Read luganda 1 Maṅtše̱me̱i 6 Bible Online

1 Maṅtše̱me̱i 6 - luganda bible

1 Maṅtše̱me̱i 6

¹Ni eba mli ake̱ Israelbii le̱ a-Mizraim šikpoṅ le̱ no̱ dšē se̱ afi ni dši afii ohai-edſe̱ ke̱ nyoṅmai-kpānyo̱le̱ mli, ye̱ Salomo Israel no̱ maṅtše̱yeli afi ní dši edſe̱ le̱ mli, ye̱ Zif nyõṅ ni dši nyõṅ ni dši enyo̱ le̱ ṅo̱ le̱, ebõi Iehowa tšũ le̱ mā̃.

²Ni tšũ, ni maṅtše̱ Salomo mã ehã Iehowa le̱, ke̱le̱ dši ninetalo̱i nyoṅmai-ekpa, ni elē̱mo̱ dši ninetalo̱i nyoṅmai-enyo̱, ni ekwo̱le̱ dši ninetalo̱i nyoṅmai-etẽ.

³Ni *koi ní yo̱ so̱lemo̱we le̱ tšũ le̱ hĩe le̱ hũ ke̱le̱ dši ninetalo̱i nyoṅmai-enyo̱, tamo̱ tšũ le̱ lē̱mo̱ noṅṅ, ni elē̱mo̱ dši ninetalo̱i nyoṅma ye̱ tšũ le̱ hĩe. [59]

⁴Ni efe samfe̱dši ni mli kãmo̱ gbè̱i ewo tšũ le̱ he.

⁵Ni emāmo̱ tšũi bibii ye̱ tšũ le̱ gbogboi le̱ ahe ke̱-kpe ye̱ so̱lemo̱tšũ le̱ ke̱ se̱tšũ le̱ gbogboi le̱ ahe ke̱-kpe, ni eke̱-fe piai piai ke̱-kpe.

⁶Šišigbe̱ tšũ le̱ lē̱mo̱ dši ninetalo̱i enumo̱, ni teṅ nõ le̱ lē̱mo̱ dši ninetalo̱i ekpa, ni noni dši etẽ le̱ lē̱mo̱ dši ninetalo̱i kpawo; edšake̱ efe kpokui ye̱ tšũ le̱ gbogboi le̱ ahe ke̱-kpe, koni no̱sēṅmo̱mplãṅi le̱ akabote tšũ le̱ gbogboi le̱ amli.

⁷Ni beni amāa tšũ le̱, te̱i ní ako momo ye̱ gbámo̱he le̱ ake̱-mã; ni beni amãa le̱, anuu hamle lo lema lo dade ko nā ye̱ tšũ le̱ he.

⁸Teṅ pia le̱ šĩnā le̱ kã šĩa le̱ nine-dšũrõgbe̱, ni akwo̱ö̱ atrakpoi lo̱go̱ligi-lo̱go̱ligi ko ke̱-yaä teṅ pia le̱ mli, ni ake̱-dše̱o̱ teṅ pia le̱ mli hũ ke̱-yaä noni dši etẽ le̱ mli.

⁹Nakai enii tšũ le̱ ni egbe nā; ni eke̱ tšenedru mplãṅi ke̱ ṅmoṅmodši sẽṅ no̱.

¹⁰Ni emamo̱ nsō̱doi ye̱ šīa le̱ hewo̱ fẽ, ekome kwo̱le̱ dši ninetalo̱i enumo̱, ni eke̱ tšenedrutšei ſie no̱ ke̱-mõ tšũ le̱.

¹¹Ni Iehowa wiemo̱ ba Salomo ṅō ake̱:

¹²Tšũ ne̱ ní omãa ne̱, ke̱dši onyie ye̱ mikpo̱i le̱ amli ni oye mimlai le̱ ano̱ ni oto mikitãi le̱ fã ni onyie ye̱ mli le̱, no le̱ *mahã miwiemo̱ ni mike̱ otse̱ David wie le̱ aba mli ahāo; [60]

¹³ni mabi ši ye̱ Israelbii le̱ ateṅ, ni mišīṅ mimaṅ Israel. [61]

¹⁴Nakai Salomo mã tšũ le̱ ni egbe nã. [62]

¹⁵Ni eke̱ tšenedru ṅmoṅmodši ka šĩa le̱ gbogboi le̱ amligbe̱; eke̱ tšo ha mli-gbe̱ le̱ ke̱-dše̱ šĩa le̱ šikpoṅ le̱ ke̱-yaši eno̱sẽṅmo̱ le̱ nā; ni eke̱ sese̱o ka šīa le̱ šikpoṅ le̱.

¹⁶Ni eke̱ tšenedru ṅmoṅmodši mãmo̱ ninetalo̱i nyoṅmai-enyo̱ ye̱ šĩa le̱ se̱gbe̱ ke̱-dše̱ šikpoṅ ke̱-yaſie gbogboi le̱ ano̱; ni emã no ye̱ mligbe̱ eke̱-fe se̱tšũ ni dši hekroṅkroṅ fè fẽ le̱.

¹⁷Ni šĩa le̱, ni dši se̱lemo̱tšũ le̱ hĩegbe̱ le̱, ke̱le̱ dši ninetalo̱i nyoṅmai-edſe̱.

¹⁸Ni šīa le̱ mligbe̱ tšenedru le̱, aye-yē to̱ ke̱ ehe bai ke̱ fo̱fo̱ii ni egblegblei asãmãi ye̱ hĩe; tšenedru so̱ṅṅ ake-fe, anaa te̱ komeflo.

