Read luganda 1 Maṅtše̱me̱i 18 Bible Online

1 Maṅtše̱me̱i 18 - luganda bible

1 Maṅtše̱me̱i 18

¹Ni eba mli ake̱ gbĩĩ pī ase̱ le̱ Iehowa wiemo̱ ba Elia ṅõ ye̱ afi ni dši etẽ le̱ no̱ ake̱: Ya ni oke̱ ohe ayatšõ Ahab, ni mahã nyoṅmo̱ abane̱ ye̱ šikpoṅ le̱ no̱!

²Ni Elia yiṅ ete ni eke̱ ehe ayatšõ Ahab. Ni hõmo̱ le̱ nā wa ye̱ Samaria.

³Ni Ahab tšé̱ Obadia, moni kwe̱o̱ ewe le̱ no̱ le̱. (Ši Obadia *šeo̱ Iehowa gbeyei naakpa; [187]

⁴edšake̱ ebaba mli ake̱, beni Izebel kpãtãa Iehowa gbale̱i le̱ ahĩe le̱, Obadia ṅõ gbaloi oha, ni eṅōame̱ etē te̱kploi amli mei nyoṅmai-enumo̱-enumo̱, ni eke̱ abolo ke̱ nu lē̱ame̱.)

⁵Ni Ahab kē̱ Obadia ake̱: Yakpa šikpoṅ le̱ no̱ ye̱ nubui fẽ ke̱ dšō̱i fẽ ahe, ekole̱ aleenō wo̱o̱ná dſe̱i ní wo̱ke̱ahere okpo̱ṅo̱i le̱ ke̱ tedšiokpo̱ṅo̱i le̱ ayi wala, koni šĩa koloi le̱ fẽ akaṅmē̃wo̱.

⁶Ke̱ke̱ ni ame̱dša šikpoṅ le̱ ame̱hã ame̱he, koni ame̱kpa no̱ ke̱-ho; Ahab kome tšṍ afã, ni Obadia hũ kome tšṍ afã.

⁷Ni beni Obadia nyie gbe̱ le̱ no̱ le̱, na, Elia ke̱le̱ bakpe; ni beni eyole̱ le̱, eke̱ ehĩe bu ši ni ekē̱: Ani bo, minuntšo̱ Elia, ne̱?

⁸Ni ekē̱le̱ ake̱: Miṅ! Yakē̱ onuntšo̱ ake̱: Na, Elia ye̱ bie̱!

⁹Ši ekē̱: Mẽ eša mife, hewo̱ ni odšĩeo̱ otšũlo̱ owo Ahab deṅ ni egbemi ne̱?

¹⁰*Gbĩĩabo̱ ni Iehowa, o-Nyoṅmo̱ le̱, hĩe kã ne̱, dšeṅ maṅ ko maṅ ko be̱ le̱, maṅtše̱yeli ko maṅtše̱yeli ko hũ be̱ ní minuntšo̱ tšũko ni ayatao bo ye̱ mli; ni kē̱ ame̱kē̱ ake̱: Ebe̱ bie̱! le̱, ehãa nakai maṅtše̱yeli le̱ lo nakai maṅ le̱ kãmoo̱ kitãi ake̱ ame̱nakoö. [188]

¹¹Ni agbe̱ne̱ le̱, bo noṅṅ okē̱o̱ ake̱: Yakē̱ onuntšo̱ ake̱: Na, Elia ye̱ bie̱!

¹²Ni aaba mli ake̱ amrõ pe̱ ni mašĩo mate le̱, Iehowa Mumo̱ le̱ aabawóo ke̱-ate heni milee, ni ké̱ mite miyakē̱ Ahab, ni ebanaao le̱, ebagbemi; ši otšũlo̱ *šeo̱ Iehowa gbeyei ke̱-dše̱ migbekẽbiiaši. [189]

¹³Ani agbako minuntšo̱ noni mife, beni Izebel gbe Iehowa gbalo̱i le̱, bo̱ni miṅõ Iehowa gbalo̱i le̱ oha mitē te̱kploi amli nyoṅmai-enumo̱-enumo̱, ní mike̱ abolo ke̱ nu lē̱ame̱ le̱?

¹⁴Ni agbe̱ne̱ okē̱o̱ ake̱: Yakē̱ onuntšo̱ ake̱: Na, Elia ye̱ bie̱, koni ebagbemi, be̱?

¹⁵Ni Elia kē̱: *Gbĩĩabo̱ ni Iehowa Zebaot, mo hĩe ni midamoo̱ le̱, hĩe kã ne̱, befẽbe ní fe le̱ mike̱ mihe batšõle̱ ṅme̱ne̱! [190]

¹⁶Ke̱ke̱ ni Obadia yiṅ ete ni eke̱ Ahab yakpe, ni egbale̱. Ni Ahab te ni eke̱ Elia yakpe.

