Read luganda 1 Maṅtše̱me̱i 1 Bible Online

1 Maṅtše̱me̱i 1 - luganda bible

1 Maṅtše̱me̱i 1

¹Agbe̱ne̱ maṅtše̱ David egbo̱ ni eye afii pī, ni tše̱ aha ehe mamai, kẽle̱ ehe edo̱e̱ la.

²Nohewo̱ le̱ etšũdši le̱ kē̱le̱ ake̱: Hã ní ayatao oblayō fro ko abahã minuntšo̱ maṅtše̱, ní ebadamo̱ maṅtše̱ hĩe ni ekwe̱le̱, ni ekã emliši, koni minuntšo̱ maṅtše̱ he ado̱ la.

³Ke̱ke̱ ni ame̱yatao oblayō ſe̱fe̱o ye̱ Israel kpokpai le̱ fẽ no̱, ni ame̱yana Abišag, Šunamyō le̱, ni ame̱ke̱le̱ ba ame̱bahã maṅtše̱ le̱.

⁴Ni oblayō le̱ he ye̱ fe̱o naakpa, ni ekwe̱o̱ maṅtše̱ le̱ ni esúmoo̱le̱; ši maṅtše̱ le̱ etaa ehe.

⁵Ši *Adonia, Hagit bi le̱, wó ehe no̱ ekē̱: Mi mibaye maṅtše̱ le̱! Ni †esā ſīlii ke̱ okpo̱ṅo̱iatše̱mei ke̱ hĩĩ nyoṅmai-enumo̱ ní ahĩe foi ke̱-nyie eble ehã ehe. [1]

⁶Ni ešihĩle̱ mli fẽ le̱ etše̱ ekē̱kole̱ pẽṅ ake: Mẽhewo̱ ni ofe ne̱ke̱ lo ne̱ke̱? ni no aahã ado̱le̱. Ni le̱ hũ ehe ye̱ fe̱o naakpa, ni Absalom se̱ho ni.

⁷Ni eke̱ Ioab, Zeruia bi le̱, ke̱ oso̱fo Abiatar totōo̱ he adšinai, ni ame̱nyie Adonia se̱ ni ame̱ye ame̱buale̱. [2]

⁸Ši oso̱fo Zadok ke̱ Benaia, Iehoiada bi le̱, ke̱ gbalo̱ Natan ke̱ Šimei ke̱ Rei ke̱ hĩĩ kakabā̃i ní David yo̱ le̱, ame̱fataa Adonia he.

⁹Ni Adonia gbegbē tōi ke̱ tšinai ke̱ koloi ní ewo fo̱ ye̱ Zohelet te̱ le̱ ní yo̱ *Rogel nubu le̱ he le̱ mase̱i, ni ekpē enyemimei maṅtše̱bii le̱ fẽ ke̱ Iuda hĩĩ le̱ ni dši maṅtše̱ tšũdši le̱ fẽ; [3]

¹⁰ši gbalo̱ Natan ke̱ Benaia ke̱ hĩĩ kakabãi le̱ ke̱ enyemi Salomo le̱, ekpēēame̱.

¹¹Nohewo̱ le̱ Natan yakē̱ Salomo nye Batšeba ake̱: Ani onuko ake̱ Adonia, Hagit bi le̱, mīye maṅtše̱, ni wo̱nuntšo̱ David lee lo?

¹²Nohewo̱ le̱ agbe̱ne̱ ba ní mawoö ṅā, ní oke̱-here bodientše̱ oyiwala ke̱ obi Salomo hũ yiwala.

¹³Yiṅ ni oya maṅtše̱ David ṅõ ni oyakē̱le̱ ake̱: Minuntšo̱ maṅtše̱, ani dšee bo okã oweyō kitã ake̱: obi Salomo baye maṅtše̱ ye̱ mise̱, ni le̱ ebatá misẽi le̱ no̱ le̱? ni mẽhewo̱ mo̱ ni Adonia yeo̱ maṅtše̱ le̱ ne̱?

