Read luganda 1 Maṅtše̱me̱i 22 Bible Online

1 Maṅtše̱me̱i 22 - luganda bible

1 Maṅtše̱me̱i 22

¹Ni ame̱hĩ ši afii etẽ ní ta ko baa Aram ke̱ Israel teṅ.

²Ni afi ni dši etẽ le̱ no̱ le̱ eba mli ake̱ *Iehošafat, Iuda maṅtše̱ le̱, yiṅ ke̱-te Israel maṅtše̱ le̱ ṅõ. [224]

³Ni Israel maṅtše̱ le̱ kē̱ etšũdši le̱ ake̱: Ani nyelee ake̱ *Ramot-Gilead le̱ wo̱nõṅ? ni wo̱trá ši diṅṅ, ni wo̱šõõ ye̱ Aram maṅtše̱ le̱ deṅ ne̱? [225]

⁴Ni esã ekē̱ Iehošafat ake̱: Ani oke̱-mi aate Ramot-Gilead ayawu lo? Ni Iehošafat kē̱ Israel maṅtše̱ le̱ ake̱: *Mi noṅṅ dši bo, mimaṅ le̱ noṅṅ dši omaṅ le̱, ni mikpo̱ṅo̱i le̱ noṅṅ dši okpo̱ṅo̱i le̱! [226]

⁵Ši Iehošafat kē̱ Israel maṅtše̱ le̱ ake̱: Ofai ne̱, yabi Iehowa dãṅgbē ṅme̱ne̱!

⁶Ke̱ke̱ ni Israel maṅtše̱ le̱ bua gbalo̱i le̱ anā ke̱-kpe, ame̱yi aafe hĩĩ ohai-edſe̱, ni ekē̱ame̱ ake̱: Ani miya miyatua Ramot-Gilead ni mike̱le̱ awu, alo mikaya? Ni ame̱kē̱: Ya, ši Nuntšo̱ le̱ aadšiele̱ awo maṅtše̱ deṅ.

⁷Ši Iehošaſat kē̱: Ani Iehowa gbale̱ ko be̱ bie̱ ne̱ doṅṅ, ní wo̱o̱yabi nii ye̱ eṅõ? [227]

⁸Ni Israel maṅtše̱ le̱ kē̱ Iehošaſat ake̱: Mokome ye̱, ni kũle̱ wo̱o̱yabi Iehowa dāṅgbē ye̱ eṅõ, le̱ dši Mikaia, Imla bi le̱, ši misumo̱o̱ esane, edšake̱ egbaa ekpakpa ko ye̱ mihe, ake̱ dša efõṅ. Ši Iehošafat kē̱: Maṅtše̱ akakē̱ nakai!

⁹Ke̱ke̱ ni Israel maṅtše̱ le̱ tšē̱ piafonyo ko ni ekē̱: Hã Mikaia, Imla bi le̱, aše̱ bie̱ mrãmrã!

¹⁰Ni Israel maṅtše̱ le̱ ke̱ Iehošafat, Iuda maṅtše̱ le̱, trá ame̱maṅtše̱sẽii ano̱, ni ame̱wowō ametadei, ye̱ he ko kpatā ko ní yo̱ Samaria agbó le̱ nā le̱; ni gbalo̱i le̱ fẽ mīgbagbai ye̱ ame̱hĩe.

¹¹Ni Zedekia, Kenaana bi le̱, fe dade aklontoi ehã ehe, ni ekē̱: Bo̱ni Iehowa kē̱ ne̱: Ene̱mei oke̱-bašimo̱ Arambii le̱ ke̱-yaši beyino̱ ní oogbeame̱ atã!

¹²Ni gbalo̱i le̱ fẽ gba nakai ame̱kē̱: Ya Ramot-Gilead, ni oyaye oma-nye; ši Iehowa batule̱ awo maṅtše̱ deṅ!

