Read luganda 2 Samuel 13 Bible Online

2 Samuel 13 - luganda bible

2 Samuel 13

¹Ni ene̱ se̱ le̱ eba mli ake̱ David bi *Absalom ye̱ nyemiyō fe̱fe̱o ko ni atšé̱o̱le̱ Tamar; ni David bi Amnon mīsumo̱le̱. [78]

²Ni Amnon wo etšui la ni ewo ehe hela ye̱ enyemiyō Tamar le̱ hewo̱; edšake̱ oblayō fro dšile̱, ni ewa hã Amnon ake̱ eefele̱ noko.

³Ši Amnon ye̱ nanyo ko ni atšé̱o̱le̱ Ionadab ni dši David nyemi *Šimea bi, ni Ionadab le ṅã ake̱ noko. [79]

⁴Ni no kē̱le̱ ake̱: Mẽba bo, maṅtše̱-bi mū le̱, otãa lō gbĩ-fẽ-gbĩ ne̱? Osumo̱o̱ ake̱ ogbami lo? Ni Amnon kē̱le̱ ake̱: Mīsumo̱ Tamar, minyemi Absalom nyemiyō le̱.

⁵Ni Ionadab kē̱le̱ ake̱: Yakã ši ye̱ osā le̱ no̱ ni oṅõ-fe ake̱ ohe miye; ni ke̱dši otše̱ bao sramo̱ le̱, okē̱le̱ ake̱: Hã minyemiyō Tamar aba ní ebahãmi niyenii, ni efe niyenii le̱ ye̱ mihĩe, koni mana, ni ehĩe ye̱ edeṅ ní maye!

⁶Ke̱ke̱ ni Amnon yakã ši, ni eṅō-fe ake̱ ehe mīye; ni beni maṅtše̱ le̱ bale̱ sramo̱ le̱, Amnon kē̱ maṅtše̱ le̱ ake̱: Hã minyemi Tamar aba ni ebašĩ tatalei enyo̱ō ko ehãmi ye̱ mihĩe, ni ehĩe ye̱ edeṅ ní maye!

⁷Ke̱ke̱ ni David tšũ ate Tamar ṅõ ye̱ šĩa ayakē̱le̱ ake̱: Ya onyemi Amnon we le̱ ni oyafe niyenii ohãle̱.

⁸Ni beni Tamar yiṅ ete enyemi Amnon we le̱, le̱ ekã ši ne̱; ni eṅõ mã ni ekpo̱to̱, ni efe tatalei ye̱ ehĩe, ni ešĩ tatalei le̱.

⁹Ni eṅõ nišĩṅe̱sũ le̱ ni etšṍ ye̱ ehĩe, ši ekplẽẽ yeli. Ni Amnon kē̱: Hã mei le̱ fẽ adše mimase̱i ke̱-dše kpo! Ni mei le̱ fẽ dše emase̱i ke̱-dše kpo.

¹⁰Ni Amnon kē̱ Tamar ake̱: Oke̱ niyenii lē̱ aba pia le̱ṅ, koni ohĩe ye̱ odeṅ ni maye. Ni Tamar ṅō tatalei le̱ ní ešĩ le̱ ni eke̱-te pia le̱ṅ eke̱-yahã enyemi Amnon.

¹¹Ni beni eke̱-bahãle̱ ni eye le̱, emõ emli ni ekē̱le̱ ake̱: *Ba, oke̱mi abawo̱, minyemiyō! [80]

¹²Ši ekē̱le̱ ake̱: Dabi, minyemi! kãſie mihĩe ši, edšake̱ afee nakai ye̱ Israel; kāfe ne̱ke̱ *hĩegbedšianii ne̱! [81]

¹³Ni mi le̱, nẽgbe̱ po mike̱ ne̱ke̱ hĩegbĕle aate? ni bo le̱, ootšṍ tamo̱ Israel yakagbomei le̱ eko! Nohewo̱ le̱ agbe̱ne̱, oke̱ maṅtše̱ le̱ ayawie, ši ekãmãṅ ake̱ eke̱mi aahão!

¹⁴Ši kẽle̱ eboo egbe le̱ toi, ši ake̱-ni ehe wa fèle̱ hewo̱ le̱, emōle̱ ni eke̱le̱ wo̱.

¹⁵Ke̱ke̱ ni Amnon he tšẽle̱ naakpa āhũ po ní ehe bo̱ni tšẽle̱ le̱ fá fè suomo̱ ni eke̱-sumo̱le̱ le̱. Ni Amnon kē̱le̱ ake̱: Te ši ni oya!

¹⁶Ši ekē̱le̱ ake̱: Ebe̱ nakai! ſiemo̱ ni oſieo̱mi ne̱ moṅ dši efõṅ kpeteṅkple fè tšutšunõ ní ofemi le̱? Ši eboole̱ toi;

¹⁷ši moṅ etšé̱ etšũlo̱ ní súmo̱ö̱le̱ le̱ ni ekē̱le̱ ake̱: ſiemo̱ ne̱ke̱ yō ne̱ ke̱-dše mino̱ ke̱-dše kpo, ni ola šĩnā le̱ se̱ owole̱!

¹⁸Ni ewo atade wuyā fe̱fe̱o ko, edšake̱ maṅtše̱mei abiyei oblayei froi le̱, nakai atadei ame̱woo̱. Ni etšũlo̱ le̱ ke̱le̱ dše kpo, ni ela šĩnā le̱ se̱ wole̱.

