Read luganda 1 Maṅtše̱me̱i 7 Bible Online

1 Maṅtše̱me̱i 7 - luganda bible

1 Maṅtše̱me̱i 7

¹Ši Salomo dientše̱ šĩa le̱ afii nyoṅma ke̱ etẽ eke̱-mã, ni egbe ſẽ nä. [65]

²Ni emã Lebanon *kō le̱ tšũ le̱: eke̱le̱ dši ninetalo̱i oha, ni elē̱mo̱ dši ninetalo̱i nyoṅmai-enumo̱, ni ekwo̱le̱ dši ninetalo̱i nyoṅmai-etẽ, ye̱ tšenedru akulašĩṅi klempẽi edſe̱ no̱, ni eke̱ tšenedru mplãṅi mãmo̱ akulašĩṅi le̱ ano̱. [66]

³Ni piai nyoṅmai-edſe̱ ke̱ enumo̱ ní mãmo̱ akulašĩṅi le̱ ano̱ le̱, ake̱ tšenedrutšei sẽṅ no̱, piai nyoṅma ke̱ enume̱ yo̱ klempẽ kome no̱ (ye̱ nsō̱do kome no̱).

⁴Ni mplãṅi ni aṅõ-sẽṅ no̱ le̱ klempẽi etẽ ni, ni samfle̱ mīkwe̱ samfle̱ hĩe ye̱ nsō̱doi etẽ le̱ fẽ he.

⁵Ni šĩnāi le̱ ke̱ ame̱hetšei le̱ fẽ hĩe kodši edſe̱dſe̱, ni samfle̱ mīkwe̱ samfle̱ hĩe ye̱ nsō̱doi etẽ le̱ fẽ he.

⁶Ni eke̱ akulašĩṅi fe koi: eke̱le̱ dši ninetalo̱i nyoṅmai-enumo̱, ni elē̱mo̱ dši ninetalo̱i nyoṅmai-etẽ. Ni koi ble hĩe, ni akulašĩṅi ke̱ atrakpoi ye̱ ame̱hĩe.

⁷Ni efe koi ehã maṅtše̱yeli sẽi le̱ ni ekodšo ye̱ dše̱i, no dši kodšomo̱ koi le̱; ni eke̱ tšenedru ka mli ke̱-dše̱ ši-kpoṅ ke̱-yaši no̱sẽṅmo̱ le̱ he.

⁸Ni ešĩa ní ebabī mli ní yo̱ kpo kroko le̱ no̱ ye̱ koi le̱ mligbe̱ le̱, nakai noṅṅ afele̱. Ni Salomo sā fe šĩa hũ ehã Farao biyō ni *ew̌e̱ le̱, tamo̱ ne̱ke̱ koi ne̱. [67]

⁹Ene̱mei fẽ le̱, te̱i ni dšra wa aṅõ-fe, te̱i ni asusu ní ako ni ame̱se̱ ke̱ hĩe fẽ le̱ ake̱ akplala flo, ke̱-dše̱ šišitõ le̱ no̱ ke̱-yaši sēndoi le̱ ano̱, ni ke̱-dše̱ agbó le̱ nā ke̱-yaši kpo wulu le̱ no̱.

¹⁰Ni šišitō le̱, te̱i ní dšra wa so̱ṅṅ ni, te̱i wudši kplei dientše̱, tei ní hĩe ninetalo̱i nyoṅma nyoṅma ke̱ te̱i ní hĩe ninetalo̱i kpānyo̱ kpānyo̱;

¹¹ni eno̱ ní atſa le̱ hũ te̱i ní dšra wa ni asusu ako, ke̱ tšenedrui ake̱-fe.

¹²Ni kpo wulu le̱ ní bo̱le he ke̱-kpe hīe te̱i ní akokoi klempẽi etẽ ke̱ tšenedru mplãṅi klempẽ kome; nakai noṅṅ Iehowa *we le̱ he kpo le̱ ke̱ šĩa le̱ he koi le̱ hũ yo̱. [68]

¹³Ni maṅtše̱ Salomo tšũ ni ayaṅõ *Hiram ke̱-dše̱ Tiro ke̱-ba. [69]