¹³Ni bo̱fo le̱ ní te Mikaia tšé̱-mo̱ le̱, kē̱le̱ ake̱: Na, gbalo̱i le̱ fẽ ke̱ nābu kome egba gbale̱ kpakpa ehã maṅtše̱ le̱; nohewo̱ le̱ hã owiemo̱i le̱ atame̱ ame̱ teṅ mokome nõ, ni owie ekpakpa!

¹⁴Ši Mikaia kē̱: Gbĩĩabo̱ ni Iehowa hĩe kã ne̱, noni Iehowa aakē̱mi le̱, no mawie!

¹⁵Ke̱ke̱ ni eba maṅtše̱ le̱ ṅõ. Ni maṅtše̱ le̱ kē̱le̱ ake̱: Mikaia, ani wo̱ya Ramot-Gilead wo̱ya wu, alo wo̱kaya? Ni ekē̱le̱ ake̱: Ya ni oyaye omanye, ši Iehowa aadšiele̱ awo maṅtše̱ deṅ!

¹⁶Ni maṅtše̱ le̱ kē̱le̱ ake̱: Šii enyie po makão kitã ake̱ okagbami sane ko sane ko, ake̱ dša ano̱kwale ke̱ke̱ ye̱ Iehowa gbe̱i amli?

¹⁷Ni ekē̱: Mina Israel fẽ ní ame̱gbe̱ ame̱ſã yā ye̱ gõdši le̱ ano̱ tamo̱ tōi ní be̱ kwe̱lo̱. Ni Iehowa kē̱: Mene̱mei be̱ nuntšo̱; hã ame̱kũ ame̱se̱ ni ame̱teṅ mofẽmo aya ewe ye̱ hedšo̱le̱ mli!

¹⁸Ke̱ke̱ ni Israel maṅtše̱ le̱ kē̱ Iehošafat ake̱: Ani *mikē̱ē̱o ake̱ egbaṅ ekpakpa ko ye̱ mihe, ake̱ dša efõṅ? [228]

¹⁹Ni ekē̱: Nohewo̱ le̱ bo Iehowa wiemo̱ le̱ toi! Mina Iehowa tá esẽi le̱ no̱, ni ṅwei ta le̱ fẽ damo̱ emase̱i ye̱ eninedšũrõ ke̱ ebe̱ku. [229]

²⁰Ni Iehowa kē̱: Namo aayalaka Ahab, koni eya ni eyanyõ ye̱ Ramot-Gilead? Ni moko mīkē̱ ne̱ke̱, moko hũ mīkē̱ ne̱ke̱.

²¹Ni *mumo̱ le̱ dše kpo ba ni ebadamo̱ Iehowa hĩe ni ekē̱: Mi mayalakale̱. Ni Iehowa kē̱le̱ ake̱: Ke̱ meni? [230]

²²Ni ekē̱: Madše kpo mate, ni mayatšṍ *amale mumo̱ ye̱ egbalo̱i le̱ fẽ nã. Ni ekē̱: Oolakale̱, ni onine aaše̱ eno̱ hũ; ya ni oyafe nakai! [231]

²³Nohewo̱ le̱ agbe̱ne̱, na, Iehowa eṅõ amale mumo̱ ewo ogbalo̱i ne̱ fẽ nā, ši Iehowa ewie efõṅ ye̱ ohe!

²⁴Ke̱ke̱ ni Zedekia, Kenaana bi le̱, tši ba ni ebagbá Mikaia hĩe mã ni ekē̱: Nẽgbe̱ Iehowa Mumo̱ le̱ tšṍ dše mino̱ ni eke̱o bawie?

²⁵Ši Mikaia kē̱: Na, bodientše̱ obana ye̱ nakai gbĩ le̱ no̱, beni oodše̱ pia mli ke̱-ya pia mli ni oyatē ohe le̱!