¹⁹Ke̱ke̱ ni Tamar *lō lamlu eſie eyiteṅ, ni egbla atade wuyã fe̱fe̱o ní ewo le̱, ni ekŏ̱lo̱ enidšĩ eſie eyiteṅ, ni ehĩe yāfó gegēge ke̱-te. [82]

²⁰Ši enyemi Absalom bakē̱le ake̱: Ani onyemi Amnon eta ohe lo? Ni agbe̱ne̱, minyemiyō, bu onā ke̱ke̱, onyemi ni; kāṅõ otšui ofõ ne̱ke̱ sane ne̱ no̱! Ke̱ke̱ ni Tamar wo ehe tšũṅ ye̱ enyemi Absalom we le̱.

²¹Ši beni maṅtše̱ David nu sãdši ne̱ fẽ le̱, emli wo la naakpa.

²²Ši Absalom ke̱ Amnon ewĩee ekpakpa lo eſõṅ; edšake̱ Absalom enye̱ Amnon, ake̱-ni emõ enyemiyō Tamar le̱.

²³Ni eba mli ake̱ afii enyo̱ se̱ le̱ aku Absalom tōi ahetšo̱i ye̱ Baal-Hazor ni yo̱ Efraim mase̱i le̱, ni Absalom kpē maṅtše̱ bihĩĩ le̱ fẽ ke̱-te.

²⁴Ni Absalom ba maṅtše̱ le̱ ṅō ni ebakē̱: Agbe̱ne̱ na, āku otšũlo̱ tōi ahetšo̱i, hã maṅtše̱ ke̱ etšũdši le̱ ke̱ otšũlo̱ aya!

²⁵Ni maṅtše̱ le̱ kē̱ Absalom ake̱: Dabi, mibi! Kāhã wo̱fẽ wo̱mīya ní wo̱yawoö to̱le̱! Ni enyẽ eno̱, ši kēle̱ ekplẽẽ yã, ši edšō̱le̱.

²⁶Ke̱ke̱ ni Absalom kē̱: Ke̱-dsee nakai dšiṅṅ, bĕle̱ hã minyemi Amnon ke̱-wo̱ aya mo̱. Ni maṅtše̱ le̱ kē̱le̱ ake̱: Mẽhewo̱ eke̱o aya?

²⁷Ši Absalom hĩele̱ āhũ ni ehã Amnon ke̱ maṅtše̱ bihĩĩ le̱ fẽ ke̱le̱ te.

²⁸Agbe̱ne̱ Absalom ewo etšũdšĩ le̱ akitã ake̱: Nyekwe̱a, nĩ ké̱ nyena ake̱ wein ehã Amnon mli eflile̱, ni mikē̱nye ake̱: Nyetſiaä Amnon nii! le̱, koni nyegbele̱; nyekašea gbeyei, edšake̱ mi mifã́nye; nyefea hĩĩ ni nyefea ekã! [83]

²⁹Ni Absalom tšũdši le̱ fe Amnon bo̱ni Absalom fã́ame̱ le̱. Ke̱ke̱ ni maṅtše̱bĩĩ le̱ fẽ te ši, ni mofẽmo ho tá ete-dšiokpo̱ṅo̱ no̱ ni ame̱dšo foi.

³⁰Ni eba mli ake̱, beni ame̱yo̱ gbe̱ le̱ no̱ lolo le̱, abatſa David adafi ake̱: Absalom egbe maṅtše̱bii le̱ fẽ, ni ame̱teṅ mokomeflo eſe̱e̱.

³¹Ke̱ke̱ ni maṅtše̱ le̱ te ši ni egbla etadei ni eho ekã šikpoṅ, ni etšũdši le̱ fẽ damo̱damō̱ emase̱i ke̱ ame̱tadei ni ame̱gblagblai.

³²Ši Ionadab, David nyemi Šimea bi le̱, here no̱ ni ekē̱: Minuntšo̱ akasusu ake̱ agbe maṅtše̱bii oblahĩĩ le̱ fẽ; edšake̱ Amnon kome ke̱ke̱ egbo, edšake̱ Absalom ekpe̱ mli nakai eto momo ke̱-dše̱ gbĩ no̱ ní emõ enyemiyō Tamar le̱.

³³Nohewo̱ le̱ agbe̱ne̱ minuntšo̱ maṅtše̱ akaye etsui ye̱ sane ne̱ hewo̱ ní esusu ake̱: Maṅtše̱bii le̱ fẽ egboi, edšake̱ Amnon kome ke̱ke̱ egbo.

³⁴Ši Absalom dšo foi. Ni oblanyo le̱ ní buo̱ le̱ hole ehĩṅme̱ii ano̱ ni ekwe̱, ni na, mei babaō nyie goṅ le̱ he gbe̱ le̱ no̱ ke̱-mība.

³⁵Ni Ionadab kē̱ maṅtše̱ le̱ ake̱: Na, maṅtše̱bii le̱ mība; bo̱ni otšũlo̱ kē̱ le̱, nakai kẽ ni.

³⁶Ni eba mli ake̱ amrõ pe̱ ni egbe wiemo̱ le̱ nā le̱, na, maṅtše̱bii le̱ ba, ni ame̱wó ame̱gbē no̱ ni ame̱fó; ni maṅtše̱ le̱ hũ ke̱ etšũdši le̱ fẽ fó āhũ.

³⁷Ši Absalom dšo foi ni eyiṅ ete *Talmai, Amihur bi le̱, ní dši Gešur maṅtše̱ le̱, ṅõ. Ni dāne̱ David yeo̱ ebi le̱ he ṅko̱mo̱. [84]

³⁸Ni beni Absalom dšo foi ke̱-te Gešur le̱, ehĩ dše̱i afii etẽ.

³⁹Ni maṅtše̱ David mīſe Absalom; edšake̱ etšé̱ etšui eṅmẽ emli ye̱ Amnon gbĕle le̱ hewo̱.