Read luganda 2 Samuel 15 Bible Online

2 Samuel 15 - luganda bible

2 Samuel 15

¹Ni ene̱ se̱ le̱ eba mli ake̱ Absalom sā ſīlii ke̱ okpo̱ṅo̱i ehã ehe, ke̱ hĩĩ nyoṅmai-enumo̱ ni ahĩe foi ke̱-nyie ehĩe. [92]

²Ni Absalom tee̱ ši mãṅkẽ mrã ni eyadamo̱o̱ agbó le̱ nā gbe̱ le̱ mase̱i; ni ebaã mli ake̱, ké̱ moko hĩe béisane ko ke̱-mība maṅtše̱ le̱ ṅõ ní akodšo le̱, ke̱ke̱ le̱ Absalom tšé̱o̱le̱ ni ebio̱le̱ akē̱: Nẽ maṅ ne̱ odše̱? Ni ke̱dši ekē̱: Otšũlo̱ dše̱ Israel akutšei le̱ eko mli le̱,

³ke̱ke̱ le̱ Absalom kē̱o̱le̱ ake̱: Kwe̱, osãdši le̱ ye̱ṅ ni ame̱dša hũ; ši mokomoko be̱ ni dše̱ maṅtše̱ le̱ ṅõ ni aaboö toi!

⁴Asaṅ Absalom kē̱o̱ ake̱: Miná ní kũle̱ awomi kodšolo̱ ye̱ šikpoṅ le̱ no̱, ni mofẽmo ní hĩe sane ko lo kodšomo̱ ko le̱ eba miṅõ ni makodšole̱ ye̱ dšale̱ nā!

⁵Ni ke̱dši moko tši be̱ṅke̱ ni ebakotole̱ le̱, ekpãa enine mli ni emõo̱ emli ni eſo̱ö̱ enā.

⁶Ni ne̱ke̱ Absalom feo̱ Israelbii fẽ ni baä maṅtše̱ le̱ ṅõ saneyeli le̱, ne̱ke̱ Absalom fe edšu Israel hĩĩ le atšui.

⁷Ni afii edſe̱ se̱ le̱ eba mli ake̱ Absalom kē̱ maṅtše̱ le̱ ake̱: Ofai ne̱, hã ni maya mayafe mišiwōnii, ní miwo Iehowa ši le̱, ye̱ Hebron.

⁸Edšake̱ beni otšũlo̱ yo̱ *Gešur ye̱ Aram le̱, †miwo ši ake̱: Ke̱dši Iehowa ṅõmi ke̱-ba Ierusalem ekoṅ le̱, no le̱ mafe noko mahã Iehowa. [93]

⁹Ni maṅtše̱ le̱ kē̱le̱ ake̱: *Ya ye̱ hedšo̱le̱ mli! Ke̱ke̱ ni ete ši ni eyiṅ ete Hebron. [94]

¹⁰Ši Absalom tšũ bo̱foi ye̱ tēmo̱ mli ke̱-te Israel akutšei le̱ fẽ aṅõ ake̱: Amrõ pe̱ ni nyeanu te̱tre̱mantre̱ gbē̱mo̱ le̱, ke̱ke̱ ni nyekē̱ ake̱: Absalom miye maṅtše̱ ye̱ Hebron!

¹¹Ni akpē hĩĩ ohai-enyo̱ ke̱-dše̱ Ierusalem afata Absalom he ke̱-te, ši ame̱ le̱ te ke̱ke̱ ame̱te, ame̱lee mli eko.

¹²Ni beni Absalom šãa afo̱lei le̱, etšũ ayakpē *Ahitofel, Gilonyo ni dši David ṅāwolo̱ le̱, ke̱-dše̱ emaṅ Gilo le̱ ke̱-ba. Ke̱ke̱ ni apãm le̱ mli bawa, edšake̱ maṅ le̱ yi mīfá ye̱ Absalom ṅõ. [95]

¹³Ke̱ke̱ ni adafitſalo̱ ko ba David ṅõ ebakē̱le̱ ake̱: Israelbii le̱ atšui emõ Absalom!

