-ya; ene̱mei ne̱ fẽ le̱ mino̱ kã!

³⁷Ni Ruben kē̱ etšē̱ ake̱: Ke̱dši mike̱le̱ ekũũ se̱ ebabãão le̱, no le̱ gbe mibihĩĭ enyo̱ le̱; tule̱ owo mideṅ, ni mike̱le̱ aakũ se̱ ababão.

³⁸Ni ekē̱: Mibi le̱ ke̱nye eyaa; edšake̱ enyemi le̱ egbo, ni le̱ ekome eſe̱; ke̱dši ošrã ko yašrãle̱ ye̱ gbe̱ ni nyeyanyie le̱ no̱ le̱, no le̱ nyebaṅõ miwadši le̱ ke̱-ya gbohïĩadše ke̱ aw̌ere̱hō.