Read luganda 1 Maṅtše̱me̱i 16 Bible Online

1 Maṅtše̱me̱i 16 - luganda bible

1 Maṅtše̱me̱i 16

¹Ni Iehowa wieme̱ ba Iehu, Hanani bi le̱, ṅõ ye̱ Baeša hewo̱ ake̱: [165]

²Ake̱ nõ kẽ ni *miwó ono̱ ke-dše̱ mlu mli, ni miwoö lumo ye̱ mimaṅ Israel no̱, ši kẽle̱ onyie Ierobeam gbe̱ le̱ no̱, ni ohã mimaṅ Israel fe eša, ni ame̱ke̱ ame̱he ešai le̱ wo mimli la hewo̱ le̱: [166]

³na, mibabē̱ Baeša ke̱ ewe le̱ maſie, ni mibafe owe le̱, tamo̱ bo̱ni mife *Ierobeam, Nebat bi le̱, we le̱. [167]

⁴Kē̱ Baeša moko gbo ye̱ maṅ le̱, gbẽi aayele̱, ni kē̱ emoko gbo ye̱ ṅãno̱ le̱, ṅwei lofõdši aayele̱. [168]

⁵Agbe̱ne̱ Baeša he sãdši ni eſe̱ ke̱ noni efe ke̱ ekã ní efe le̱, ani aṅmãko ye̱ Israel maṅtše̱mei le̱ ayino̱sãdši awolo le̱ mli?

⁶Ke̱ke̱ ni Baeša ke̱ etše̱mei le̱ yawo̱, ni afũle̱ ye̱ Tirza. Ni ebi Ela baye maṅtše̱ ye̱ ese̱.

⁷Asaṅ Iehowa wiemo̱ le̱ tšṍ gbalo̱ *Iehu, Hanani bi le̱, nine no̱ eba Baeša ke̱ ewe le̱ ṅõ ye̱ efõṅ fẽ ni efe ye̱ Ie-howa hĩe ni eke̱-wo emli la ye̱ enine nā nitšumo̱i le̱ amli ni etšṍ tamo̱ Ierobeam we le̱ pe̱ le̱ hewo̱, ke̱ gbē ní egbe-le̱ le̱ hũ hewo̱. [169]

⁸Asa, Iuda maṅtše̱ le̱, yino̱ afi ní dši nyoṅmai-enyo̱ ke̱ ekpa le̱ no̱ le̱ Ela, Baeša bi le̱, baye Israel no̱ maṅtše̱ ye̱ Tirza afii enyo̱. [170]

⁹Ši etšũlo̱ Zimri, ní dši eſīlii le̱ amlidšā fā kome no̱ asafoiatše̱ le̱, *kpãṅ eyi no̱, beni eyo̱ Tirza ni enno̱ dā eto̱ö̱ kpo̱tō̱ ye̱ Arza, moni kwe̱o̱ ešĩa ni yo̱ Tirza le̱ no̱ le̱, we le̱. [171]

¹⁰Ke̱ke̱ ni *Zimri yabote šĩa le̱ ni etſĩale̱ nii ni egbele̱ ye̱ Iuda maṅtše̱ Asa yino̱ afi ni dši nyoṅmai-enyo̱ ke̱ kpawo le̱ no̱, ni †eye maṅtše̱ ye̱ ese̱. [172]

¹¹Ni eba mli ake̱, beni ebõi maṅtše̱ le̱ yeli lé̱, amrõ pe̱ ni eho etá esẽi le̱ no̱ le̱, egbe Baeša we le̱ fẽ, eſe̱e̱ nū ko nū ko ehããle̱, lo ewekumei ke̱ enanemei ateṅ moko tete.

¹²Ne̱ke̱ Zimri kpãtã Baeša we le̱ fẽ hĩe, tamo̱ bo̱ni Iehowa tšṍ gbalo̱ Iehu nine no̱ ewie eši Baeša le̱, [173]

¹³ye̱ Baeša he ešai fẽ ke̱ ebi Ela he ešai ni ame̱fe ní ame̱ke̱-hã Israel hũ fe eša ní ame̱ke̱ ame̱yakayakanii le̱ wo Iehowa, Israel Nyoṅme̱ le̱, mli la le̱ hewo̱.

¹⁴Agbe̱ne̱ Ela he sãdši ní eſe̱ ke̱ nii fẽ ni efe le̱, ani aṅmãko ye̱ Israel maṅtše̱mei le̱ ayino̱sãdši awolo le̱ mli?

¹⁵Asa, Iuda maṅtše̱ le̱, yino̱ afi ní dši nyoṅmai-enyo̱ ke̱ kpawo le̱ no̱ Zimri baye maṅtše̱ gbĩĩ kpawo ye̱ Tirza. No mli le̱ maṅ le̱ eyabo̱ nsra ewo *Gibeton ni dši Filistibii anõ le̱ he. *15,27.