¹⁹Ni efe se̱tšũ ye̱ mligbe̱ ye̱ šīa le̱ teṅ, koni aṅõ Iehowa kpãṅmo̱ adeka le̱ amã dše̱i.

²⁰Ni se̱tšũ le̱ mli gbe̱ le̱ ke̱le̱ dši ninetalo̱i nyoṅmai-enyo̱, ni elē̱mo̱ hũ ninetalo̱i nyoṅmai-enyo̱, ni ekwo̱le̱ hũ ninetalo̱i nyoṅmai-enyo̱; ni eke̱ šika ṅmīṅmi ha mli, ni eke̱ tšenedru ṅmoṅmodši ha afo̱lešãlate̱ le̱ he.

²¹Ni Salomo ke̱ šika ṅmīṅmi ha tšũ le̱ mligbe̱, ni eke̱ šika kōsõṅkõsõi fo afābaṅ ye̱ se̱tšũ le̱ hĩe, ni eke̱ šika ha he.

²²Ni šīa mū le̱ fẽ le̱ eke̱ šika ha he ke̱-yaši egbe šīa mū le̱ fẽ nā; ni afo̱lešãlate̱ ni yo̱ se̱tšũ le̱ hĩe le̱, eke̱ šika ha he.

²³Ni se̱tšũ le̱ṅ le̱, eke̱ mũtšei fe kerubim enyo̱ ní kwō̱lo̱mo̱ dši ninetalo̱i nyoṅma nyoṅma. [63]

²⁴Ni kerub le̱ fĩne kome ke̱le̱ dši ninetalo̱i enumo̱, ni kerub le̱ fĩne kroko le̱ hũ ke̱le̱ dši ninetalo̱i enumo̱, ke̱-dše̱ efĩne kome nābu ke̱-yaši efĩne kroko le̱ nābu le̱ efeo̱ ninetalo̱i nyoṅma.

²⁵Ni kerub kroko lo̱ hũ hĩe ninetalo̱i nyoṅma; kerubim enyo̱ le̱ fẽ hĩe susumo̱ kome ke̱ subaṅ kome.

²⁶Kerub kome le̱ kwo̱le̱ dši ninetalo̱i nyoṅma, ni nakai noṅṅ dši kerub kroko le̱.

²⁷Ni eke̱ kerubim le̱ to mligbe̱ tšũ le̱ teṅ, ni kerubim le̱ egbe̱gbē̱ ame̱fïdši amli, bo̱ni ekome fĩne saä gbogbo kome he, ni kerub kroko le̱ hũ fĩne saã gbogbo kroko le̱ he, ni ame̱fĩdši le̱ kpeo̱ ye̱ tšũ le̱ teṅ.

²⁸Ni eke̱ šika ha kerubim le̱ ahe.

²⁹Ni eyeyē kerubim ke̱ tẽṅi ke̱ fo̱fo̱ii ni egblegblei asamāi ye̱ šĩa le̱ gbogboi le̱ ahe fë ke̱-kpe, ye̱ mligbe̱ ke̱ kpono̱gbe̱ fẽ.

³⁰Ni šĩa le̱ šikpoṅ le̱ hũ eke̱ šika ha mligbe̱ ke̱ hīegbe̱.

³¹Ni se̱tšũ le̱ nagbe̱ le̱ eke̱ mūtšo fe šĩnā eta nā, šĩnā yiteṅtšo le̱ ke̱ mase̱i-mase̱i tšei le̱, kodši enumo̱ ni.

³²Ni mũtšo šĩnā nta le̱, eyeyē kerubim ke̱ tẽṅi ke̱ fo̱fo̱ii ni egblegblei asãmãi ye̱ ame̱he, ni eke̱ šika ha he, ni etſĩa šika eha kerubim le̱ ke̱ tēṅi le̱ ahe pe̱pē̱pe̱.

³³Nakai noṅṅ eke̱ mũtšo fe so̱lemo̱tšũ le̱ nāgbe̱ le̱ šīnātšei le̱ kodši edſe̱-dſe̱,

³⁴ke̱ se̱se̱o šĩnā nta; ni šĩnā le̱ ekome fĩdši enyo̱ le̱ adō̱ro̱õ̱ ni šĩnā kome le̱ hũ fĩdši enyo̱ le̱ adō̱ro̱ö̱.

³⁵Ni eyeyē kerubim ke̱ tẽṅi ke̱ fo̱fo̱ii ní egblegblei asãmãi ewo he, ni eha he šika, tamo̱ bo̱ni sãmāi le̱ yo̱ le̱ pe̱pē̱pe̱.

³⁶Eke̱ te̱i ní ako klempẽi etẽ ke̱ tšenedru mplãṅi ni agbá klempẽ kome mã mligbe̱ kpo le̱.

³⁷Afi ní dši *edſe̱ le̱ mli, ye̱ Zif nyõṅ le̱ no̱, ato Iehowa tšũ le̱ šiši. [64]

³⁸Ni afi noni dši nyoṅma ke̱ ekome le̱ mli, ye̱ Bul nyõṅ ni dši nyõṅ ni dši kpānyo̱ le̱ no̱, agbe šĩa le̱ ke̱ ehewo̱ nibii ſẽ ke̱ bo̱ni amãle̱ ahã le̱ fẽ nā; ni afii kpawo eke̱-mã.