¹⁷Ni eba mli ake̱, beni Ahab bana Elia le̱, Ahab kē̱le̱ ake̱: *Bo Israel haolo̱ le̱, bo ne̱? [191]

¹⁸Ni ehere no̱ ake̱: Mihaoko Israel, ši moṅ bo ke̱ otše̱ we le̱ ni, ake̱ noni nyekwa Iehowa kitãi le̱, ni *oyanyie Baalim se̱ le̱! [192]

¹⁹Nohewo̱ le̱ agbe̱ne̱ tšũ ni ayabua Israel fẽ nā abahãmi ye̱ Karmel goṅ le̱ no̱, ke̱ Baal gbalo̱i ohai-edſe̱ ke̱ nyoṅmai-enumo̱ le̱, ke̱ *Ašera gbalo̱i ohai-edſe̱ le, mei ni yeo̱ nii ye Izebel okplõ he le. [193]

²⁰Ni Ahab tšũ ate Israelbii le̱ fẽ ṅõ, ni ayabua gbalo̱i le̱ nã ke̱-bakpe ye̱ Karmel goṅ le̱ no̱.

²¹Ke̱ke̱ ni Elia tši be̱ṅke̱ maṅ mū le̱ fẽ, ni ekē̱: Mẽ beyino̱ noṅṅ nyedīdãa ye̱ sãdši enyo̱ teṅ ke̱-yaši? Ke̱dši Iehowa dši Nyoṅmo̱ le̱, nyenyiea ese̱; ši ke̱dši Baal ni le̱, no le̱ nyenyiea ese̱! Ši maṅ le̱ hããle̱ he-tõ komeflo. [194]

²²Ke̱ke̱ ni Elia kē̱ maṅ le̱ ake̱: Mi mikometō dši Iehowa gbalo̱ ni eſe̱, ši Baal gbalo̱i le̱ ayibo̱ dši hĩĩ ohai-edſe̱ ke̱ nyoṅmai-enumo̱.

²³Nohewo̱ le̱ abahãwo̱ tšinahĩĩ enyo̱, ni hã ní ame̱mõ tšinanū le̱ ekome ame̱hã ame̱he, ni ame̱flo̱le̱ kukudši, ni ame̱ṅõ-ſie laii ano̱, ni ame̱kawo šiši la; ni mi hũ masã tšinanū kome le̱, ni mike̱-ṅmẽ laii ano̱, ni mi hũ miwoṅ šiši la;

²⁴ni nyetšé̱a nyenyoṅmo̱ le̱ gbe̱i, ni mi hũ matšé̱ Iehowa gbe̱i: ni aba mli ake̱ Nyoṅmo̱ moni ke̱ la aahere no̱ le̱, le̱ dši Nyoṅmo̱! Ni maṅ le̱ fẽ here no̱ ame̱kē̱: Edša nakai!

²⁵Ke̱ke̱ ni Elia kē̱ Baal gbalo̱i le̱ ake̱: Nyamõa tšinanū le̱ kome nyehãa nyehe, ni nye tšutšu nyesāa; edšake̱ nye le̱ nyeyi fá; koni nyetšé̱ nyenyoṅmo̱ le̱ gbe̱i, ši nyekawoa šiši la.

²⁶Ke̱ke̱ ni ame̱mō tšinanū ni ahã ame̱bala le̱, ni ame̱sā, ni ame̱tšē̱ Baal gbe̱i ke̱-dše̱ lebilebi āhũ ke̱-yaši ſane ame̱kē̱: Baal, heremo̱wo̱ no̱! Ši gbẽ ko be̱ ni no̱herelo̱ ko hũ be̱. Ni ame̱tumo̱ ke̱-bo̱le afo̱lešãlate̱ ní ame̱ſe le̱.

²⁷Ni eba mli ake̱ ſane mli le̱, Elia ye ame̱he fe̱o ni ekē̱: Nyeblo̱a ni awaä, edšake̱ nyoṅmo̱ dšile̱! ekole̱ bene̱ ēsusu eyiṅ, alo edše kpo, alo edom, alo ekole̱ bene̱ ēwo̱, koni ehĩe atšẽ!

²⁸Ni ame̱hlo̱ ke̱ gbẽ wā, ni ame̱flo̱flo̱ ame̱he kaklai ke̱ akplo̱i, tamo̱ bo̱ni dši ame̱gbe̱nā le̱, ke̱-yaši lá bõi hō ye̱ ame̱he.

²⁹Ni eba mli ake̱, beni efo mli ye̱ ſane mli le̱, *ame̱gbagbai ke̱-yaši †niyenii-afo̱lešã be; ši gbẽ ko be̱, ní no̱herelo̱ ko be̱, ni toibô hũ be̱. [195]

³⁰Ke̱ke̱ ní Elia kē̱ maṅ mū le̱ fẽ ake̱: Nyetšia nyebe̱ṅke̱ami! Ni maṅ le̱ fẽ tši be̱ṅke̱le̱. Ni esā Iehowa afo̱lešãlate̱ ni ekũmo̱ le̱.