¹⁴Yō okũlafo ko ni dše̱ Naftali akutšo le̱ mli le̱ bi dšile̱, ši etše̱ le̱ Tironyo ni; ni edši *akō̱ble ṅālo̱ ni nilē ke̱ dſẽṅmo̱ ke̱ ṅā eyile̱ obo ní eke̱-ṅaã akō̱ble ṅā fẽ. Ni eba maṅtše̱ Salomo ṅõ ni ebatšu enii le̱ fẽ. [70]

¹⁵Ni efe akō̱ble akulašĩṅi enyo̱: ekome kwo̱le̱ dši ninetalo̱i nyoṅma ke̱ kpānye̱, ni kpã ni hĩe ninetalo̱i nyoṅma ke̱ enyo̱ aakpe ekome he. [71]

¹⁶Ni eke̱ akō̱ble ſie yiteṅkpo̱i enyo̱, ni ake̱-mãmo̱ akulašĩṅi le̱ ayiteaṅ: ekome kwo̱le̱ dši ninetalo̱i enumo̱, ni ekome le̱ bũ kwo̱le̱ dši ninetalo̱i enumo̱.

¹⁷Ni ntãṅi ní aló ke̱ fo̱fo̱ii-akekrei ni agbo̱ tamo̱ kõsõṅkõsõi ye̱ kpo̱i ni yo̱ akulašĩṅi le̱ ayiteaṅ le̱ ahe, kpawo ye̱ kpo̱ kome he, ni kpawo ye̱ kpo̱ kome hũ he.

¹⁸Ni efe kpe̱bĩi kokrobiĩ klempẽi enyo̱ ewo ntãṅ le̱ he ke̱-kpe, ni eṅõ-ha akulašĩṅi le̱ ayiteaṅ kpo̱i le̱ ano̱, ni nakai efe ewo kpo̱i enyo̱ le̱ fẽ he.

¹⁹Ni kpo̱i ní mãmo̱ akulašīṅi le̱ ayiteaṅ ye̱ koi le̱ ši le̱, afeame̱ tamo̱ fo̱fo̱ii, ninetalo̱i edſe̱dſe̱.

²⁰Ni yĩteṅkpo̱i mãmo̱ akulašĩṅi enyo̱ le̱ ayiteaṅ ye̱ mũsũ ni ye̱ ntãṅ le̱ se̱ le̱ mase̱i; ní kpo̱bii kokrobii le̱ ayibo̱ dši ohai-enyo̱, nakai atoame̱ srẽnẽi ke̱-kpe ye̱ yiteṅkpo̱ kroko le̱ hũ he.

²¹Ni eke̱ akulašĩṅi le̱ mãmo̱ ši ye̱ so̱lemo̱tšũ le̱ koi le̱ nā; ni eke̱ ninedšũrōgbe̱ akulašĩṅ le̱ mã ši, ni ewole̱ gbe̱i ake Iakin, ni eke̱ abe̱kugbe̱ akulašĩṅ le̱ hũ mã ši, ni ewole̱ gbe̱i e̱ke̱ Boaz.

²²Ni efe akulašĩṅi le̱ ayiteaṅ tamo̱ fo̱fo̱ii, Bo̱ni agbe akulašĩṅi le̱ ahe nitšumo̱ le̱ nā ne̱.

²³Ni efe ṅšo̱ ní alíe le̱: ke̱-dše̱ nãbu bie̱ ke̱-yaši nābu bie̱ le̱ efeo̱ ninetalo̱i nyoṅma, afele̱ kutruku, ni ekwo̱le̱ dši ninetalo̱i enumo̱, ni kpã ní hĩe ninetalo̱i nyoṅmai-etẽ aakpe he.

²⁴Ni to̱ ke̱ ehe bai bo̱le ekue̱ le̱ ke̱-kpe, ninetalo̱ kome hĩe nyoṅma, ke̱-bo̱le ṅšo̱ le̱ kpũla; srẽnẽi enyo̱ ni, ni aſieame̱ ke̱le̱ fẽ šikome.

²⁵Emã tšinai nyoṅma ke̱ enyo̱ no̱; etẽ mīkwe̱ kōyigbe̱, ni etẽ mīkwe̱ anaigbe̱, ni etẽ mīkwe̱ wuoyigbe̱, ni etẽ mīkwe̱ bokãgbe̱; ni ṅšo̱ le̱ mã ame̱no̱ ye̱ ṅwei, ni ame̱se̱gbe̱i fẽ eyadše mligbe̱.

