Read luganda 1 Mose 49 Bible Online

1 Mose 49 - luganda bible

1 Mose 49

¹Ni Iakob fã enā etšé̱ ebii le̱, ni ekē̱: Nyehabuaä nyehe nā, koni magbanye noni baha nyeno̱ wō̱se̱ bei le̱ amli!

²Nyenā akpea ši, ni nyeboa toi, nye Iakob bii, nyeboa nyetše̱ Israel toi!

³Ruben, bo dši mikromo̱bi, mihewale̱ ke̱ minyẽmo̱ šišidšē, kleṅkleṅmo ye̱ wōgbe̱ ke kleṅkleṅmo ye̱ no̱yeligbe̱. [364]

⁴Otſaä tamo̱ nu, ofeṅ kleṅkleṅmo; *edšake̱ okwo̱ otše̱ sā le̱, ke̱ke̱ ṅi obulele — misātšo le̱ ekwo̱! [365]

⁵Simeon ke̱ Levi le̱, nyemimei ni; yiwale̱nii dši ame̱klantei le̱.

⁶Misusuma akaba ame̱dšina le̱ mli, ni *minumnyam akafata ame̱safo le̱ he; edšake̱ †ame̱mlifũ mli le̱ ame̱gbe gbomo, ni ame̱yibū nā le ame̱fite tšina. [366]

⁷Alomo̱ ame̱mlifū le̱, edšake̱ enā wa, ke̱ ame̱mlila le̱ hũ, edšake̱ yiwale̱ ye̱ṅ! *Magbla ame̱mli ye̱ Iakob mli, ni magbe̱ame̱ maſã Israel mli. [367]

⁸Iuda, bo oyi onyemimei le̱ aadšie! Onine aakã obenye̱loi akue̱; otše̱bii le̱ aakotoō. [368]

⁹Dšata binū dši Iuda; mīle̱lo no̱ ote ši ke̱-dše̱, mibi. Ēkoto ši, ēbu ši tamo̱ dšata, tamo̱ dšatayō; namo aawo ehĩe la? [369]

¹⁰Maṅtše̱tšo edšeṅ Iuda deṅ, ni no̱yelitšo hũ edšeṅ enãdši ateṅ, ke̱-yaši beyino̱ ni mo nõ ni dši le̱ aaba, ni le̱ toi mãdšimãdši le̱ aabo. [370]

¹¹Eefĩ etedšibi eṅmõ weintšo ke̱ etedšiyō bi hũ eṅmõ weintšonine; eke̱ wein aafo̱ etade he, ni ehebo le̱ eke̱ weinyibii amli lá aafo̱ he. [371]

¹²Ehĩṅme̱ii tšuo̱ fō̱ ke̱ wein, ni enyã-nyõdši ye̱o̱ futā ke̱ fufo̱.

¹³Zebulon *aahĩ ši ye̱ ṅšo̱nā, ni le̱dši-atōhe eehe ši ye̱, ni eke̱ Zidon aadše hũsũ. [372]

¹⁴Isakar le̱, tedši ni wuiaṅ esa dšile̱, ni ebuo̱ ši ye̱ koloi atšũi ateṅ;

¹⁵ni ena ake̱ hedšō̱mo̱ ṅõ, ni Šikpoṅ le̱ no̱ bũ ye̱ fe̱o̱; ni eba ekõṅ ši etẽre, ni etšṍ tšũlo̱ ni tšuo̱ onia.

¹⁶Dan aakodšo emaṅ tamo̱ Israel akutšei le̱ eko. [373]

¹⁷Ni Dan aatšṍ onũfũ ni ble gbe̱ no̱, onãṅkã ni kã tempõṅ no̱, ni kõo̱ okpo̱ṅo̱ nanetšitši, ni eno̱tálo̱ le̱ kpaä gbēo̱ ese̱.

¹⁸Iehowa, owalaheremo̱ le̱ gbe̱ mikwe̱o̱ ne̱! [374]

¹⁹Gad le̱, tai asafo aatuale̱; ši le̱ moṅ eewo asafo le̱ foi.

