Read luganda 1 Maṅtše̱me̱i 12 Bible Online

1 Maṅtše̱me̱i 12 - luganda bible

1 Maṅtše̱me̱i 12

¹Ni Rehabeam yiṅ ete Šekem; edšake̱ Israel fẽ eba Šekem ame̱bawole̱ maṅtše̱.

²Ni eba mli ake̱, beni Ierobeam, Nebat bi le̱, nu he le̱, (edšake̱ eye̱ Mizraim *heni edšo foi ye̱ maṅtše̱ Salomo hĩe kete le̱ lolo, ni Ierobeam ye̱ Mizraim, [116]

³ni ame̱tšũ ayakpẽle̱ ke̱-ba;) Ierobeam ke̱ Israel asafo mū le̱ fẽ ba, ni ame̱ke̱ Rehabeam bawie ake̱:

⁴Otše̱ hã wo̱kõṅtšo le̱ tšī tšṍ; nohewo̱ le̱ agbe̱ne̱ bo le̱, femo̱ otše̱ súomo̱ ní wa le̱ ke̱ ekōṅtšo ní tšī ní eṅõ-fõ wo̱no̱ le̱ fle̱fle̱, ní wo̱súmo̱o!

⁵Ni ekē̱ame̱ ake̱: Nyeyaä dã, ni bie̱ gbĩĩ etẽ koni nyeba miṅõ ekoṅ. Ni maṅ le̱ yiṅ ame̱te.

⁶Ke̱ke̱ ni maṅtše̱ Rehabeam *ke̱ hĩĩ onukpai ní damoo̱ etše̱ Salomo hĩo, beni eyo̱ dšeṅ lolo le̱, te adšina ni ekē̱: Mẽ ṅã nyewoo̱mi ni mike̱-yahã maṅ ne̱ he-tõ? [117]

⁷Ni ame̱kē̱le̱ ake̱: Ke̱dši ṅme̱ne̱ oofe ohe tšũlo̱ ohã ne̱ke̱ maṅ ne̱, ni oosúmo̱-ame̱, ni ooboame̱ toi ni oohãame̱ gbē dšũrõ le̱, no le̱ ame̱atšṍmo̱ otšũdši dāne̱.

⁸Ši ekwa onukpai le̱ aṅã ní ame̱-wole̱ le̱, ni eke̱ oblahĩĩ ní dši etipēṅfoi ni damoo̱ ehĩe le̱ te adšina,

⁹ni ekē̱ame̱ ake̱: Mẽ ṅã nye hũ nyewoo̱ ní wo̱ṅõ-ha maṅ ne̱ ni ke̱mi ebawie ake̱: Femo̱ kõṅtšo ní otše̱ ṅõ-fõ wo̱no̱ le̱ fle̱fle̱ ohãwo̱ le̱! hetō?

¹⁰Ni oblahĩĩ ni dši etipēṅfoi le̱ kē̱le̱ ake̱: Bo̱ni okē̱ maṅ ne̱ ni ke̱o bawie ake̱: Otše̱ hã wo̱kõṅtšo le̱ tšī, ši bo le̱, femo̱le̱ fle̱fle̱ ohãwo̱ le̱, — bo̱ni okē̱ame̱ ne̱: Miwao se̱kpelo̱ ti fè mitše̱ he̱!

¹¹Ni agbe̱ne̱ mitše̱ ke̱ kõṅtšo ni tšī tĕrenye, ši mi le̱ maṅmè nyekõṅtšo le̱ no̱; mitše̱ ke̱ kplebii yinye, ši mi le̱ mike̱ nyoṅmo̱ṅkrakroi aayinye!

¹²Ke̱ke̱ ni Ierobeam ke̱ maṅ mū le̱ fẽ ba Rehabeam ṅõ *gbĩ ní dši gbĩ etẽ le̱, take̱ bo̱ni maṅtše̱ le̱ etoame̱ ake̱: Nyebaä miṅõ ekoṅ gbĩ ní dši gbĩ etẽ le̱. [118]

¹³Ni maṅtše̱ le̱ hã maṅ le̱ hetō ni wa, ni ekwa onukpai le̱ aṅā ni ame̱-wole̱ le̱,

¹⁴ni eke̱ame̱ wie ye̱ oblahĩĩ le̱ aṅāwō le̱ nā ekē̱: Mitše̱ ha nyekõṅtšo le̱ tšī, ši mi le̱ maṅmẽ nyekõṅtšo le̱ no̱; mitše̱ ke̱ kplebii yinye, ši mi le̱ mike̱ nyoṅme̱ṅkrakroi aayinye!

¹⁵Ni maṅtše̱ le̱ boo maṅ le̱ toi; edšake̱ Iehowa deṅ sane le̱ dše̱, beni afe ni Iehowa ahã *ewiemo̱ ní etšṍ Ahia, Šilonyo le̱, nine no̱ eke̱ Ierobeam, Nebat bi le̱, wie le̱ aba mli. [119]

¹⁶Ni *beni Israel fẽ na ake̱ maṅtše̱ le̱ booame̱ toi le̱, maṅ le̱ hã maṅtše̱ le̱ hetō ame̱kē̱: †Mẽ gbe̱na wo̱yo̱ ye̱ David ṅõ? ni asaṅ wo̱be̱ gbe̱fãṅnõ ko ye̱ Išai bi le̱ ṅõ; nyeyaä nyebūi amli, Israel! Agbe̱ne̱ kwe̱ bodientše̱ owe, David! Ke̱-ke̱ ni Israel yiṅ ke̱-te ame̱būi amli. [120]

¹⁷Ši Israelbii le̱ ni yo Iuda mãdši le̱ amli le̱, Rehabeam ye ame̱no̱ mantše̱ kẽ.