²⁶Ni ehĩe dẽ lē̱mo̱ tile̱, ni afe enabu tamo̱ kpulu nãbu, tamo̱ fo̱fo̱ii ni egble ame̱nā; ni eyeo̱ bati akpei-enyo̱.

²⁷Ni eke̱ akō̱ble fe šiši-adekai nyoṅma: šiši-adeka kome ke̱le̱ dši ninetalo̱i edſe̱, ni elē̱mo̱ hũ ninetalo̱i edſe̱, ni ekwo̱le̱ dši ninetalo̱i etẽ.

²⁸Ni bo̱ni afe šiši-adekai le̱ ne̱: ame̱-ye̱ dãmo̱nii ke̱ mliho̱lo̱mo̱nii;

²⁹ni mliho̱lo̱mo̱nii ní yo̱ dāmo̱nii le̱ ateṅ le̱, afe dšatai ke̱ tšinai ke̱ kerubim ye̱ no̱; ni dāmo̱nii le̱ ayiteṅ le̱, sẽi mã dše̱i; ni afe fo̱fo̱i-akekrei ní tšotšõro tšotšõro dšatai ke̱ tšinai le̱ ašiši.

³⁰Ni šiši-adeka-fẽ-šiši-adeka ye̱ akō̱ble kokrolontoi edſe̱ ke̱ akō̱ble kokrolontomlitšei, ni ekodši edſe̱ le̱ waomo̱nii mãmo̱ no̱, ni waomo̱nii le̱ aſie akpe̱te̱ botoku le̱ šiši, ni fo̱fo̱i-akekrei ye̱ fẽ hewo̱.

³¹Ši kue̱ ni mã no̱bumo̱nõ le̱ teṅ le̱ kwo̱le̱ dši ninetalo̱ kome, ni eyiteṅgbe̱ le̱ atẽ mli, ni etamo̱ sẽi, elē̱mo̱ dši ninetalo̱ kome ke̱ fã; ni kue̱ le̱ hũ ayeyẽ sãmãi ye̱ he, ni edāmo̱niĩ le̱ kodši edfe̱dſe̱ ni, dšee kutrukui ni.

³²Ni kokrolontoi edſe̱ le̱ ye̱ dãmo̱nii le̱ ašiši; ni kokrolontoi le̱ anidši le̱ ye̱ šiši-adeka le̱ he, ni kokrolonto kome no̱kwo̱le̱ dši ninetalo̱ kome ke̱ fã.

³³Ni kokrolontoi le̱ afeame̱ tamo̱ ſīli nãdši; ame̱mlitšei ke̱ ame̱kakrai le̱ ke̱ ame̱mliblemo̱nii le̱ ke̱ ame̱lontoĩ le̱ fẽ le̱ ſiemo̱ aſie.

³⁴Ni šiši-adeka-fẽ-šiši-adeka ye̱ waomo̱nii edſe̱ ye̱ ekodši edſe̱ le̱ he, ni ame̱ ke̱ šiši-adeka le̱ tša.

³⁵Ni šiši-adeka le̱ yiteṅ le̱ noko kutruku bu dše̱i, ni ekwo̱le̱ dši ninetalo̱ fā ke̱-bo̱lele̱ ke̱-kpe; ni no̱bumo̱nõ le̱ ke̱ ehewaomo̱nii le̱ mã šiši-adeka le̱ yiteṅ.

³⁶Ni emliho̱lo̱mo̱nii le̱ ke̱ edāmo̱nii le̱ eyeyē kerubim ke̱ dšatai ke̱ tẽṅi asãmãi ye̱ no̱, bo̱ni aaho no̱, ni fo̱fo̱i-akekrei bo̱leame̱ ke̱-kpe.

³⁷Ne̱ke̱ efe šiši-adekai nyoṅma le̱: ame̱ſē-tſēm ame̱hie ſiemo̱ kome ke̱ susumo̱ kome ke̱ subãṅ kome.

³⁸Ke̱ke̱ ni efe akō̱ble botokui nyoṅma: botoku kome yeo̱ bati nyoṅmai-edſe̱; ni botoku-fẽ-botoku dale̱ dši ninetalo̱i edſe̱; ni šiši-adekai nyoṅma le̱ fē le̱ botokui mãmo̱ no̱ ekomekome.