³¹Ni Elia kō̱lo̱ *te̱i nyoṅma ke̱ enyo̱ ye̱ Iakob, moni Iehowa wiemo̱ le̱ ba eṅõ ake̱: †“Israel aatsē̱o” le̱, bii le̱ akutšei le̱ ayikule̱ le̱ nā; [196]

³²ni eke̱ te̱i le̱ mã afo̱lešãlate̱ ye̱ Iehowa gbe̱i le̱ mli, ni etša bu ewo afo̱lešãlate̱ le̱ he, ni eda bo̱ni eenyẽ able seai enyo̱ eye.

³³Ni eto lai le̱ gbe̱dšiano̱, ni eflo̱ tšinanū le̱ mli kukudši ni eṅö-ſie laii le̱ ano̱,

³⁴ni ekē̱: Nyeyea nu gbé̱i obõbõi edſe̱ nyebaſiea šã-afo̱le le̱ ke̱ lai le̱ no̱! Ni ekē̱: Nyehãa atĩaä ši enyo̱! Ni ame̱hã etĩa ši enyo̱. Ni esä ekē̱: Nyehãa atĩaä ši etẽ! Ni ame̱hã etīa ši etẽ.

³⁵Ke̱ke̱ ni nu le̱ nyie afo̱lešãlate̱ le̱ he ke̱-bo̱lele̱ ke̱-kpe, ni ewo bu le̱ hũ mli nu obõ.

³⁶Ni eba mli ake̱ niyenii-afo̱lešã be le̱ mli le̱, Elia, gbalo̱ le̱, tši eba ni ekē̱: Iehowa, Abraham ke̱ Isak ke̱ Israel Nyoṅmo̱! ṅme̱ne̱ hã ní aná ale ake̱ bo dši Nyoṅmo̱ ní yo̱ Israel, ni ake̱ midši otšũlo̱, ni owiemo̱ le̱ nã mifeo̱ nii ne̱ fẽ ye̱!

³⁷Heremo̱mi no̱, Iehowa, heremo̱mi no̱, koni ne̱ke̱ maṅ ne̱ aná ale ake̱ bo Iehowa dši Nyoṅmo̱, ni ake̱ bo noṅṅ ohã ame̱tšui ekpale ke̱-ba ekoṅ!

³⁸Ke̱ke̱ ni Iehowa *la le̱ bayi ši, ni ebašã šã-afo̱le le̱ ke̱ lai le̱ ke̱ te̱i le̱ ke̱ sũ le̱, ni nu le̱ ni yo̱ bu le̱ mli le̱ tete ele̱mo̱. [197]

³⁹Ni maṅ mū le̱ fẽ na, ni ame̱ke̱ ame̱-hĩeiaṅ bnmo̱ ši, ni ame̱kē̱: Iehowa le̱, le̱ dši Nyoṅmo̱! Iehowa le̱, le̱ dši Nyoṅmo̱!

⁴⁰Ni Elia kē̱ame̱ ake̱: *Nyemõmo̱a Baal gbaloi le̱; nyekahãa ame̱teṅ mokomeflo mīdšoa foi! Ni ame̱mõmo̱ame̱; ni Elia ṅõame̱ ke̱kpleke ši ke̱-te Kišon fā le̱ nā, ni eyagbeame̱ ye̱ dše̱i. [198]

⁴¹Ni Elia kē̱ Ahab ake̱; Ya ni oyaye nii ni onu noko; edšake̱ nyoṅmo̱ne̱-mo̱ babaō mīgbē̱ ke̱-mība!

⁴²Ke̱ke̱ ni Ahab yiṅ ete ni eyaye nii ni enu noko; ši Elia kwo̱ ke̱-te Karmel yiteṅ, ni eyakoto ši ye̱ šikpoṅ, ni eṅõ ehĩe eho̱ enakutšei ateṅ; [199]

⁴³ni ekē̱ etšũlo̱ le̱ ake̱: Agbe̱ne̱ kwo̱ ke̱-ya ni oyakwo̱ ṅšo̱ṅgbe̱! Ni ekwo̱ kete eyakwe̱, ni ekē̱: Nokonoko be̱! Ni ekē̱: Ya šii kpawo ekoṅ!

⁴⁴Ni eba mli ake̱ noni dši ši kpawo le̱ ebakē̱ ake̱: Na, atatu bibiō ko tamo̱ gbomo nine mite ši ke̱-mīdše̱ ṅšo̱ṅ! Ni ekē̱: Ya ni oyakē̱ Ahab ake̱: Sāmo̱ oſīli ni okpleke ši, koni nyoṅmo̱ne̱mo̱ akatšĩ onā!

⁴⁵Ni eba mli ake̱ etše̱e̱ ke̱ke̱ ni ṅwei badĩ tū ke̱ atatui ke̱ kō̱yo̱, ni nyoṅmo̱ tue babaō; ni Ahab tá ſīli mli ni eyiṅ ke̱-te Iezreel.

⁴⁶Ni Iehowa nine ba Elia no̱, ni emĩa, ni ehĩe foi ke̱-nyie Ahab hĩe āhũ ke̱-ba Iezreel tõ.