Read luganda 1 Maṅtše̱me̱i 10 Bible Online

1 Maṅtše̱me̱i 10 - luganda bible

1 Maṅtše̱me̱i 10

¹Ni beni Šeba maṅnye le̱ nu Salomo yidšiemo̱ ní ená ye̱ Iehowa gbe̱i le̱ hewo̱ le̱, eba ní eke̱ abe̱buai ní wawai abakale̱ akwe̱. [96]

²Ni eba Ierusalem ke̱ asafo babaō dientše̱, ke̱ yomai ni tẽre tšofãi-ke̱-ṅmai ke̱ šika babaō dientše̱ ke̱ te̱i ní dšra wa; ni beni eba Salomo ṅõ le̱, eke̱le̱ wie nibii fẽ ni yo̱ etšuiṅ.

³Ni Salomo hãle̱ ewiemo̱i le̱ fẽ he-tō; emli eko eko be̱ ní maṅtše̱ le̱ enáá etšõõle̱.

⁴Ni beni Šeba maṅnye le̱ na Salomo nilē le fē ke̱ šĩa ni emã le̱,

⁵ke̱ ekplõ no̱ niyenii, ke̱ etšũdši ašitrámo̱, ke̱ esúolo̱i ašidāmo̱, ke̱ ame̱tadei, ke̱ edā̃wolo̱i, ke̱ ešã-afo̱lei ni ešã ye̱ Iehowa we le̱, ehe dšõ ehe naakpa,

⁶ni ekē̱ maṅtše̱ le̱ ake̱: Ohe sãdši ke̱ onilẽ ní minu he ye̱ midientše̱ mi-šikpoṅ le̱ no̱ le̱ ano̱kwale ni.

⁷Tše̱bele̱ mihee wiemo̱i le̱ miyee, ke̱-yaši miba ní mibana ke̱ mihĩṅme̱ii ne̱. Ni na, dšee emli fã tete agbami le̱: onilē ke̱ oſeremo̱ le̱ fá āhũ fè yidšiemo̱ ní minu le̱ tete.

⁸Adšō̱ owebii le̱, ni adšō̱ otšũdši le̱ ni damoo̱ ohĩe dāne̱ ní ame̱boo̱ onilē le̱ toi le̱! [97]

⁹*Aadšō̱ Iehowa, o-Nyoṅmo̱ le̱, ake̱ ená ohe tšui, ni eke̱o tá Israel maṅtše̱sẽi le̱ no̱; edšake̱ Iehowa mīsumo̱ Israel ke̱-mīya nāno̱, nohewo̱ ni ewoö maṅtše̱ le̱, koni okodšo ni oye dšale̱ sane! [98]

¹⁰Ni ehã maṅtše̱ le̱ šika talentai oha ke̱ nyoṅmai-enyo̱, ke̱ tšofãi-ke̱-ṅmai pī dientše̱, ke̱ te̱i ní dšra wa; tšofãi-ke̱-ṅmai le̱ eko baa doṅṅ ní fá babaō tamo̱ nii ní Šeba maṅnye le̱ bahã maṅtše̱ Salomo le̱.

¹¹Ni asaṅ Hiram le̱dši le̱ hũ ní ke̱ šika dše̱o̱ Ofir baä le̱, ke̱ almugtšei babaō dientše̱ ke̱ te̱i ni dšra wa dše̱ Ofir ba. [99]

¹²Ni maṅtše̱ le̱ ṅõ almugtšei le̱ eflo afãbaṅi ewo Iehowa we le̱ ke̱ maṅtše̱ we le̱ he, ni eke̱-fe saṅkũi ke̱ be̱dši ehã lalatše̱mei le̱; nakai almugtšei le̱ ano̱ baa doṅṅ ni asaṅ anaa eko doṅṅ ke̱-baši ṅme̱ne̱.

¹³Ni maṅtše̱ Salomo hã Šeba maṅnye le̱ nii ní etaoo̱ ní ebi le̱ fē, dãni sõro nii ní maṅtše̱ Salomo hãle̱ ye̱ le̱dientše̱ esuomo̱ nā. Ke̱ke̱ ni ekũ ese̱ ni eyiṅ ete le̱dientše̱ ešikpoṅ le̱ no̱, le̱ ke̱ etšũdši le̱.

¹⁴Agbe̱ne̱ šika ní ake̱-bahã Salomo ye̱ afi kome mli le̱ nā ṅmēo̱ šika talentai ohai-ekpa ke̱ nyoṅmai-ekpa ke̱ ekpa,

¹⁵dãni sõro noni dše̱o̱ dšrayelo̱i le̱ ke̱ guo̱yelo̱i le̱ adšrayeli mli ke̱ Arabia maṅtše̱mei le̱ ke̱ šikpoṅ le̱ no̱ amraloi aṅõ le̱.

