Read luganda 2 Samuel 14 Bible Online

2 Samuel 14 - luganda bible

2 Samuel 14

¹Agbe̱ne̱ le̱ Ioab, Zeruia bi le̱, yo ake̱ maṅtše̱ le̱ tšuĩ ye̱ Absalom he.

²Ni Ioab tšũ ate Tekoa, ni ayaṅõ yō nilelo̱ ko ke̱-ba, ni ekē̱le̱ ake̱: Kwa ni otšṍ ohe yărafelo̱, ni owo yărafemo̱ atadei, ni okakpa mũ; ši ofe ohe tamo̱ yō ko ní yeo̱ moko ní egbo he ṅko̱mo̱ ke̱-dše̱ dšeeṅmõ;

³ni oya maṅtše̱ le̱ ṅõ ni oke̱le̱ ayawie ne̱ke̱ ke̱ ne̱ke̱. Ke̱ke̱ ni Ioab ṅõ wiemo̱i le̱ ewo enã.

⁴Ni beni Tekoayō le̱ yakē̱ maṅtše̱ le̱, eṅõ ehĩe ebu ši ni ekotole̱ ni ekē̱: Ye obuami, maṅtše̱!

⁵Ni maṅtše̱ le̱ kē̱le̱ ake̱: Meni feo̱o? Ni ekē̱: Le̱le̱ṅ, yō okũlafo dšimi ni mi-wù egbo.

⁶Ni oweyō ye̱ bihĩĩ enyo̱, ni ame̱yi enyo̱ le̱ ame̱yanõ ye̱ ṅãno̱, ni moko be̱ dše̱i ni aakpãtãame̱; ni mokome tſa mokome nõ ni egbele̱.

⁷Ni na, weku mũ le̱ fẽ ete ši ewo oweyō, ni ame̱kē̱: Dšiemo̱ moni tſa enyemi nō le̱ ohã, *koni wo̱gbele̱ wo̱to enyemi ni egbe le̱ nãdšiaṅ, ni wo̱kpãtã nĩyelo̱ le̱ hũ hĩe! Ni bĕle̱ ame̱bagbe miṅãi ni eſe̱ le̱, koni akaſe̱ gbe̱i lo seši ko ahã miwù ye̱ šikpoṅ le̱ no̱! [85]

⁸Ni maṅtše̱ le̱ kē̱ yō le̱ ake̱: Ya owe, ni mawo ohe akpoi!

⁹Ni Tekoayō le̱ kē̱ maṅtše̱ le̱ ake̱: Minuntšo̱ maṅtše̱! ne̱ke̱ tõmo̱ ne̱ akã mi ke̱ mitše̱ we le̱ no̱; ši maṅtše̱ ke̱ esẽi le̱ sõ ko sõ ko akawula eyiteṅ!

¹⁰Ni maṅtše̱ le̱ kē̱: Mofẽmo ni aakē̱o sane ko le̱, oke̱le̱ aba miṅõ, ni etaṅ ohe doṅṅ!

¹¹Ni ekē̱: Maṅtše̱ akai Iehowa, o-Nyoṅmo̱ le̱, koni lá he oweleto̱lo̱ le̱ aka-kpãtã hĩe doṅṅ, ke̱-dšee nakai le̱, ame̱-agbe mibi le̱! Ni ekē̱: Gbĩĩabo̱ ní Iehowa hĩe kã ne̱, ke̱dši obi le̱ *yiteṅ tšo̱i kome dše nyõ ši fĩ! [86]

¹²Ke̱ke̱ ni yō le̱ kē̱: Ofai ne̱, hã ní oweyō akē̱ minuntšo̱ maṅtše̱ sane kome! Ni ekē̱: Wiemo̱!

¹³Ni yō le̱ kē̱: Bĕle̱ mẽhewo̱ mo̱ ni osusu neke̱ noko ye̱ Nyoṅmo̱ maṅ le̱ hewo̱? Ši ye̱ ne̱ke̱ wiemo̱ ne̱ mli le̱ maṅtše̱ tamo̱ moni eye fo̱, edšake̱ maṅtše̱ eyakplako emo ni aſiele̱ le̱ ke̱-bako.

¹⁴Edšake̱ wo̱bagboi kẽ, ni wo̱tamo̱ nu ni atši aſie šikpoṅ ni ehĩ! lōmo̱ doṅṅ; ši *Nyoṅmo̱ egbee mo, ši moṅ dſẽṅmo̱ edſẽṅo̱ bo̱ni aafe ni ekaſie moni aſiele̱ le̱ ke̱-mīdše̱ ehe kwrã. [87]

¹⁵Agbe̱ne̱ nõ hewo̱ ni hã miba mike̱ minuntšo̱ maṅtše̱ bawie ne̱ke̱ wiemo̱ ne̱ dši mihe gbeyei ní maṅ le̱ wo le̱; ni oweyō kē̱: Bĕle̱ miya ni mike̱ maṅtše̱ ayawie ake̱ aleenõ maṅtše̱ aafe noni etšũlo̱yō taoo̱ le̱ lo.

¹⁶Edšake̱ maṅtše̱ aabo toi, ni eedšie etšũlo̱yō ye̱ nū ní taoo̱mi ke̱ mibi ſẽ hĩe akpãtã ke̱-dše̱ Nyoṅmo̱ no̱yelihe le̱ deṅ.

