Read luganda 2 Samuel 7 Bible Online

2 Samuel 7 - luganda bible

2 Samuel 7

¹Ni eba mli ake̱, beni maṅtše̱ le̱ yo̱ ewe ni Iehowa ehã ená hedšo̱le̱ ke̱-dše̱ ehenye̱lo̱i fẽ ní bo̱lele̱ ke̱-kpe le̱ adeṅ le̱,

²maṅtše̱ le̱ kē̱ gbalo̱ Natan ake̱: Agbe̱ne̱ nto ōna, mi le̱ miye̱ tšenedru tšũ mli, ši Nyoṅmo̱ adeka le̱ ye̱ bū mli! [39]

³Ni Natan kē̱ maṅtše̱ le̱ ake̱: Nofẽno ni yo̱ otšui mli le̱, ya ni oyafe; edšake̱ Iehowa fĩ ose̱!

⁴Ni eba mli ake̱ nakai nyō le̱ṅ noṅṅ le̱ Iehowa wiemo̱ ba Natan ṅõ ekē̱:

⁵Ya ni oyakē̱ mitšũlo̱ David ake̱: Bo̱ni Iehowa kē̱ ne̱: Aso bo *obamã tšũ ohãmi mahĩ mli? [40]

⁶Edšake̱ ke̱-dše̱ gbĩ no̱ ni miyakpla Israelbii le̱ ke̱-dše̱ Mizraim ke̱-ba āhũ ke̱-baši ṅme̱ne̱ gbĩ ne̱ mihĩko *tšũ mli dã, ši bṅ ke̱ šihĩle̱he mli so̱ṅṅ minyie. [41]

⁷Hei fē ní mike̱ Israelbii le̱ fẽ enyienyiei le̱, ani mike̱ Israel kodšolo̱i le̱ ni mifã́ame̱ ake̱ ame̱lè̱ mimaṅ Israel le̱ eko ewie wiemo̱ ko pẽṅ ake̱: Mẽba po ni nyemãã tšenedru tšũ nyehããmi lo?

⁸Nohewo̱ le̱ agbe̱ne̱ kē̱mo̱ mitšũlo̱ David ne̱ke̱: Bo̱ni Iehowa Zebaot kē̱ ne̱: Mi miyakplao ke̱-dše̱ tōialè̱he ke̱ tōi ase̱, koni obaye mimaṅ Israel no̱ lumo; [42]

⁹ni hefẽhe ni oyaã le̱ mifata ohe, ni miplenē ohenye̱lo̱i le̱ fẽ ye̱ ohĩe, ni mihã oná gbe̱i kpeteṅkple tamo̱ gbomei agboi ni yo̱ šikpoṅ le̱ no̱ le̱ agbe̱i.

¹⁰Ni asaṅ mato he ko mahã mimaṅ Israel, ni mate̱oame̱, koni ame̱hĩ ame̱dientše̱ ame̱hĩle̱he, ni akatšire̱ame̱ doṅṅ, ni yiwalo̱i hũ akahaoame̱ doṅṅ tamo̱ sá le̱,

¹¹be mli ni mifã́ kodšolo̱i ake̱ ame̱ye mimaṅ Israel no̱ le̱. Ni mahã ohe adšo̱o ye̱ ohenye̱lo̱i le̱ fẽ adeṅ. Asaṅ Iehowa mīkē̱o ake̱ Iehowa bamã šĩa ehão.

¹²Ke̱dši ogbĩĩ le̱ še̱ ni ote oke otše̱mei le̱ yawo le̱, matẽ osešinyo ni dše̱ omũsũṅ ši ye̱ ose̱, ni mahã emaṅtše̱yeli le̱ adamo̱ ši šiṅṅ. [43]

¹³*Le̱ eemã tšũ ehã migbe̱i le̱, ni mahã emaṅtše̱yeli sẽi le̱ amã ši šiṅṅ ke̱-ya nāno̱. [44]

¹⁴*Matšṍ etše̱, ni eetšṍ mibi. Ke̱dši etõ le̱, no le̱ mike̱ ádesãi atšo ke̱ gbomei akpãi aayile̱; [45]

¹⁵ši mimo̱bo̱nale̱ le̱ edšeṅ ehe, *tamo̱ bo̱ni midšie ye̱ Saul, moni mikpale̱ ye̱ ohĩe le, he le. [46]

¹⁶Ši owe ke̱ omaṅtše̱yeli le̱ aadamo̱ ši šiṅṅ ye̱ ohĩe ke̱-ate nāno̱: omaṅtše̱sẽi le̱ aamã ši šiṅṅ ke̱-ate nāno! [47]

¹⁷Bo̱ni ne̱ke̱ wiemo̱ ne̱ fẽ yo̱ ke̱ bo̱ni ne̱ke̱ ninā ne̱ fẽ yo̱ le̱, nakai Natan kē̱ David.

