Read luganda 2 Samuel 11 Bible Online

2 Samuel 11 - luganda bible

2 Samuel 11

¹Ni eba mli ake̱ no se̱ afi, ye̱ be mli ni maṅtše̱mei fã ta le̱, David tšũ Ioab ke̱ etšũdši le̱ ke̱ Israel mū le̱ fẽ ni ame̱-yakpãtã Amonbii le̱ ahĩe, ni ame̱bo̱ nsra ame̱wo Raba he. Ši David le̱ ehĩ ši ye̱ Ierusalem. [63]

²Ni gbĩ ko gbe̱kenāši le̱ eba mli *ake̱ David te ši ke̱-dše̱ esā no̱, ni eyašēra ši ye̱ maṅtše̱ tšũ le̱ yiteṅ; ni edše̱ tšũ le̱ yiteṅ ena yō ko mīdšu ehe, ni ké̱ okwe̱ yō le̱, ehe ye̱ fe̱o naakpa dientše̱. [64]

³Ni David tšũ ni ayabi yō le̱ he sane; ni akē̱ ake̱: Ani dšee Batšeba, Eliam biyō le̱, ní dši *Uria, Hitnyo le̱, ṅã le̱ ne̱? [65]

⁴Ni David tšũ bo̱foi ni ayaṅõle̱ ke̱-ba; ni eba eṅõ ni eke̱le̱ wo̱. *Ni etšū ehe ke̱-dše̱ ehebulemo̱ le̱ṅ, ni ekũ ese̱ ke̱-te ewe. [66]

⁵Ni yō le̱ ṅō ho̱, ni etšũ ayakē̱ David ake̱: Miná mũsũ!

⁶Ni David tšũ ate Ioab ṅõ ake̱: Hã Uria, Hitnyo le̱, aba miṅõ. Ni Ioab hã Uria ba David ṅõ.

⁷Ni beni Uria ba eṅõ le̱, David bile̱ bo̱ni Ioab ke̱ maṅ le̱ yo̱ ke̱ bo̱ni ta le̱ yaä no̱ hãa.

⁸Ni David kē̱ Uria ake̱: Kplekemo̱ ši ni oya owe le̱, ni oyafo̱flo̱ onãdši ahe. Ni beni Uria dše maṅtše̱ le̱ we le̱, ake̱ niyenii dše kpo ke̱-nyie ese̱ ke̱-dše̱ maṅtše̱ le̱ ṅõ.

⁹Ši Uria ke̱ enuntšo̱ tšũdši le̱ fẽ yawo̱ maṅtše̱ we le̱ koi le̱ ši, ni eyaa ewe le̱.

¹⁰Ni beni ayagba David ake̱ Uria eyaa ewe le̱, David kē̱ Uria ake̱: Ani dšee gbe̱ odše̱ oba le̱? mẽba oyaa owe le̱?

¹¹Ni Uria kē̱ David ake̱: *Adeka le̱ ke̱ Israel ke̱ Iuda fẽ ye̱ asesei amli, ni minuntšo̱ Ioab ke̱ minuntšo̱ tšũdši le̱ ebo̱ nsra ye̱ ṅãno̱, ni mi le̱ miya miwe ni miyaye nii ni minu ni mike̱ miṅā awo̱ lo? Gbĩĩabo̱ ní ohĩe kã ni osusuma hũ hĩe kã ne̱, miwoṅ ene̱ femo̱. [67]

¹²Ni David kē̱ Uria ake̱: Hĩ bĩe̱ ṅme̱ne̱ hũ, ni wo̱ le̱ mahã oya! Ke̱ke̱ ni Uria hĩ ši ye̱ Ierusalem nakai gbĩ le̱ ke̱ eno̱ dšetše̱remo̱.

¹³Ni David yatšē̱le̱ ni ebaye nii ni enu dã ye̱ eṅõ, ni ehã eto̱ dã; ni gbe̱ke̱ le̱ eyiṅ ete eyakã esā no̱ eke̱ enuntšo̱ tšũdši le̱; ši eyaa ewe le̱.