¹⁴Na, beni oke̱ maṅtše̱ le̱ wieo̱ ye̱ dše̱i lolo le̱, mi hũ manyie ose̱ ke̱-ba ni mabamã owiemo̱i le̱ ano̱ aduatšo̱.

¹⁵Ke̱ke̱ ni Batšeba yiṅ ete maṅtše̱ le̱ ṅõ ye̱ pia mli; ni maṅtše̱ le̱ egbo̱ naakpa, ni Abišag, Šunamyō le̱, sùmoo̱ maṅtše̱ le̱.

¹⁶Ni Batšeba ba ši ni ekoto maṅtše̱ le̱; ni maṅtše̱ le̱ kē̱: Meni otaoo̱?

¹⁷Ni eke̱le̱ ake̱: Minuntšo̱, bo okã Iehowa, o-Nyoṅmo̱ le̱, kitã otšõ oweyō ake̱: obi Salomo baye maṅtše̱ le̱ ye̱ mise̱ ni le̱ ebatá misẽi le̱ no̱.

¹⁸Ši na, agbe̱ne̱ Adonia yeo̱ maṅtše̱ le̱ ne̱, ni bo, minuntšo̱ maṅtše̱, olee mli eko.

¹⁹Ni egbe tšinai ke̱ koloi ni ewo fo̱ ke̱ tōi babaō, ni ekpē maṅtše̱bii le̱ fẽ ke̱ oso̱fo Abiatar ke̱ tatše̱ Ioab, ši otšũlo̱ Salomo le̱, ekpēēle̱. [4]

²⁰Ni bo, minuntšo̱ maṅtše̱, Israel fẽ mīkwe̱o gbe̱, ake̱ ootšõame̱ moni bata minuntšo̱ maṅtše̱ sẽi le̱ no̱ ye̱ ese̱.

²¹Ke̱-dšee nakai le̱, aaba mli ake̱, beni minuntšo̱ maṅtše̱ ete eke̱ etše̱mei eyawo̱ le̱, no le̱ ababu mi ke̱ mibi Salomo ake̱ efõṅfelo̱i! [5]

²²Ni na, beni eke̱ maṅtše̱ le̱ wieo̱ lolo le̱, gbalo̱ Natan hũ ba dše̱i.

²³Ni ame̱yakē̱ maṅtše̱ le̱ ake̱: Na gbalo̱ Natan! Ni beni eše̱ maṅtše̱ le̱ hĩe le̱, ekoto maṅtše̱ le̱ ni eke̱ ehĩe bu ši.

²⁴Ni Natan kē̱: Minuntšo̱ maṅtše̱! ani bo okē̱ ake̱: Adonia aye maṅtše̱ ye̱ mise̱, ni etá misẽi le̱ no̱ lo?

²⁵Ši ṅme̱ne̱ eyiṅ ete, ni eyagbe tšinai ke̱ koloi ní ewo fo̱ ke̱ tōi babaō, ni ekpẽ maṅtše̱bii le̱ fẽ ke̱ ta le̱ no̱ asafoiatše̱mei le̱ ke̱ oso̱fo Abiatar, ní na, ame̱mīyeyẽ nii ni ame̱mīnunū dā̃i ye̱ ehĩe ni ame̱kē̱o̱ ake̱: *Maṅtše̱ Adonia yi aná wala! [6]

²⁶Ši mi, otšũlo̱ le̱, ke̱ oso̱fo Zadok ke̱ Benaia, Iehoiada bi le̱, ke̱ otšũlo̱ Salomo le̱, ekpēēwo̱. [7]

²⁷Ani minuntšo̱ maṅtše̱ ye ne̱ke̱ sane ne̱, ni ohãã otšũdši aná ale moni batá minuntšo̱ maṅtše̱ sẽi le̱ no̱ ye̱ ese̱ lo?

²⁸Ke̱ke̱ ni maṅtše̱ David here no̱ ni ekē̱: Nyetšé̱a Batšeba nyehãami! Ni eba maṅtše̱ le̱ hĩe, ni ebadamo̱ maṅtše̱ le̱ hĩe.