²⁶Ke̱ke̱ ni Israel maṅtše̱ le̱ kē̱: Ṅõ Mikaia ni oke̱le̱ akũ se̱ ayahã Amon, mã le̱ṅ onukpa le̱, ke̱ Ioaš, maṅtše̱ bi le̱,

²⁷ni oyakē̱ ake̱: Bo̱ni maṅtše̱ le̱ kē̱ ne̱: Nyeṅõa mone̱ nyewoa tšũṅ, ni nyeke̱ amanehũlŭ abolo ke̱ amanehũlũ nu alè̱le̱ ke̱-yaši beyino̱ ní mate mayaye omanye ní maba.

²⁸Ni Mikaia kē̱: Ke̱dši ote oyaye omanye oba fĩ, bĕle̱ dšee Iehowa tšṍ mino̱ wie le̱! Ni esã ekē̱: Nyeboa toi, nyemãdši le̱ fẽ!

²⁹Ke̱ke̱ ni Israel maṅtše̱ le̱ ke̱ Iehošafat, Iuda maṅtše̱ le̱, fã ke̱-te Ramot-Gilead.

³⁰Ni Israel maṅtše̱ le̱ kē̱ Iehošafat ake̱: Mibatšake mihe ni maya ta le̱ nā; ši bo le̱ wo otadei le̱. Ni Israel maṅtše̱ le̱ tšake ehe ni ete ta le̱ nā.

³¹Ši Aram maṅtše̱ le̱ ewo eſīlii le̱ ano̱ asafoiatše̱mei nyoṅmai-etẽ ke̱ enyo̱ le̱ akitã ake̱: Nyeke̱ mo bibiō alo mo wulu ko akawua, ake̱ dša Israel maṅtše̱ le̱ ke̱ke̱!

³²Ni eba mli ake̱, beni ſīlii le̱ ano̱ asafoiatše̱mei le̱ na Iehošafat le̱, ame̱kē̱: Le̱le̱ṅ, Israel maṅtše̱ le̱ pi ne̱! ni ame̱gbá ke̱-ba ní ame̱ke̱le̱ abawu; ni Iehošafat bo.

³³Ni eba mli ake̱, beni ſīlii le̱ ano̱ asafoiatše̱mei le̱ na ake̱ dšee Israel maṅtše̱ le̱ ni le̱, ame̱kpale ye̱ ese̱.

³⁴Ši nū ko gbla egãi ni elee be, ni etšẽ Israel maṅtše̱ le̱ ye̱ šišigbe̱ dama le̱ ke̱ ṅweigbe̱ dama le̱ kpēhe le̱. Ni ekē̱ eſīli kudo̱lo̱ le̱ ake̱: *Tsṍ onine ni oke̱mi adše ta le̱ nã, ši mipila! [232]

³⁵Ni ta le̱ mli wa nakai gbĩ le̱; ni ahĩe maṅtše̱ le̱ mli ke̱-damo̱ ši ye̱ ſīli le̱ṅ ye̱ Arambii le̱ ahĩe, ni egbo gbe̱ke̱ mli; ni lá tšere ye̱ pilamo̱ le̱ mli ſie ſīli le̱ mli.

³⁶Ni hũlũ šinyō̃ mli le̱ ašie̱ ye̱ nsra le̱ṅ fẽ ake̱: Mofẽmo aya emaṅ, ni mofẽmo aya ešikpoṅ no̱!

³⁷Ni maṅtše̱ le̱ gbo ni ake̱le̱ ba Samaria; ni afũ maṅtše̱ le̱ ye̱ Samaria.

³⁸Ni ame̱yafo̱ ſīli le̱ he ye̱ Samaria kpākpo le̱ mli; ni gbēi *bale̱mo̱ elá le̱, (ni adſamaṅi le̱ yadšu ame̱he ye̱ mli,) ye̱ Iehowa wiemo̱ ní ewie le̱ nā. [233]

³⁹Agbe̱ne̱ Ahab he sãdši ní eſe̱ ke̱ nibii fẽ ní efe ke̱ ſuo̱wu-tšũ ní emã ke̱ mãdši fẽ ní eto le̱, ani aṅmãko ye̱ Israel maṅtše̱mei ayino̱sădši awolo le̱ mli?