¹⁴Ni eba mli ake̱ beni dše tše̱re le̱, David ṅmã Ioab wolo ni eke̱-hã Uria ke̱-te.

¹⁵Ni eṅmã ye̱ wolo le̱ mli ake̱: Nyeṅõa Uria nyetoa ta le̱ mli heni wa le̱ hĩe, ni nyegblaã nyehe ši ke̱-dšea ehe, koni atſiale̱ nii ní egbo.

¹⁶Ni eba mli ake̱, beni Ioab eyasra maṅ le̱ ekwe̱ le̱, eṅõ Uria eto heni ele ake̱ hĩĩ kakabãi yo̱ le̱.

¹⁷Ni mã le̱ṅ hĩĩ le̱ dše kpo ni ame̱ke̱ Ioab bawu, ni mã le̱ṅ meikomei ni dši David tšũdši le̱ nyõnyõi, ni Uria, Hitnyo le̱, hũ nyõ.

¹⁸Ke̱ke̱ ni Ioab tšũ ayagba David ta le̱ mli sãdši fẽ tſẽm.

¹⁹Ni ewo bo̱fo le̱ kitã ekē̱: Ké̱ ogba maṅtše̱ le̱ ta le̱ṅ sãdši le̱ fẽ ogbe nã,

²⁰ni aleenõ maṅtše̱ le̱ mli fũ ni ekē̱o ake̱: Mẽhewo̱ nyebe̱ṅke̱ maṅ le̱ kpākpa nakai, beni nyewuo̱ le̱? Ani nyelee ake̱ ame̱adše̱ gbogbo le̱ no̱ ame̱tſianye nii lo?

²¹Namo tſa Abimelek, Ierubešet bi le̱, nõ le̱? *Ani dšee yō ko ṅō w̌ie̱bi etſa eyiteṅ ke̱-dše̱ gbogbo no̱ ni egbo ye̱ Tebez le̱? Mẽba mo̱ ni nyetši nyebe̱ṅke̱ gbogbo le̱ nakai le̱? ke̱ke̱ ni okē̱: Otšũlo̱ Uria, Hitnyo le̱, hũ enyõ! [68]

²²Ke̱ke̱ ni bo̱fo le̱ yiṅ eba, ni ebagba David sãdši ſẽ ní Ioab tšũle̱ ye̱ he le̱.

²³Ni bo̱fo le̱ kē̱ David ake̱: Hĩĩ le̱ anine tšṍ wo̱no̱, ni beni ame̱baninawo̱ ye̱ ṅã le̱ no̱ le̱, wo̱ṅõ-to ame̱no̱ āhũ ke̱-yaši agbó le̱ nã tõ.

²⁴Ši gãitšẽlo̱i le̱ dše̱ gbogbo le̱ no̱ tšẽre otšũdši agãii, ni maṅtše̱ tšũdši le̱ ekomei egboi, ni otšũlo̱ Uria, Hitnyo le̱, hũ egbo.

²⁵Ni David kē̱ bo̱fo le̱ ake̱: Yakē̱ Ioab ne̱ke̱ ni oke̱-wole̱ hewale̱: Kāhã sane ne̱ mīdo̱o, edšake̱ klante yo̱ ne̱, ekpaa moni egbeo; hã ota le̱ mli awa ye̱ maṅ le̱ no̱ ke̱ke̱, koni okũmo̱le̱!

²⁶Ni beni Uria ṅã le̱ nu ake̱ ewù Uria egbo le̱, efó ewù le̱.

²⁷Ni beni eye ṅko̱mo̱ egbe nã le̱, David tšũ ayaṅõle̱ ke̱-ba ewe le̱, ni etšṍ eṅã ni efo̱ binũ ehãle̱. Ši sane ni David ye ne̱ eṅõõ Iehowa nã. [69]