¹⁷Ši oweyō kē̱: Minuntšo̱ maṅtše̱ wiemo̱ le̱ afe tšuiwõ-wiemo̱; edšake̱ minuntšo̱ maṅtše̱ *tamo̱ Nyoṅmo̱, bo̱fo, ni enaä noni hĩ ke̱ noni ehĩĩ; nohewo̱ le̱ Iehowa, o-Nyoṅmo̱ le̱, afata ohe! [88]

¹⁸Ke̱ke̱ ni maṅtše̱ le̱ here no̱ ni ekē̱ yō le̱ ake̱: Agbe̱ne̱ kāṅõ noni mibabio ne̱ otēmi! Ni yō le̱ kē̱: Minuntšo̱ maṅtše̱ awie!

¹⁹Ni maṅtše̱ le̱ kē̱: Ani Ioab nine fata ohe ye̱ ene̱ fẽ mli lo? Ni yō le̱ here no̱ ni ekē̱: Minuntšo̱ maṅtše̱! gbĩĩabo̱ ni osusuma hĩe kã ne̱, mokomoko gbaleṅ ninedšũrõ lo abe̱ku ke̱-dšeṅ nokonoko ni minuntšo̱ maṅtše̱ ewie le̱ he; edšake̱ otšũlo̱ Ioab le̱, le̱ efã́mi, ni le̱ noṅṅ eṅõ ne̱ke̱ wiemo̱i ne̱ fẽ ewo oweyō nā.

²⁰Beni afe ni atšake sane le̱ hĩe hewo̱ otšũlo̱ Ioab fe ene̱: ši minuntšo̱ le nii *tamo̱ Nyoṅmo̱ bo̱fo pe̱, hewo̱ le̱ ele nibii fẽ ni yo̱ šikpoṅ le̱ ne̱ le̱. [89]

²¹Ke̱ke̱ ni maṅtše̱ le̱ kē̱ Ioab ake̱: Dšogbãṅ, mikplẽ, nohewo̱ le̱ ya ní oyaṅō oblanyo Absalom ke̱-ba.

²²Ni Ioab ṅõ ehĩe ebu ši ni ekoto ši, ni edšō̱ maṅtše̱ le̱. Ni Ioab kē̱: Minuntšo̱ maṅtše̱! ṅme̱ne̱ otšũlo̱ ená ele ake̱ mihĩe eba nyam ye̱ ohĩe, edšake̱ maṅtše̱ efe noni etšũlo̱ wie le̱.

²³Ni Ioab te ši ni eyiṅ ete *Gešur, ni eyaṅõ Absalom ke̱-ba Ierusalem. [90]

²⁴Ni maṅtše̱ le̱ kē̱: Hã ni egbá ke̱-ya le̱dientše̱ ewe le̱, ši kāhã ebana mihĩe. Ke̱ke̱ ni Absalom gbá ke̱-te le̱dientše̱ ewe le̱, ni ebanaa maṅtše̱ le̱ hĩe.

²⁵Ši nū ko nū ko be̱ Israel fẽ ni adšieo̱ eyi ye̱ ehefe̱o hewo̱ tamo̱ Absalom: ke̱-dše̱ enaneši āhũ ke̱-yaši eyiteṅ pampam le̱ kpa komeflo ne̱ke̱ be̱ ehe.

²⁶Ni ke̱ eku eyi le̱, eyitšo̱i ṅmẽo̱ šekeli ohai-enyo̱ ye̱ maṅtše̱ nsẽninte̱ le̱ nā, (ni dā afi ekuo̱, edšake̱ yitšo̱i le̱ tšĩo̱ ye̱ eno̱ dāni ekuo̱.)

²⁷Ni afo̱ bihĩĩ etẽ ahã Absalom ke̱ biyō kome ni atšé̱o̱le̱ *Tamar; edši yō ko ni hĩe yo̱ fe̱o. [91]

²⁸Ke̱ke̱ ni Absalom ye afii enyo̱ ye̱ Ierusalem, ni enaa maṅtše̱ le̱ hĩe.

²⁹Nohewo̱ le̱ Absalom tšũ ayatšé̱ Ioab, koni etšũle̱ maṅtše̱ le̱ ṅõ; ši Ioab sumo̱o̱ ní eba. Ni etšũ ekoṅ noni dši šii enyo̱, ši esumo̱o̱ ní eba.

³⁰Nohewo̱ le̱ ekē̱ etšũdši le̱ ake̱: Nyekwe̱a, Ioab ṅmõ ye̱ minõ le̱ mase̱i, ni eye̱ akoko ye̱ dše̱i, nyeyaä ní nyeyamãa nā la. Ni Absalom tšũdši le̱ te ni ame̱yamã ṅmõ le̱ nā la.

³¹Ke̱ke̱ ni Ioab te ši ni eba Absalom ṅõ ye̱ šĩa ni ekē̱le̱ ake̱: Mẽba otšũdši le̱ yamã miṅmõ le̱ nā la?

³²Ni Absalom kē̱ Ioab ake̱: Na, mitšũ aba oṅõ abakē̱o ake̱: Ba ni matšũo maṅtše̱ ṅõ ni oyabile̱ ohãmi ake̱: Mẽhewo̱ midše̱ Gešur miba? Miye dše̱i lolo kũle̱ ehĩ hãmi! nohewo̱ le̱ agbe̱ne̱ hã mana maṅtše̱ hĩe; ši ke̱dši tõmo̱ ko ye̱ mihe le̱, hã ní egbemi!

³³Ke̱ke̱ ni Ioab ba maṅtše̱ le̱ ṅõ ni ebakē̱le̱. Ni etšé̱ Absalom, ni eba maṅtše̱ le̱ ṅõ, ni eṅõ ehĩe ebu ši ye̱ maṅtše̱ le̱ hĩe ni ekotole̱, ni maṅtše̱ le̱ ſo̱ Absalom nā.