¹⁶Ni maṅtše̱ Salomo *ṅõ šika ni atſia efe tše̱ṅi wudši ohai-enyo̱; šekeli ohai-ekpa eṅõ-ha tše̱ṅ kome be; [100]

¹⁷ke̱ šika ni atſia tše̱ṅi bibii ohai-etẽ; šika benai etẽ eṅõ-ha tše̱ṅ kome he. Ni maṅtše̱ le̱ ṅõame̱ eto Lebanon kō le̱ šĩa le̱.

¹⁸Ni maṅtše̱ le̱ ke̱ ſuo̱wu fe maṅtše̱sẽi kpeteṅkple, ni eke̱ šika ṅmīṅmi ha he.

¹⁹Atrakpoi ekpa ye̱ sẽi le̱ hĩe, ni sẽi le̱ kpasamo̱he le̱ yiteṅ ye̱ kutruku; ni sẽi le̱ šitámo̱he le̱, ni dši ye̱ ebie̱ ke̱ ebie̱, ni dšatai enyo̱ damo̱ nidši le̱ amase̱i.

²⁰Ni dšatai nyoṅma ke̱ enyo̱ damo̱ atrakpoi ekpa le̱ no̱ ye̱ bie̱ ke̱ bie̱. Afeko nakai no̱ ye̱ maṅtše̱yeli ko maṅtše̱yeli ko mli dã.

²¹Ni maṅtše̱ Salomo kpudši fẽ ní eke̱-nuo̱ nii le̱, šika so̱ṅṅ ni, ni nibii fẽ ni yo̱ Lebanon kō le̱ šĩa le̱, šika ṅmīṅmi ni; dſie̱te̱i be̱ mli, abuu no fē̱ifē̱i ye̱ Salomo yino̱ le̱.

²²Edšake̱ maṅtše̱ le̱ ye̱ Taršiš le̱dši ye̱ ṅšo̱ le̱ mli ní fata Hiram le̱dši le̱ ahe; dā afii etẽ le̱ Taršiš le̱dši le̱ baä šikome, ni ame̱hĩe šika ke̱ dſie̱te̱i ke̱ ſuo̱wu ke̱ ofoi ke̱ me̱leōi.

²³Ni maṅtše̱ Salomo da kple fẽ šikpoṅ le̱ no̱ maṅtše̱mei fẽ ye̱ nifále̱ ke̱ nilẽ gbe̱fãṅ.

²⁴Ni dšeṅ fẽ mitao Salomo hĩe akwe̱, ni ame̱bo enilẽ ní Nyoṅmo̱ ke̱-wo etšuiṅ le̱ toi.

²⁵Ni ame̱teṅ mofẽmo ke̱ enikēnii ba: dſie̱te̱i nibii ke̱ šika nibii, ke̱ atadei ke̱ tawūnii ke̱ tšofãi-ke̱-ṅmai, ke̱ okpo̱ṅo̱i ke̱ tedšiokpo̱ṅo̱i, da afi.

²⁶Ni Salomo bua ſīlii ke̱ okpo̱ṅo̱i-atše̱mei anā; ni ená ſīlii akpe ke̱ ohai-edſe̱, ke̱ *okpo̱ṅo̱iatše̱mei akpei-nyoṅma-ke̱-enyo̱; ni eṅõame̱ eto ſīlii amãdši le̱ amli ke̱ maṅtše̱ le̱ ṅõ ye̱ Ierusalem, [101]

²⁷Ni maṅtše̱ le̱ hã dſie̱te̱i tšṍmo̱ tamo̱ te̱i ye̱ Ierusalem, ni tšenedrutšei hũ ehã ame̱tšṍmo̱ tamo̱ sikamoretšei ní yo̱ dšō̱ šikpoṅ le̱ no̱ le̱, ye̱ fále̱ nā.

²⁸Ni Salomo okpo̱ṅo̱i le̱, Mizraim ake̱-ame̱ dše̱; ni maṅtše̱ le̱ dšrayelo̱i le̱ yaheo̱ame̱ kui kui, ku-fẽ-ku ke̱ edšra;

²⁹ni ame̱ke̱ ſīlii dše̱o̱ Mizraim baä, ni ekome dšra dši dſie̱te̱i šekeli ohai-ekpa, ke̱ okpo̱ṅo̱ hũ oha ke̱ nyo̱ṅmai-enumo̱; ni ame̱nine no̱ noṅṅ tšṍo̱ ni Hitbii le̱ amaṅtše̱mei le̱ fẽ ke̱ Aram maṅtše̱mei le̱ náa ekomei.