¹⁴Ke̱ke̱ ni David kē̱ etšūdši fẽ ni ke̱le̱ yo̱ Ierusalem le̱ ake̱: Nyetea ši, nyehãa *wo̱dšoa foi; ši ke̱-dšee nakai le̱ we̱dšeṅ Absalom deṅ! Nyefea mrãmrã ni wo̱tea ni ekabaninawo̱ trukā, ni ehã sane fõṅ bayewo̱, ni egbe maṅ le̱ ke̱ klante! [96]

¹⁵Ni maṅtše̱ le̱ tšũdši le̱ kē̱ maṅtše̱ le̱ ake̱: Bo̱fēbo̱ ni minuntšo̱ maṅtše̱ aafã́ le̱, na, otšũdši ne̱!

¹⁶Ke̱ke̱ ni maṅtše̱ le̱ fã ni ewebii le̱ fẽ nyie ese̱. Ni maṅtše̱ le̱ šĩ yei nyoṅma ni dši ehemei, ní ame̱kwe̱ šīa le̱.

¹⁷Ši maṅtše̱ le̱ fã ni maṅ le̱ ſẽ nyie ese̱, ni ame̱yadamo̱ tšũ ni yo̱ klotia le̱ mase̱i.

¹⁸Ni etšũdši le̱ fẽ batšṍ emase̱i ke̱-ho; ni *Keretifoi ke̱ Peletifoi le̱ fẽ ke̱ Gatbii le̱ fẽ, hĩĩ ohai-ekpa ní nyie ese̱ ke̱-dše̱ Gat ke̱-ba le̱, bafoṅ ye̱ maṅtše̱ le̱ hĩe. [97]

¹⁹Ke̱ke̱ ni maṅtše̱ le̱ kē̱ *Itai, Gatnyo le̱, ake̱: Mẽba ni bo hũ oke̱wo̱ yaä? Kũ ose̱ ní oke̱ maṅtše̱ le̱ ayahĩ ši; edšake̱ gbe̱ dšio ni afão ye̱ omaṅ. [98]

²⁰Kole̱ nyè kpākpa nyè ní oba ne̱, ke̱ke̱ le̱ ṅme̱ne̱ hũ misā mihã oke̱wo̱ ayatšomlo̱ lo? ši mi le̱ miya hefẽhe ni miná. Kũ ose̱ ní oke̱ onyemimei le̱ aya; Iehowa mo̱bo̱nale̱ ke̱ ano̱kwale ke̱o ahĩ ši!

²¹Ši Itai here maṅtše̱ le̱ no̱ ni ekē̱: Gbĩĩabo̱ ní Iehowa hĩe kã ni minuntšo̱ maṅtše̱ hũ hĩe kã ne̱, hefẽhe ni minuntšo̱ maṅtše̱ aahĩ le̱, gbĕle mliō, wala mliõ, ke̱-dšee dše̱i otšũlo̱ aahĩ fĩ!

²²Ke̱ke̱ ni David kē̱ Itai ake̱: Dšogbãṅ, ba ni obaho! Ni Itai, Gatnyo le̱, ke̱ ehĩĩ le̱ fẽ ke̱ gbekẽbii fẽ ni fata ehe le̱ baho.

²³Ni šikpoṅ le̱ no̱ bii le̱ fẽ fó ke̱ gbē wale̱, ni maṅ mū le̱ fẽ foṅ ke̱-ho, ni maṅtše̱ le̱ dientše̱ fo *Kidron fā le̱, ni maṅ mū le̱ fẽ foṅ ke̱-ho ke̱-tšṍ ṅã le̱ no̱ gbe̱ le̱ no̱ gbe̱. [99]

²⁴Ke̱ke̱ le̱ na, Zadok ke̱ Abiatar hũ ne̱, ni Levibii le̱ fẽ fata ehe, ni ame̱tẽre Nyoṅmo̱ kpāṅmo̱ adeka le̱; ni ame̱to Nyoṅmo̱ adeka le̱ ame̱mã ši ke̱-yaši beyino̱ ni maṅ mŭ le̱ fẽ dše mã le̱ṅ ho tã.