¹⁶Ni beni maṅ le̱ ní eyabo̱ nsra le̱ nu ake̱ Zimri ete maṅtše̱ le̱ yi no̱ apãm ni egbele̱ le̱, Israel mū le̱ fẽ wo Omri, ní dši ta le̱ tše̱ le̱, maṅtše̱ ye̱ Israel ne̱ nakai gbĩ le̱ noṅṅ ye̱ nsra le̱ṅ. [174]

¹⁷Ni Omri fã ke̱-dše̱ Gibeton ke̱-ba, ni Israel fẽ fata ehe, ni ame̱babo̱ nsra ame̱wo Tirza he.

¹⁸Ni eba mli ake̱, beni Zimri na ake̱ ahe maṅ le̱, eyabote maṅtše̱ we le̱ mō̃ le̱ṅ ni ewo maṅtše̱ we le̱ la ni ešã eſie eno̱, ni egbo,

¹⁹ye̱ ehe ešai ní efe ke̱ efõṅ ní efe ye̱ Iehowa hĩe ke̱ nyiemo̱ ní enyie Ierobeam gbe̱ le̱ no̱ ke̱ eša ní eſe ní eke̱-hã Israel hũ fe eša le̱ hewo̱.

²⁰Ši Zimri he sãdši ní eſe̱ ke̱ apãm ní ete le̱, ani aṅmãko ye̱ Israel maṅtše̱mei le̱ ayino̱sãdši awolo le̱ mli?

²¹Ke̱ke̱ ni Israel maṅ le̱ mli gbá enyo̱: maṅ le̱ fã nyie Tibni, Ginat bi le̱, se̱ ní ame̱wole̱ maṅtše̱, ni fã hũ nyie Omri se̱.

²²Ši mei ní nyie Omri se̱ le̱ ye mei ni nyie Tibni, Ginat bi le̱, se̱ le̱ ne̱. Ni beni Tibni gbo le̱, Omri ye maṅtše̱ le̱.

²³Asa, Iuda maṅtše̱ le̱, yino̱ afi ní dši nyoṅmai-etẽ ke̱ ekome le̱ no̱ Omri baye Israel no̱ maṅtše̱ afii nyoṅma ke̱ enyo̱; eye maṅtše̱ le̱ afii ekpa ye̱ Tirza.

²⁴Ni eyahe Šomron goṅ le̱ ye̱ Šemer deṅ ehã dſie̱te̱i talentai enyo̱, ni eto maṅ ye̱ goṅ le̱ no̱, ni eṅõ goṅ le̱ tše̱ le̱ gbe̱i Šemer le̱ ewo maṅ ni eto le̱ ake̱ Šomron [Samaria].

²⁵Ni Omri fe efõṅ ye̱ Iehowa hĩe, ni *efe efõṅ fè mei fẽ ní nyie ehĩe le̱. [175]

²⁶Edšake̱ enyie Ierobeam, Nebat bi le̱, gbe̱ le̱ fẽ no̱ ke̱ ehe ešai ni eke̱-hã Israel hũ fe eša ni ame̱ke̱ ame̱yakayakanii le̱ wo Iehowa, Israel Nyoṅmo̱ le̱, mli la le̱ mli. [176]

²⁷Agbe̱ne̱ Omri he sãdši ní eſe̱ ke̱ nii ní eſe ke̱ ekã ní eſe le̱, ani aṅmãko ye̱ Israel maṅtše̱mei le̱ ayino̱sãdši awolo le̱ mli?

²⁸Ni Omri ke̱ etše̱mei le̱ yawo̱, ni afũle̱ ye̱ Samaria. Ni ebi Ahab baye maṅtše̱ ye̱ ese̱.

²⁹Ni Omri bi Ahab baye Israel ne̱ maṅtše̱ ye̱ Iuda maṅtše̱ Asa yino̱ afi ni dši nyoṅmai-etẽ ke̱ kpãnyo̱ le̱ no̱; ni Ahab, Omri bi le̱, ye Israel no̱ maṅtše̱ ye̱ Samaria afii nyoṅmai-enyo̱ ke̱ enyo̱.

³⁰Ni Ahab, Omri bi le̱, fe noni dši efõṅ ye̱ Iehowa hĩe fè mei fẽ ni nyie ehĩe le̱.

³¹Ni eba mli ake̱-ni Ierobeam, Nebat bi le̱, *he ešai le̱ ase̱ nyiemo̱ dšee fē̱ifē̱i ye̱ ehĩe hewo̱ le̱, eyaw̌e̱ Izebel, Zidonbii amaṅtše̱ Etbaal biyō le̱, ni ete eyasúmo̱ Baal ni edšále̱. [177]

³²Ni emã afo̱lešãlate̱ ehã Baal ye̱ Baal šĩa le̱ ni emã ye̱ Samaria le̱. [178]

³³Ni Ahab fe akrabatša; ni Ahab te no̱ fe efõṅ ni eke̱-wo Iehowa, Israel Nyoṅmo̱ le̱, mli la fē Israel maṅtše̱mei le̱ fẽ ni nyie ehĩe le̱.

³⁴Eyino̱ ni Hiel, Betelnyo le̱, yasã Ieriko; eke̱ ekromo̱bi Abiram to šiši, ni eke̱ ebi se̱kpelo̱ Segub etăra enā agbói, tamo̱ bo̱ni Iehowa *tšṍ Iošua, Nun bi le̱, nine no̱ wie le̱. [179]