Read luganda 1 Mose 45 Bible Online

1 Mose 45 - luganda bible

1 Mose 45

¹Agbe̱ne̱ Iosef nyẽẽ ehĩe emĩa doṅṅ ye̱ mei ní damo̱ emase̱i le̱ fẽ hĩe, ni ebo ake̱: Nyehãa mofẽmo adšea kpo ke̱-dšea mimase̱i! Ni mokomoko ke̱ Iosef damo̱o̱ ši, beni edšie ehe ši etšõ enyemimei le̱.

²Ni ewó egbē ni efó, ni Mizraimbii ke̱ Farao webii le̱ tete nu.

³Ni Iosef kē̱ enyemimei le̱ ake̱: Mi Iosef ni. Ani mitše̱ ye̱ dšeṅ lolo? Ni enyemimei le̱ nyẽẽle̱ hetõ ahã, edšake̱ ame̱dšidšā ye̱ ehĩe.

⁴Ni Iosef kē̱ enyemimei le ake̱: Nyetšia nyebe̱ṅke̱ami kol Ni ame̱tši ame̱ba. Ni ekē̱: Midši nyenyemi Iosef, moni nyehõ *ke̱-ba Mizraim le̱! [334]

⁵Ni agbe̱ne̱ nyekahãa mĩdo̱anye ni nyemli akawowoa nyehe la, ye̱ hõmo̱ ní nyehõmi ke̱-ba bie̱ le hewo̱; edšake̱ *mei ayiwalaheremo̱ hewo̱ Nyoṅmo̱ tšũmi ke̱-tšṍ nyehĩe. [335]

⁶Ši afii enyo̱ ne̱ ní hõmo̱ ba šikpoṅ le̱ no̱, ni eſe̱ afii enumo̱ hũ lolo ni hũmo̱ lo kpamo̱ be̱ mli.

⁷Ni Nyoṅmo̱ tšũmi ke̱-tšṍ nyehĩe, koni mahā nyeteṅ meikomei kẽ aſe̱ ye̱ šikpoṅ le̱ no̱, ni mahere nyeyiwala ke̱ dšiemo̱ kpeteṅkple.

⁸Nohewo̱ le̱ dšee nye nyehã miba bie̱, ši Nyoṅmo̱ moṅ ni; ni le̱ noṅṅ ebaṅõmi efe take̱ Farao tše̱ ke̱ ewe le̱ fẽ no̱ nuntšo̱ ke̱ Mizraim šikpoṅ le̱ fẽ no̱ lumo. [336]

⁹Nyebe afea oyá ni nyeyaä mitše̱ ṅõ, ni nyekē̱ale̱ ake̱: Bo̱ni obi Iosef kē̱ ne̱: Nyonmo̱ ewomi Mizraim fẽ no̱ nuntšo̱; ba miṅõ, kātše̱!

¹⁰Ni obahĩ Gošen šikpoṅ le̱ no̱, ni obe̱ṅke̱mi, ho ke̱ obii ke̱ onãbii ke̱ otōi ke̱ otšinai ke̱ nibii fẽ ni oye̱;

¹¹ni malè̱o ye̱ dše̱i; edšake̱ eſe̱ hõmo̱ afii le̱ enumo̱ lolo, koni okaye ohĩa, bo ke̱ owe ke̱ mei fẽ ni oyo̱.

¹²Ni na, nyehĩe tua, ni minyemi Benyamin hũ hĩe tua ake̱ midientše̱ mike̱nye wieo̱ ke̱ minābu ne̱.

¹³Ni nyeyagbaä mitše̱ minumnyam fẽ ni miyo̱ ye̱ Mizraim ke̱ nibii fẽ ni nyena le̱, ni nyehe afea oyá ni nyeke̱ mitše̱ abaã bie̱.

¹⁴Ni eho egbē enyemi Benyamin kue̱ no̱ ni efó, ni Benyamin hũ fó ſie ekue̱ no̱.

¹⁵Ni esā eſo̱ſō̱ enyemimei le̱ fẽ nā, ni efó eſie ame̱no̱; ni no se̱ le̱ enyemimei le̱ ke̱le̱ wie.

¹⁶Ni anu sane ne̱ ye̱ Farao we le̱ ake̱: Ioseſ nyemimei eba! Ni Farao ke̱ etšũdši le̱ ná be mīše̱.

¹⁷Ni Farao kē̱ Iosef ake̱: Kē̱mo̱ onyemimei le̱ ake̱: Noni nyefe ne̱: nyetẽrea nyekoloi le̱ adšatšui, ni nyeyiaṅ ke̱-yaä Kanaan šikpoṅ le̱ no̱,

¹⁸ni nyeyaṅõa nyetše̱ ke̱ nyebii ke̱ ho̱i, ni nyebaä miṅõ, ni mahãnye Mizraim šikpoṅ le̱ no̱ nikpakpai, ni nyeaye šikpoṅ le̱ no̱ fo̱ le̱.

¹⁹Ni bo le̱ afā̃o ake̱: Noni nyefe ne̱: nyeṅõa ſīlii ke̱-dše̱a Mizraim šikpoṅ le̱ ne̱ nyebāa nyebii ke̱ nyeṅãmei, ni nyeyaṅõa nyetše̱ ke̱-baä.

²⁰Ni asaṅ nyekadia nyenibii ase̱; ši Mizraim šikpoṅ mū le̱, fẽ no̱ nikpakpai le̱ nyenõṅ.

²¹Ni Israel bihĩĩ le̱ fe nakai. Ni Iosef hāame̱ ſīlii; take̱ boni Farao fále̱ le̱, ni ehãame̱ gbe̱no̱ niyenii.

²²Ni ehã ame̱fẽ wulamo̱ atade komekome, ši Benyamin le̱, ebāle̱ dſie̱te̱i kukudši ohai-etẽ ke̱ wulamo̱ atadei enumo̱.

²³Ni etše̱ le̱, nii ni emādšele̱ ne̱: Tedšii nyoṅma ni tĕre Mizraim nibii kpakpai, ke̱ tedšiyei nyoṅma ni tẽre able ke̱ abolo ke̱ niyenii, ni ake̱-yahã etše̱, ni eke̱-nyie gbe̱ le̱.

²⁴Ke̱ke̱ ni ewo enyemimei le̱ agbe̱ ni ame̱ṅõ-ſie no̱; ni ekē̱ame̱ ake̱: *Nyekayabéa ye̱ gbe̱ le̱ ne̱! [337]

²⁵Ni ame̱dše Mizraim, ni ome̱ba ame̱tše̱ Iakob ṅõ ye̱ Kanaan sikpoṅ le̱ no̱,

²⁶ni ame̱bakē̱le̱ ake̱: losef ye̱ dšeṅ lolo, ni le̱ eyee̱ lumo ye̱ Mizraim šikpoṅ le̱ fẽ no̱. Ni eyiṅ fele̱ ko̱šiko̱ši, edšake̱ eheeame̱ eyee.

²⁷Ni ame̱ké̱le̱ Iosef wiemo̱i fẽ ni eke̱ame̱ wie le̱. Ni beni ena ſīlii le̱ ni Iosef hã ake̱-bale̱ ṅõ le̱, ame̱tše̱ Iakob he tšele̱.

²⁸Ni Israel kē̱: Efá; mibi Iosef ye̱ dšeṅ lolo! Mate mayakwe̱ ehĩe däni magbo. [338]