³⁹Ni eṅõ šiši-adekai le̱ enumo̱ emãmo̱ tšũ le̱ ninedšũrõgbe̱ ke̱ enumo̱ hũ ye̱ abe̱kugbe̱; ni ṅšo̱ le̱ eṅõ-mã tšũ le̱ ninedšũrõgbe̱ heni ye wuoyi-bokã le̱.

⁴⁰Ni Hiram fe gbē̱i le̱ ke̱ nilōmo̱nii le̱ ke̱ lalakãi le̱; ni Hiram gbe nitšumo̱ le̱ ſẽ ni etšu ehã maṅtše̱ Salomo ye̱ Iehowa we le̱ nā:

⁴¹akulašĩṅi enyo̱ le̱ ke̱ kpo̱i kutrukui enyo̱ ni mãmo̱ akulašīṅi enyo̱ le̱ ayiteaṅ le̱, ke̱ ntãṅi ni ake̱-ha kpo̱i kutrukui enyo̱ ni mãmo̱ akulašīṅi le̱ ayiteaṅ le̱ he le̱,

⁴²ke̱ ntãṅi enyo̱ le̱ ahe kpo̱bii kokrobii ohai-edſe̱ le̱; kpo̱bii kokrobii srẽnē̃i enyo̱ ye̱ ntãṅ kome he, ni ake̱-ha kpo̱i kutrukui enyo̱ ní mãmo̱ akulašĩṅi le̱ ayiteaṅ le̱ ahe,

⁴³ke̱ šiši-adekai nyoṅma le̱ ke̱ botokui nyoṅma le̱ ní mãmo̱ šiši-adekai le̱ ano̱ le̱,

⁴⁴ke̱ ṅšo̱ kome, ke̱ tšinai nyoṅma ke̱ enyo̱ ní yo̱ ṅšo̱ le̱ šiši le̱,

⁴⁵ke̱ gbé̱i le̱ ke̱ nilōmo̱nii le̱ ke̱ lalakãi le̱; ni ne̱ke̱ nibii ne̱ fẽ ní Hiram fe ehã maṅtše̱ Salomo hã Iehowa we le̱, akō̱ble ní atšũ he kaṅkaṅ eke̱-fe.

⁴⁶Iordan ṅã le̱ no̱ maṅtše̱ le̱ hã aſie ye̱, ye̱ nišō̃sũ ni yo̱ Sukot ke̱ Zaretan te le̱ṅ le̱ mli.

⁴⁷Nibii le̱ afále̱ so̱ṅṅ nā le̱, Salomo eṅmẽẽ nā; ni akō̱ble le̱ alee nā.

⁴⁸Ni Salomo fe nibii le̱ fẽ ni yo̱ Iehowa we le̱: šika afo̱lešãlate̱ le̱ ke̱ šika okplõ le̱ ni ake̱ hĩe-mã-abolo le̱ mãa no̱ le̱,

⁴⁹ke̱ kanetšei ni ake̱ šika ṅmīṅmi fe, enumo̱ ye̱ nĩnedšũrõgbe̱, ni enumo̱ hũ ye̱ abe̱kugbe̱ ye̱ se̱tšũ le̱ hĩe; ni fo̱fo̱ii le̱ ke̱ kanei le̱ ke̱ ahē̱lei le̱, šika so̱ṅṅ ni;

⁵⁰asaṅ hũ kãi le̱ ke̱ kaklai le̱ ke̱ lalakãi le̱ ke̱ liko̱liko̱i le̱ ke̱ ladšē-ṅe̱sũi le̱, šika ṅmīṅmi ake̱-fe; ni se̱tšũ ní dši hekroṅkroṅ fè fẽ le̱ ke̱ so̱lemo̱tšũ le̱ nā šĩnāi le̱ ase̱ sái le̱, šika so̱ṅṅ ake̱-fe.

⁵¹Ke̱ke̱ ní agbe nii fẽ ní maṅtše̱ Salomo tšu ye̱ Iehowa we le̱ he le̱ nā. Ni Salomo ṅõ nibii ni etše̱ David edšō̱ no̱ eke ní dši dſie̱te̱i ke̱ šika ke̱ nibii le̱ ke̱-ba ni eke̱-bato Iehowa we le̱ nitōhe le̱.