⁴⁰Ke̱ke̱ ni Ahab ke̱ etše̱mei le̱ yawo̱; ni ebi Ahazia baye maṅtše̱ ye̱ ese̱. [234]

⁴¹Ni Iehošaſat, Asa bi le̱, baye Iuda no̱ maṅtše̱ ye̱ Israel maṅtše̱ Ahab yino̱ afi ní dši edſe̱ le̱ mli. [235]

⁴²Iehošafat eye afii nyoṅmai-etẽ ke̱ enumo̱, beni ebabõi maṅtše̱yeli le̱, ni eye maṅtše̱ afii nyoṅmai-enyo̱ ke̱ enumo̱ ye̱ Ierusalem. Ni enye gbe̱i dši Azuba, Šilhi biyō le̱.

⁴³Ni enyie etše̱ Asa gbe̱ le̱ fẽ no̱, edšee no̱ ke̱-tšṍṍ afã, ni efe noni dša ye Iehowa hĩe.

⁴⁴Kẽlo̱ hei groṅṅi le̱ adšiee; ši maṅ le̱ mīšã afo̱lei ke̱ tšofãi-ke̱-ṅmai ye̱ hei groṅṅi le̱ lolo. [236]

⁴⁵Ni Iehošafat ke̱ Israel maṅtše̱ le̱ hĩ ši ye̱ hedšo̱le̱ mli.

⁴⁶Agbe̱ne̱ Iehošafat he sădši ní eſe̱ le̱ ke̱ ekã ni efe ke̱ bo̱ni etšṍ ewuwū tai le̱, ani aṅmãko ye̱ Iuda maṅtše̱mei le̱ ayino̱sădši awolo le̱ mli? [237]

⁴⁷Ni mei ni ke̱ ame̱he ehã adſamaṅbō̱ ni ſe̱ ni ašĩ ye̱ etše̱ Asa yino̱ le̱, eſie-ame̱ ke̱-dše̱ šikpoṅ le̱ no̱. [238]

⁴⁸Ni maṅtše̱ ko be̱ Edom, amralo ko yeo̱ maṅtše̱ nãdšiaṅ.

⁴⁹Ni Iehošafat fe Taršiš le̱dši, koni ake̱-ya *Ofir ayaṅõ šika ke̱-ba; ši ake̱-yaa, edšake̱ le̱dši le̱ dſăra ye̱ Ezion-Geber. [239]

⁵⁰Nakai be le̱ mli le̱ Ahazia, Ahab bi le̱, kē̱ Iehošafat ake̱: Hã ni mitšũdši le̱ ke̱ otšũdši le̱ anyie le̱dši amli ke̱-ya! Ši Iehošafat ekplẽẽ.

⁵¹Ni Iehošaſat ke̱ etše̱mei le̱ yawo̱, ni afũle̱ afata etše̱mei le̱ ahe ye̱ etše̱ David mã le̱ṅ; ni ebi *Iehoram baye maṅtše̱ ye̱ ese̱. [240]

⁵²Ahazia, Ahab bi le̱, baye Israel no̱ maṅtše̱ ye̱ Samaria ye̱ Iehošafat, Iuda maṅtše̱ le̱, yino̱ afi ní dši nyoṅma ke̱ kpawo le̱ no̱, ni eye Israel no̱ maṅtše̱ afii enyo̱. [241]

⁵³Ni efe efõṅ ye̱ Iehowa hĩe, ni enyie etše̱ gbe̱ le̱ ke̱ enye gbe̱ le̱ ke̱ *Ierobeam, Nebat bi le̱, moni hã Israel fe eša le̱, gbe̱ le̱ no̱; [242]

⁵⁴ni esúmo̱ Baal ni edšále̱, ni ewo Iehowa, Israel Nyoṅmo̱ le̱, mli la, tamo̱ boni etše̱ fe le̱ pe̱pē̱pe̱. [243]