²⁹Ni maṅtše̱ le̱ kã kitã ni ekē̱: Gbĩĩabo̱ ni Iehowa, moni ekpõ misusuma ke̱-dše̱ amanehũlũi fẽ mli le̱, hīe kã ne̱,

³⁰be̱ni mikã Iehowa, Israel Nyoṅmo̱ le̱, kitã mitšõo ake̱: obi Salomo baye maṅtše̱ le̱ ye̱ mise̱ ni le̱ ebatá misẽi le̱ no̱ ye̱ minãdšiaṅ le̱, nakai noṅṅ kẽ mafe ṅme̱ne̱ gbĩ ne̱ le̱le̱ṅ!

³¹Ke̱ke̱ ni Batšeba ke̱ ehĩe bu ši ni ekoto maṅtše̱ le̱ ni ekē̱: Minuntšo̱ maṅtše̱ yi aná wala ke̱-ya nāno̱!

³²Ni maṅtše̱ David kē̱: Nyetšē̱a oso̱fo Zadok ke̱ gbalo̱ Natan ke̱ Benaia, Iehoiada bi le̱, nyehãami! Ni ame̱ba maṅtše̱ le̱ hĩe.

³³Ni maṅtše̱ le̱ kē̱ame̱ ake̱: Nyeṅõa nyenuntšo̱ tšũdši le̱ nyefataã nyehe, ni nyeke̱ Salomo atá midientše̱ mitedšiokpo̱ṅe̱ le̱ no̱ ni nyeke̱le̱ aya Gihon.

³⁴Ni oso̱fo Zadok ke̱ gbalo̱ Natan afo̱le̱ mũ ye̱ dše̱i awole̱ maṅtše̱ ye̱ Israel no̱; ni nyekpãa te̱tre̱mantre̱ nyekē̱a ake̱: Maṅtše̱ Salomo yi aná wala!

³⁵Ke̱ke̱ ni nyenyie ese̱ ke̱-ba, ni kē̱ eba le̱, ebata misēi le̱ no̱, edšake̱ le̱ eeye maṅtše̱ ye̱ minãdšiaṅ, ni le̱ mito ni eye lumo ye̱ Israel ke̱ Iuda fẽ no̱.

³⁶Ke̱ke̱ ni Benaia, Iehoiada bi le̱, here maṅtše̱ le̱ no̱ ni ekē̱: Amen! nakai noṅṅ Iehowa, minuntšo̱ maṅtše̱ Nyoṅmo̱ le̱, hũ aakē̱!

³⁷Be̱ni Iehowa ke̱ minuntšo̱ maṅtše̱ hĩ ši le̱, nakai noṅṅ kẽ eke Salomo hũ aahĩ ši, ni ehã esẽi le̱ ada kple fē minuntšo̱ maṅtše̱ David sẽi le̱!

³⁸Ke̱ke̱ ni oso̱fo Zadok ke̱ gbalo̱ Natan ko̱ Benaia, Iehoiada bi le̱, ke̱ Keretifoi ke̱ Peletifoi le̱ yiṅ te, ni ame̱hã Salomo ho tá maṅtše̱ David tedšiokpo̱ṅo̱ le̱ no̱ ni ame̱ke̱le̱ nyie ke̱-te Gihon. [8]

³⁹Ni oso̱fo Zadok yawó mũ ke̱ koṅ le̱ ke̱-dše̱ bū le̱ mli, ni eke̱-bafo̱ Salomo. Ni ame̱kpã te̱tre̱mantre̱, ni maṅ mū le̱ fẽ kē̱: Maṅtše̱ Salomo yi aná wala! [9]

⁴⁰Ni maṅ mū le̱ fẽ nyie ese̱ ke̱-ba, ni maṅ le̱ kpãkpã be̱dši, ni ame̱nyã́ naakpa, ni šikpoṅ dšidše ke̱ ame̱nāwale̱ le̱.