¹⁸Ke̱ke̱ ni maṅtše̱ David te ni eyatá ši ye̱ Iehowa hĩe ni ekē̱: Nuntšo̱ Ieho-wa, *namo dšimi, ni miwe le̱, meni edši po ni ohĩemi ke̱-baši bene̱ ne̱? [48]

¹⁹Ni kẽle̱ ene̱ dšee noko sro̱to ko ye̱ ohĩe, Nuntšo̱ Iehowa, ši osā owie ye̱ otšũlo̱ we le̱ he hũ ye̱ nibii ní baba ye̱ šoṅṅ le̱ ahewo̱, ani gbomo ko aafe ene̱? Nuntšo̱ Iehowa!

²⁰Ni meni yo̱ David nā ni ekē̱o doṅṅ? edšake̱ bo ole otšũlo̱, Nuntšo̱ Iehowa!

²¹Owiemo̱ ni owie le̱ hewo̱ ke̱ bodientše̱ otšui nā ni ofe nibii wudši ne̱ fẽ, koni oke̱-hã otšũlo̱ ale!

²²Nohewo̱ le̱, Iehowa Nyoṅmo̱, oda kpeteṅkple! Edšake̱ mokomoko ke̱o yee egbo̱, ni asaṅ nii fẽ ní wo̱ke̱ wo̱toii enu le̱ anā le̱, nyoṅmo̱ ko nyoṅmo̱ ko be̱ ye̱ ose̱.

²³Ni mẽ *dšeṅmaṅ kome po yo̱ šikpoṅ ne̱ no̱ ni ke̱ omaṅ Israel ye gbo̱, ni Nyoṅmo̱ yiṅ ete eyakpõ efe le̱dientše̱ emaṅ, ni eke̱-he gbe̱i, ni etšu nii wudši ehãnye ke̱ nii ni yo̱ gbeyei ehã ošĩkpoṅ le̱, ye̱ omaṅ ni okpo ohã ohe ke̱-dše̱ Mizraim, ke̱-dše̱ dšeṅmãdši ke̱ ame̱nyoṅmo̱i le̱ adeṅ le̱, hĩe? [49]

²⁴Ni omã omaṅ Israel no̱ mĩ́ ofe bodientše̱ omaṅ ke̱-mīya nāno̱, ni bo Iehowa otšṍ ame̱-Nyoṅmo̱.

²⁵Ni agbe̱ne̱, Iehowa Nyoṅmo̱, wiemo̱ ní owie ye̱ otšũlo̱ ke̱ ewe le̱ hewo̱ le̱, mã no̱ aduatšo̱ ke̱-ya nāno̱, ni ofe take̱ bo̱ni oke le̱!

²⁶Ni hã ní ogbe̱i le̱ ada ke̱-ya nāno̱ ni akē̱ ake̱: Iehowa Zebaot le̱, le̱ dši Nyoṅmo̱ ni yo̱ Israel no̱; ni hã otšũlo̱ David we le̱ amã ši šiṅṅ ye̱ ohĩe!

²⁷Edšake̱ bo Iehowa Zebaot, Israel Nyoṅmo̱ le̱, owó otšũlo̱ *toi no̱ okē̱: Mama šĩa mahão; nohewo̱ ni otšũlo̱ ná tšuĩ ake eso̱le ne̱ke̱ so̱lemo̱ ne̱ ehão. [50]

²⁸Ni agbe̱ne̱, Nuntšo̱ Iehowa, bo dši Nyoṅmo̱, ni owiemo̱i le̱ ano̱kwale ni, ni oke̱ ne̱ke̱ nõkpakpa ne̱ ewo otšũlo ši. [51]

²⁹Nohewo̱ le̱ agbe̱ne̱ ná he tšui ni odšō̱ otšũlo̱ we le̱, koni ehĩ ši ke̱-ya nāno̱ ye̱ ohĩe; edšake̱ Nuntšo̱ Iehowa, bo õkē̱, ni odšō̱mo̱ le̱ hewo̱ le̱ aadšō̱ otšũlo̱ we le̱ ke̱-ya nāno̱.