²⁵Ni maṅtše̱ le̱ kē̱ Zadok ake̱: Oke̱ Nyoṅmo̱ adeka le̱ aya mã le̱ṅ ekoṅ; ke̱dši mihĩe aaba nyam ye̱ Iehowa hĩe le̱, eke̱mi aaba ekoṅ ni eehã manale̱ ke̱ ešihĩle̱he le̱ ekoṅ.

²⁶Ši ke̱dši ekē̱ ne̱ke̱ ake̱: Mibe̱ ohe tšui le̱, na mi ne̱, hã *efemi bo̱ni sa ehĩe! [100]

²⁷Maṅtše̱ le̱ sã kē̱ oso̱fo Zadok ake̱: Nto ninalo̱ dšio? kũ ose̱ ni oya mã le̱ṅ ye̱ hedšo̱le̱ mli, ni nyebibĩĩ enyo̱, ni dši obi Ahimaaz ke̱ Abiatar bi *Ionatan le̱, afata nyehe. [101]

²⁸Nyena, mibahĩ ṅã le̱ no̱ fāfōhe le̱ ke̱-yaši beyino̱ ní wiemo̱ ko aadše̱ nyeṅõ abatſami adafi.

²⁹Ke̱ke̱ ni Zadok ke̱ Abiatar wó Nyoṅmo̱ adeka le̱ ke̱-te Ierusalem ekoṅ, ni ame̱yahĩ dše̱i.

³⁰Ši David kwo̱ mũgoṅ le̱ ke̱-te, ni beni eyaã le̱, ehĩe yāfó, ni eha eyiteṅ, ni enyie enane flo; ni maṅ mū le̱ fẽ ní ke̱le̱ nyie le̱ ateṅ mofẽmo eha eyiteṅ, ni beni ame̱yaä le̱, ame̱hĩe yāfó.

³¹Ni moko bagba David ake̱: Ahitofel ye̱ mei ní ke̱ Absalom ekpãṅ le̱ ateṅ! Ni David kē̱: Iehowa, ofai ne̱, ní ohã Ahitofel ṅāwō le̱ atšṍ kwašiai asane!

³²Ni eba mli ake̱, beni David še̱ goṅ le̱ yiteṅ, heni adšáa Nyoṅmo̱ ye̱ le̱, na, Hušai, Arkinyo le̱, ke̱le̱ bakpe ke̱ etade ní egbla, ke̱ eyiteṅ sũisũi.

³³Ni David kē̱le̱ ake̱: Ke̱dši oke̱mi te le̱, no le̱ obatšṍ dšatšu ohãmi;

³⁴ši ke̱dši okũ ose̱ ke̱-te mã le̱ṅ ni oyakē̱ Absalom ake̱: Maṅtše̱, otšũlo̱ dšimi; tšutšu le̱ otše̱ tšũlo̱ dšimi, ši agbe̱ne̱ le̱ matšṍ otšũlo̱ le̱: no moṅ *oofite Ahitofel ṅāwō le̱ ohãmi. [102]

³⁵Ni Zadok ke̱ Abiatar, oso̱foi le̱, ani dšee oṅõ noṅṅ ame̱yo̱ ye̱ dše̱i? Nohewo̱ le̱ sane-fẽ-sane ní oonu ke̱-adše̱ maṅtše̱ we le̱, okē̱ Zadok ke̱ Abiatar, oso̱foi le̱.

³⁶Na, ame̱bihĩĩ enyo̱ le̱ ke̱ame̱ ye̱ dše̱i: Zadok bi Ahimaaz ke̱ Abiatar bi Ionatan; ni ame̱nine no̱ nyetšṍ nyehã nofẽno ni nyeanu le̱ aše̱ mideṅ. [103]

³⁷Ke̱ke̱ ni Hušai, David *šientše̱ le̱, ba mã le̱ṅ. Ni Absalom hũ ba Ierusalem. [104]