¹⁸Ni maṅtše̱ Rehabeam tšũ Adoram ní kwe̱o̱ gbomei onĩa ni atšu le̱ no̱ le̱; ši Israel fẽ tſiale̱ te̱i ni egbo. Ke̱ke̱ ni maṅtše̱ Rehabeam he fe oyá ni eyabote eſīli mli ni edšo foi ke̱-ya Ierusalem.

¹⁹Ni Israel tše David we le̱ hĩe atŭa ke̱ ṅme̱ne̱.

²⁰Ni eba mli ake̱, beni Israel fẽ nu ake̱ Ierobeam ekũ ese̱ ke̱-ba ekoṅ le̱, ame̱tšũ ayakpēle̱ ke̱-ba asafo le̱ ṅõ, ni ame̱wole̱ maṅtše̱ ye̱ Israel fẽ no̱; mokomoko be̱ ni nyie David we le̱ se̱, ake̱ dša Iuda akutšo le̱ ke̱ke̱.

²¹Ni beni Rehabeam še̱ Ierusalem le̱, ebua Iuda we le̱ fẽ ke̱ Benyamin akutšo le̱ nā, hĩĩ ní ahala ní dši tawulo̱i so̱ṅṅ akpei-oha-ke̱-nyoṅmai-kpānyo̱, koni eke̱ Israel we le̱ ayawu, ní ame̱šõ maṅtše̱yeli le̱ ame̱hã Rehabeam, Salomo bi le̱, ekoṅ.

²²Ši Nyoṅmo̱ wiemo̱ ba Šemaia, Nyoṅmo̱ gbomo le̱, ṅõ ake̱:

²³Kē̱mo̱ Rehabeam, Salomo bi le̱ ní dši Iuda maṅtše̱ le̱, ke̱ Iuda ke̱ Benyamin we le̱ ſẽ ke̱ maṅ le̱ mli mei ní eſe̱ le̱ ake̱:

²⁴Bo̱ni Iehowa kē̱ ne̱: Nyekayaä, ni asaṅ nyeke̱ nyenyemimei, Israelbii le̱, akawua: nyeteṅ mofẽmo aku ese̱ ke̱-ya ewe; edšake̱ mideṅ ne̱ke̱ sane ne̱ dše̱! Ni ame̱bo Nyoṅmo̱ wiemo̱ le̱ toi, ni ame̱kũ ame̱se̱ ame̱te, ye̱ Iehowa wiemo̱ le̱ nā.

²⁵Ke̱ke̱ ni Ierobeam yato Šekem ye̱ Efraim gõdši le̱ ano̱, ni ehĩ mli; ni dše̱i edše̱ eyato *Penuel hũ. [121]

²⁶Ši Ierobeam kē̱ ye̱ etšui mli ake̱: Agbe̱ne̱ maṅtše̱yeli le̱ bakũ se̱ aya David we le̱ ekoṅ.

²⁷Ke̱dši ne̱ke̱ maṅ ne̱ te afo̱lešã ye̱ Iehowa we le̱ ye̱ Ierusalem le̱, no le̱ maṅ ne̱ tšui batšṍ ke̱-ya ame̱nuntšo̱ Rehabeam, Iuda maṅtše̱ le̱, ṅõ ekoṅ, ni ame̱agbemi, ni ame̱akũ ame̱se̱ ke̱-ate Rehabeam, Iuda maṅtše̱ le̱, ṅõ ekoṅ.

²⁸Ni maṅtše̱ le̱ te adšina, ni efe šika tšinabii enyo̱, ni ekē̱ame̱ ake̱: Nye-Ierusalemyā le̱ efá! Israel, *na onyoṅmo̱i ni yadšieo ke̱-dše̱ Mizraim šikpoṅ le̱ no̱ le̱! [122]

²⁹Ni eṅõ ekome emã Betel, ni eṅõ ekome hũ emã *Dan. [123]

³⁰Ni *ne̱ke̱ sane ne̱ tšṍ eša; ši maṅ le̱ nyie ekome le̱ hīe ke̱-te Dan tõ. [124]

³¹Ni emāmo̱ šĩai ye̱ hei groṅṅi le̱, ni eṅōo̱ mei ke̱-dše̱o̱ mã le̱ṅ hefẽhe ewoo̱-ame̱ oso̱foi, tše̱ ame̱dše̱e̱ Levibii le̱ ateṅ.

³²Ni Ierobeam to gbĩdšũrõ ye̱ nyõṅ ni dši kpānyo̱ le̱ no̱ gbĩ ni dši gbĩ nyoṅma ke̱ enumo̱ le̱ no̱, tamo̱ gbĩdšũrõ ni ayeo̱ ye̱ Iuda le̱, ni ešã afo̱le ye̱ afo̱lešãlate̱ le̱ no̱. Nakai efe ye̱ Betel, ni ešã afo̱le ehā tšinabii ní efe le̱; ni eṅõ hei gro̱ṅṅi le̱ aso̱foi ni ewowoi le̱ eto Betel.

³³Ke̱ke̱ ni ešã afo̱le ye̱ afo̱lešãlate̱ ní efe ye̱ Betel le̱ no̱ ye̱ nyõṅ ni dši kpānyo̱ le̱ no̱ gbĩ ni dši gbĩ nyoṅma ke̱ enumo̱ le̱ no̱, noni dši nyõṅ ní le̱dientše̱ eto eyiṅ ehala, koni Israelbii le̱ aye gbĩdšũrõ ye̱ no̱ le̱, ni ešã afo̱le ke̱ tšofã-ke̱-nma ye̱ afo̱lešãlate̱ le̱ no̱.