²⁰Ašer le̱, *fo̱ dši eniyenii, ni ehãa maṅtše̱mei ado̱ko̱do̱ko̱nii. [375]

²¹Naftali le̱, ofrote ni he yo̱ oyá ni, ni ewieo̱ wiemo̱i ke̱ ṅõmo̱i. [376]

²²Iosef le̱, tšo ni woo̱ yibii ni, nu ni baä he tšo ni woo̱ yibii ni, ni enidši le̱ kwō̱lo̱ö̱ gbogbo. [377]

²³Gãitšẽlo̱i efele̱ nidō̱nii, ame̱tšẽrẽle̱, ni ame̱wale̱ yi.

²⁴Ši egãi le̱ emli wa kpẽṅṅ, ni eni-dši ke̱ ekõdši ahe ye̱ oyá, edše̱ Iakob kãkãlo̱ le̱ deṅ, edše̱ tōkwe̱lo̱ ní dši Israel te̱sā le̱ gbe̱i amli,

²⁵edše̱ otše̱ Mawu le̱ ṅõ ke̱ moni dši Ofe le̱ ṅõ, le̱ eeye ebuao, ni eedšō̱o ke̱ dšō̱mo̱i ni dše̱ ṅwei ye̱ yiteṅgbe̱, ke̱ dšō̱mo̱i ni dše̱ bu ni yo̱ šiši le̱ mli, ke̱ fufo̱ dšō̱mo̱i ke̱ fo̱mo̱he dšō̱mo̱i.

²⁶Otše̱ dšō̱mo̱i le̱ teke miblemabii adšō̱mo̱i le̱, ke̱-yaši nāno̱ goṅkpo̱i le̱ ahũsũi ano̱ tõ; ame̱aba Iosef yiteṅ, ke̱ le̱ ni dši enyemimei le̱ ateṅ le̱ *Nazirnyo le̱ yiteṅ pampamso! [378]

²⁷Benyamin le̱, klaṅ ni yo̱ hahāha ni; eeye emĩle̱lo lebi, ni gbe̱ke̱ le̱ eedša nomṅõnii le̱ amli. [379]

²⁸Mene̱mei fẽ dši Israel akutšei nyoṅma ke̱ enyo̱ le̱, ni noni ame̱tše̱ ke̱ame̱ wie ni eṅõ-dšō̱ame̱ ne̱; dšō̱mo̱ ni sa mofẽmo le̱, no eke̱-dšō̱le̱.

²⁹Ni ewoame̱ kitã, ni eke̱ame̱ ake̱: Ababua minā ayaši mimei le̱ ano̱; nyefũami nyefataä mitše̱mei le̱ ahe ye̱ *te̱kplo ni yo̱ Hefron, Hitnyo le̱, abō̱ le̱ṅ le̱ mli, [380]

³⁰ye̱ te̱kplo ni yo̱ Makpela abō̱ le̱ mli, ye̱ Mamre hĩe, ye̱ Kanaan šikpoṅ le̱ no̱ le̱ mli, noni Abraham he ke̱ abō̱ le̱ ye̱ Hefron, Hitnyo le̱, deṅ, ni eṅõ-fe le̱dientše̱ efũhe le̱.

³¹Dše̱i ame̱fũ *Abraham ke̱ eṅã Sara ye̱; dše̱i ame̱fũ †Isak ke̱ eṅã Rebeka ye̱, ni dše̱i mifũ Lea hũ ye̱. [381]

³²Abō̱ le̱ ke̱ te̱kplo ni yo̱ mli le̱ ahe ye̱ Hetbii le̱ adeṅ.

³³Ni beni Iakob ewo ebii le̱ akitã egbe nā le̱, ebua enãdši anā eſïe sā le̱ no̱, ni eṅõ emumo̱ ehã, ni abua enā aši emei le̱ ano̱.