⁴¹Ni Adonia ke̱ mei fẽ ni ekpē ni yo̱ eṅõ le̱ nu he, beni ame̱ye nii le̱ eta le̱; ni beni Ioab nu te̱tre̱mantre̱ le̱ gbē̱mo̱ le̱, ekē̱: Mẽhewo̱ ni mã le̱ṅ le̱ efe hō ni ablo̱ō̱ ne̱ke̱ ne̱?

⁴²Ni beni ewieo̱ lolo le̱, na, *Ionatan, oso̱fo Abiatar bi le̱, ba; ni Adonia kē̱: Ba, edšake̱ gbomo kpakpa dšio, ni sane kpakpa ohĩeo̱! [10]

⁴³Ni Ionatan here no̱ ni ekē̱ Adonia ake̱: Moṅ, wo̱nuntšo̱ maṅtše̱ David ewo Salomo maṅtše̱!

⁴⁴Ni maṅtše̱ le̱ ehã oso̱fo Zadok ke̱ gbalo̱ Natan ke̱ Benaia, Iehoiada bi le̱, ke̱ Keretifoi ke̱ Peletifoi le̱ ke̱le̱ ete, ni ame̱hã etá maṅtše̱ le̱ tedšiokpo̱ṅo̱ le̱ no̱;

⁴⁵ni oso̱fo Zadok ke̱ gbalo̱ Natan efo̱le̱ mũ ame̱wole̱ maṅtše̱ ye̱ Gihon, ni ame̱dše̱ dše̱i ame̱ba ke̱ nyã́mo̱, ni mã le̱ṅ ofe hō. No dši blo̱mo̱ ni nyenu le̱.

⁴⁶Ni asaṅ Salomo tà maṅtše̱yeli sẽi le̱ no̱. [11]

⁴⁷Ni asaṅ maṅtše̱ tšũdši le̱ ba ame̱badšō̱ wo̱nuntšo̱ maṅtše̱ David ake̱: Onyoṅmo̱ le̱ ahã Salomo gbe̱i afẽ ogbe̱i le̱, ni ehã esẽi le̱ ada fè osẽi le̱! Ni maṅtše̱ le̱ mã eyi ši ye̱ esã le̱ no̱.

⁴⁸Ni asaṅ bo̱ni maṅtše̱ le̱ kē̱ ne̱: Aadšō̱ Iehowa, Israel Nyoṅmo̱ le̱, ake̱ ehã mo ní aatá misẽi le̱ ne̱ ṅme̱ne̱ gbĩ ne̱, ni mihíṅme̱ii hũ ena ne̱! [12]

⁴⁹Ke̱ke̱ ni mei ní Adonia ekpẽ le̱ fẽ tšui fã, ni ame̱tetē ši, ni ame̱teṅ mofẽmo yi egbe no̱.

⁵⁰Ni Adonia še Salomo gbeyei, ni ete ši eyiṅ ete ni eyamõmo̱ afo̱lešãlate̱ le̱ he aklontoi le̱ amli.

⁵¹Ni ayagba Salomo ake̱: Na, Adonia mīše maṅtše̱ Salomo gbeyei, ni na, *eyamõmo̱ afo̱lešãlate̱ le̱ he aklontoi le̱ amli, ekē̱: Maṅtše̱ Salomo akã kitã atšõmi ṅme̱ne gbĩ ne̱ ake eke̱ klante egbeṅ etšũlo̱! [13]

⁵²Ni Salomo kē̱: Kē̱ efe ehe gbomo kpakpa le̱, *eyitšo̱i kome po enyõṅ šikpoṅ, ši ke̱dši ana nõfõṅ ko ye̱ ehe le̱, no le̱ eegbo! [14]

⁵³Ni maṅtše̱ Salomo tšũ ayaṅõle̱ ke̱-dše̱ afo̱lešãlate̱ le̱ he ke̱-ba; ni eba ebakoto maṅtše̱ Salomo; ni Salomo kē̱le̱ ake̱: Ya owe!