Read luganda 1 Maṅtše̱me̱i 13 Bible Online

1 Maṅtše̱me̱i 13 - luganda bible

1 Maṅtše̱me̱i 13

¹Ši na, Nyoṅmo̱ gbomo ko dše̱ Iuda ba Betel ye̱ Iehowa wiemo̱ le̱ nä; ni Ierobeam damo̱ afo̱lešãlate̱ le̱ mase̱i ní ebašã tšofã-ke̱-ṅma.

²Ni eblo̱ ewo afo̱lešãlate̱ le̱ ye̱ Iehowa wiemo̱ le̱ nā ni ekē̱: Afo̱lešãlate̱, afo̱lešãlate̱! bo̱ni Iehowa kē̱ ne̱: Na, abafo̱ binŭ ko ye̱ David we le̱, ni aatšē̱ egbe̱i Iosia, ni *eeṅõ hei groṅṅi le̱ aso̱foi ni šã tšofã-ke̱-ṅma ye̱ ono̱ le̱ ešã afo̱le ye̱ ono̱, ni gbomei awui tete ame̱-ašã ye̱ ono̱! [125]

³Ni eto okadi ye̱ nakai gbĩ le̱ no̱ noṅṅ, ekē̱: Ene̱ dši okadi ni Iehowa ewie: Na, afo̱lešãlate̱ le̱ mli bagbá, ni eno̱ lamlu le̱ aaſie ši!

⁴Ši eba mli ake̱, beni maṅtše̱ le̱ nu Nyoṅmo̱ gbomo le̱ ní bablo̱ ewo afo̱lešãlate̱ le̱ ye̱ Betel le̱ wiemo̱ le̱, Ierobeam kpã enine mli ke̱-dše̱ afo̱lešãlate̱ le̱ he ekē̱: Nyemōale̱! Ši enine ni ekpã mli ye̱ eno̱ le̱ šõ kekrē, ni enyẽẽ esu doṅṅ.

⁵Ni afo̱lešãlate̱ le̱ mli gba, ni lamlu le̱ dše̱ afo̱lešãlate̱ le̱ no̱ ſie ši, tamo̱ bo̱ni Nyoṅmo̱ gbomo le̱ eto okadi ye̱ Iehowa wiemo̱ le̱ nā le̱.

⁶Ke̱ke̱ ni maṅtše̱ le̱ here no̱ ni ekē̱ Nyoṅmo̱ gbomo le̱ ake̱: *Kpa Iehowa, o-Nyoṅmo̱ le̱, fai ni oso̱le ohãmi, koni atša minine le̱ ahãmi ekoṅ! Ni Nyoṅmo̱ gbomo le̱ kpa Iehowa fai, ni atša maṅtše̱ le̱ nine le̱ ahãle̱ ekoṅ, ni etšṍ tamo̱ bo̱ni eyo̱ sá le̱. [126]

⁷Ke̱ke̱ ni maṅtše̱ le̱ ke̱ Nyoṅmo̱ gbomo le̱ wie ake̱: Ba ní wo̱te šĩa ní oyawo otšui, ni makeo noko!

⁸Ši Nyoṅmo̱ gbomo le̱ kē̱ maṅtše̱ le̱ ake̱: *Ke̱dši oke̱ owe le̱ fã aahãmi tete le̱, mike̱o eyaṅ, ni misã miyeṅ nii ni minuṅ nu hũ ye̱ bie̱ ne̱; [127]

⁹edšake̱ nakai awomi kitã ye̱ Iehowa wiemo̱ le̱ nā ake̱: Kāye nii ni kā-nu nu, ni asaṅ gbe̱ ní otšṍ no̱ ke̱-te le̱ kātšṍ no̱ doṅṅ!

¹⁰Ke̱ke̱ ni etšṍ gbe̱ kroko no̱ ke̱-te, ni ekũũ ese̱ eyatšṍṍ gbe̱ ni etšṍ no̱ ke̱-ba Betel le̱ no̱ doṅṅ.

¹¹Agbe̱ne̱ le̱ gbalo̱ nümo ko ye̱ Betel; ni ebii le̱ bagbale̱ nii tẽ ní Nyoṅmo̱ gbomo le̱ etšu nakai gbĩ le̱ ye̱ Betel le̱; wiemo̱i ni eke̱ maṅtše̱ le̱ wie le̱ hũ ame̱-bagba ame̱tše̱ le̱.

¹²Ni ame̱tše̱ le̱ biame̱ ake̱: Mẽ gbe̱ no̱ etšṍ? Ni ebii le̱ tšõle̱ no gbe̱ no̱ ní Nyoṅmo̱ gbomo le̱ ni dše̱ Iuda ba le̱ tšṍ.

¹³Ni ekē̱ ebii le̱ ake̱: Nyewoa tedši no̱ nii nyehãami! Ni ame̱wo tedši no̱ nii ame̱bãle̱, ni eho etá no̱.

¹⁴Ni etiu Nyoṅmo̱ gbomo le̱, ni eyaninale̱ ní etá tšo kple ko šiši. Ni ekē̱le̱ ake̱: Ani bo dši Nyoṅmo̱ gbomo le̱ ní dše̱ Iuda ba le̱? Ni ekē̱: Miṅ.

¹⁵Ni ekē̱le̱ ake̱: Ba ni wo̱te šĩa, ni oyaye nii!

