Read luganda 1 Mose 9 Bible Online

1 Mose 9 - luganda bible

1 Mose 9

¹Ni Nyoṅmo̱ dšō̱ Noa ke̱ ebii le̱, ni ekēame̱ ake̱: Nyefo̱a ni nyeyi afáa, ni nyeyia šikpoṅ le̱ no̱ obõ. [62]

²Ni nyehe gbeyei ke̱ nyešemo̱ akã šikpoṅ le̱ no̱ koloi fẽ ke̱ ṅwei lofõdši fẽ ano̱, nofẽno ni wamoo̱ ye̱ šikpoṅ, ke̱ ṅšo̱ṅloi fẽ le̱, nyedeṅ atuame̱ awo.

³Nofẽno ni tšio̱ ehe ni ehĩe kã le̱ atšṍ nyeniyenii; tamo̱ bo̱ni miṅõ *ſiebā ṅmõṅ †mihãnye le̱. [63]

⁴Ši lō ke̱ elá ni dši esusuma le̱, nyekayea. [64]

⁵Ši ano̱kwa mabi nyelá hũ ši ye̱ nyesusumai ahewe̱; mahi ši ye̱ *kolo-fẽ-kolo deṅ, ni mabi †gbomo susuma ši ye̱ gbomo hũ deṅ, edšake̱ enyemi dšile̱. [65]

⁶Moni fieo̱ *gbomo lá ši le̱, gbomo noṅṅ aaſie le̱ hũ elá ši; edšake̱ †Nyoṅmo̱ subãṅ no̱ ebo̱ gbomo ye̱. [66]

⁷Ni nye le̱, nyefo̱a ni nyeyi afáa; ni nyewoa ſiei babaō ye̱ šikpoṅ le̱ no̱, ni nyeyi afáa ye̱ no̱.

⁸Ni Nyoṅmo̱ sā kē̱ Noa ke̱ ebii ní fata ehe le̱ ake̱:

⁹Ni mi le̱, na, miṅõ mikpãṅmo̱ le̱ mimã ši mihãnye ke̱ nyesešibii ni aaba ye̱ nyese̱ le̱, [67]

¹⁰ke̱ wala susuma-fẽ-wala susuma ni ke̱nye yo̱, ni dši lofõdši ke̱ šĩa koloi ke̱ koloi fẽ ni fata nyehe ye̱ šikpoṅ le̱ no̱ le̱, nofẽno ni dše̱ adeka le̱ mli le̱, likpon le̱ no̱ koloi fẽ kwa. [68]

¹¹Ni mahã mikpãṅmo̱ ní mike̱nye ekpãṅ le̱ amã ši, ni nu afua le̱ ebaplenẽṅ helo fẽ doṅṅ, ni asaṅ nu afua ko ebakpãtãṅ šikpoṅ le̱ hĩe gbĩkogbĩko. [69]

¹²Ni Nyoṅmo̱ kē̱: Ene̱ dši kpãṅmo̱ le̱ ni mike̱nye ke̱ wala susuma-fẽ-wala susuma ni ke̱nye yo̱ le̱ ekpãṅ ke̱-yaä nāne̱ yino̱i le̱ ano̱ le̱ he okadi:

¹³Miṅõ mikwãbue̱te̱ mito atatui le̱ amli, ni efe kpāṅmo̱ ni yo̱ mike̱ šikpoṅ le̱ teṅ le̱ he okadi.

¹⁴Ni aaba mli ake̱, ke̱dši mihã atatui wo ye̱ šikpoṅ le̱ no̱, ke̱ke̱ le̱ aana kwābue̱te̱ le̱ ye̱ atatui le̱ amli,

¹⁵ni makai mikpãṅmo̱ le̱ ni mike̱nye ke̱ wala snsuma-fẽ-wala susuma ní yo̱ helo fẽ mli ekpãṅ le̱, ni nui le̱ tšṍṅ afua ni eekpãtã helo fẽ hĩe doṅṅ;

¹⁶ni kwābue̱te̱ le̱ aaba atatui le̱ amli, koni makwe̱, ni makai nāno̱ kpãṅmo̱ le̱ ni kã Nyoṅmo̱ ke̱ wala susuma-fẽ-wala susuma ni yo̱ helo fẽ ni yo̱ šikpoṅ le̱ no̱ le̱ ateṅ le̱.

¹⁷Ni Nyoṅmo̱ kē̱ Noa ake̱: Ene̱ dši kpãṅmo̱ le̱ ni miṅõ-mã ši ye̱ mike̱ helo fẽ ni yo̱ šikpoṅ le̱ no̱ le̱ teṅ le̱ he okadi.

¹⁸Ni Noa bii le̱ ni dše adeka le̱ mli le̱ dši Šem ke̱ Ham ke̱ Iafet. Ni Ham le̱, Kanaan tše̱ dšile̱.

¹⁹Mene̱mei dši Noa hii etẽ le̱; ni ame̱mli mei dše̱ ſã šikpoù mū le̱ fẽ no̱.

²⁰Ni Noa dše šiši ni etšṍ šikpoṅhũlo̱, ni efe weintrom.

²¹Ni enu wein le̱ eko, ni eto̱, ni ekã ebũ le̱ mli ke̱ ehe flo.

²²Ni Ham, Kanaan tše̱ le̱, yana etše̱ yayaiaṅ, ni eyakē̱ enyemimei enyo̱ le̱ ye̱ agbó le̱ nã. [70]

²³Ši Šem ke̱ Iafet ko̱ mama ni ame̱ṅõ-fõ ame̱yi enyo̱ le̱ fẽ ame̱kõdši ano̱, ni ame̱nyie se̱se̱, ni ame̱te ni ame̱ke̱-yaha ame̱tše̱ yayaiaṅ; ši ame̱tšṍmo̱ ame̱hĩeaṅ ame̱hã se̱gbe̱, ni ame̱naa ame̱tše̱ yayaiaṅ.

²⁴Ši beni Noa hĩe tšere̱le̱ ke̱-dše̱ edā̃tō̱ le̱ mli, ni ená ele noni ebi gbekẽ le̱ efele̱ le̱

²⁵ekē̱: Alomo̱ Kanaan, nyṍdši anyṍṅ eetšṍ ehā enyemimei le̱!

²⁶Ni esā eké̱: Aadšō̱ Iehowa, Šem Nyoṅmo̱ le̱, ni Kanaan aatšṍ enyṍṅ! [71]

²⁷Nyoṅmo̱ aabā Iafet mli alē̱, ni *eehī Šem bũi le̱ amli, ni Kanaan aatšṍ ame̱-nyṍṅ! [72]

²⁸Ni nū afua le̱ se̱ le̱ Noa hĩ ši afii ohai-etẽ ke̱ nyoṅmai-enumo̱;

²⁹ni Noa gbĩĩ fẽ ni eye dši afii ohai-ne̱hũ ke̱ nyoṅmai-enumo̱, ni egbo.