¹⁶Ni ekē̱: Minyẽṅ mise̱ makũ ní mike̱o aya, ni asaṅ mike̱o yeṅ nii ni mike̱o enuṅ nu ye̱ bie̱ ne̱;

¹⁷edšake̱ akē̱mi ye̱ Iehowa wiemo̱ le̱ nā ake̱: *Kāye nii ni kānu nu hũ ye̱ dše̱i, ni asaṅ kātšṍ gbe̱ ní otšṍ no̱ ke̱-te le̱ no̱ ke̱-mība doṅṅ! [128]

¹⁸Ši ekē̱le̱ ake̱: Mi hũ gbalo̱ dšimi tamo̱ bo noṅṅ, ni bo̱fo ko ke̱mi wie ye̱ Iehowa wiemo̱ le̱ nā ake̱: Yakpalele̱ ni oke̱le̱ aba šĩa, koni ebaye nii ni enu nu. Ši maleme̱ omaleo̱.

¹⁹Ke̱ke̱ ni eke̱le̱ kũ se̱ ke̱-te, ni eyaye nii ye̱ ewe le̱ ni enu nu.

²⁰Ni eba mli ake̱, beni ame̱trá okplõ le̱ he le̱, Iehowa wiemo̱ ba gbalo̱ le̱ ní yakpalele̱ ke̱-ba le̱ ṅõ;

²¹ni ebo ewo Nyoṅmo̱ gbomo le̱ ni dše̱ Iuda ba le̱ ake̱: Ne̱ke̱ Iehowa kē̱: Gbĩĩabo̱ kẽ ní otše Iehowa wiemo̱ le̱ hĩe atũa, ni oyee kitã ní Iehowa, o-Nyoṅmo̱ le̱, woö le̱ no̱,

²²ni okũ ose̱ oba, ni obaye nii ni onu nu ye̱ he ní akē̱o ye̱ he ake̱: Kā-ye nii ni kānu nu hũ ye̱ dše̱i le̱ ne̱: ogbonyo eyaṅ otše̱mei le̱ afũhe le̱!

²³Ni eba mli ake̱, beni eye nii le̱ ni esā enu nu se̱ le̱, ewo tedši le̱ no̱ nii ehã gbalo̱ le̱ ní eyakpale ke̱-ba le̱.

²⁴Ni beni eyin ni eyaã le̱, *dšata ke̱le̱ bakpe ye̱ gbe̱ le̱ ne̱, ni egbele̱. Ni egbonyo le̱ kã gbe̱ le̱ ne̱, ni tedši le̱ dame̱ emase̱i, ni dšata le̱ hũ damo̱ gbonyo le̱ mase̱i. [129]

²⁵Ni na, meikomei baho, ni ame̱na gbonyo le̱ ní ekã gbe̱ le̱ no̱, ni dšata le̱ damo̱ gbonyo le̱ mase̱i, ni ame̱ba ame̱-bagba ye̱ mã le̱ṅ, heni gbalo̱ nūmo le̱ ye̱ le̱.

²⁶Ni beni gbalo̱ moni yakpalele̱ ke̱-dše̱ gbe̱ le̱ no̱ le̱ nu le̱, ekē̱: Nyoṅmo̱ gbomo le̱ ní tše Iehowa wiemo̱ le̱ hĩe atũa le̱ ni; nohewo̱ ni Iehowa edšiele̱ ehã dšata le̱, ni etšere̱ emli, ni egbele̱ ye̱ Iehowa wiemo̱ le̱ ní eke̱le̱ wie le̱ nā ne̱.

²⁷Ni ekē̱ ebii le̱ ake̱: Nyewoa tedši le̱ no̱ nii nyehãami! Ni ame̱wo eno̱ nii.

²⁸Ni eyiṅ ete ni eyana egbonyo le̱ ní ekã gbe̱ le̱ no̱, ni tedši le̱ ke̱ dšata le̱ damo̱ gbonyo le̱ mase̱i; dšata le̱ yeko gbonyo le̱, ni esā etšere̱ko tedši le̱.

²⁹Ni gbalo̱ le̱ wó Nyoṅmo̱ gbomo le̱ gbonyo le̱, ni eṅõ-ṅmẽ tedši le̱ no̱ ni eke̱-kũ se̱ ke̱-ba; ni gbalo̱ nūmo le̱ ke̱-ba mã le̱ṅ, ni ebafóle̱ ni efũle̱.

³⁰Ni eto gbonyo le̱ ye̱ le̱dientše̱ ebu mli, ni ame̱fóle̱ ake̱: *Kpóo, minyemi! [130]

³¹Ni eba mli ake̱, beni afũle̱ se̱ le̱, ekē̱ ebii le̱ ake̱: Ké̱ migbo le̱, nyefũami ye̱ bu ní afũ Nyoṅmo̱ gbomo le̱ ye̱ mli le̱ mli; ewui le̱ amase̱i nyetoa miwui le̱ ye̱.

³²Edšake̱ wiemo̱i le̱ ni enyie Iehowa wiemo̱ le̱ no̱ ebablo̱ ewo afo̱lešãlate̱ ní yo̱ Betel le̱ ke̱ šĩai fẽ ní yo̱ hei groṅṅi le̱ ye̱ Samaria mãdši le̱ ano̱ le̱, befẽbe ní fe le̱ ebaha mli!

³³Ne̱ke̱ sane ne̱ se̱ le̱ Ierobeam kpalee ke̱-dšee egbe̱ fõṅ le̱ no̱, ši moṅ eṅõo̱ *mei ke̱-dše̱o̱ mã le̱ṅ hefẽhe ni ewoo̱ame̱ hei groṅṅi le̱ aso̱ſoi; mofẽmo ni sumoo̱ ke̱ke̱ le̱ †ewole̱ oso̱fo, bẽle̱ etšṍ hei groṅṅi le̱ aso̱foi le̱ eko. [131]

³⁴Ni ne̱ke̱ sane ne̱ *tšṍ eša ehã Ierobeam we le̱, ní aplenēle̱ ni akpãtã ehĩe ke̱-dše̱ šikpoṅ le̱ no̱. [132]