Read luganda 1 Maṅtše̱me̱i 8 Bible Online

1 Maṅtše̱me̱i 8 - luganda bible

1 Maṅtše̱me̱i 8

¹Ke̱ke̱ ni Salomo bua Israel onukpai le̱ ke̱ akutšei le̱ atše̱mei le̱ ke̱ Israelbii le̱ atše̱mei awei le̱ ano̱ lumei le̱ anã ke̱-bakpe ye̱ maṅtše̱ Salomo ṅõ ye̱ Ierusalem, koni ayaṅõ Iehowa kpãṅmo̱ adeka le̱ ke̱-dše̱ David maṅ ni dši Zion le̱ mli ke̱-ba.

²Ni Israel hĩĩ le̱ fẽ bua ame̱he nā ke̱-ba maṅtše̱ Salomo ṅõ ye̱ Etanim nyõṅ ní dši nyõṅ ni dši kpawo le̱ no̱ gbĩ-dšũrõ te̱ no̱.

³Ni Israel onukpai le̱ fẽ ba, ni oso̱foi le̱ bawó adeka le̱.

⁴Ni ame̱hole Iehowa adeka le̱ ke̱ kpē-bū le̱ ke̱ nibii kroṅkroṅi le̱ ni yo̱ kpē-bū le̱ṅ le̱ fẽ ke̱-ba; oso̱foi le̱ ke̱ Levibii le̱ dši mei ní hole ke̱-ba.

⁵Ni maṅtše̱ Salomo ke̱ Israel asafo mū le̱ fẽ ní ebabua ame̱he nā ye̱ eṅō le̱ ho damo̱ adeka le̱ hĩe ni ame̱gbegbē tōi ke̱ tšinai ni anyẽṅ akane lo abu ame̱fále̱ nā ame̱ke̱-šã afo̱lei. [72]

⁶Ni oso̱foi le̱ wó Iehowa kpãṅmo̱ adeka le̱ ke̱-te ni ame̱ke̱-yamã egbe̱he le̱ ye̱ šĩa le̱ se̱tšũ ní dši hekroṅkroṅ fè fẽ le̱ mli ye̱ kerubim le̱ afĩdši le̱ ašiši.

⁷Edšake̱ kerubim le̱ elē̱ ame̱fĩdši amli eha adeka le̱ mā̃he le̱, ni kerubim le̱ kete adeka le̱ ke̱ ehe tšei le̱ ano̱ ye̱ ṅweigbe̱.

⁸Ni tšei le̱ ke̱le̱, bo̱ni anaã tšei le̱ anābui ye̱ hekroṅkroṅ le̱ ye̱ se̱tšũ le̱ hĩe, ši anaa ye̱ kpo le̱ no̱ gbe̱; ni ame̱ye̱ dše̱i ke̱-basi ṅme̱ne̱ gbĩ ne̱. [73]

⁹Nokonoko be̱ adeka le̱ mli, ake̱ dša te̱i te̱tre̱bii enyo̱ le̱ ní Mose ṅõ-to mli ye̱ Horeb, heni Iehowa ke̱ Israelbii le̱ kpãṅ ye̱, beni ame̱dše̱ Mizraim šikpoṅ le̱ no̱ ame̱baã le̱. [74]

¹⁰Ni eba mli ake̱, beni oso̱foi le̱ dše kpo ke̱-dše̱ hekroṅkroṅ le̱, atatu le̱ bayi Iehowa we le̱,

¹¹āhũ po ní atatu le̱ hewo̱ le̱ oso̱foi le̱ nyẽẽ ši adamo̱ ní ame̱súmo̱, edšake̱ Iehowa anumnyam le̱ eyi Iehowa we le̱ to̱. [75]

¹²Ke̱ke̱ ni Salomo kē̱: Iehowa ekē̱ ake̱ *eehī duṅ kpī le̱ṅ. [76]

¹³Agbe̱ne̱ mimã tšũ mihão ní ohĩ mli, šihĩle̱he ní ohĩ dše̱i ke̱-ya nāno̱!

¹⁴Ke̱ke̱ ni maṅtše̱ le̱ tšṍ ehĩe, ni edšō̱ Israel asafo le̱ fẽ. Ni Israel asafo le̱ fẽ damo̱ ši.

¹⁵Ni ekē̱: Aadšō̱ Iehowa, Israel Nyoṅmo̱ le̱, moni ke̱ mitše̱ David wie ke̱ enābu, ni eke̱ enine ehã eba mli ake̱:

¹⁶Ke̱-dše̱ gbĩ no̱ ni miyadšie mimaṅ Israel ke̱-dše̱ Mizraim ke̱-ba ne̱, mihalako maṅ ko maṅ ko ye̱ Israel akutšei le̱ fẽ mli ní emã tšũ, koni migbe̱i ahĩ mli; ši David mihala ni eye mimaṅ Israel no̱.

¹⁷Ni mitše̱ David to eyiṅ ake̱ kũle̱ eemã tšũ ehã Iehowa, Israel Nyoṅmo̱ le̱, gbe̱i le̱; [77]

¹⁸ši Iehowa kē̱ mitše̱ David ake̱: Gbĩĩabo̱ kẽ ní oto oyiṅ ake̱ kũle̱ oomã tšũ ohã migbe̱i le̱, ofe dšogbāṅ ake̱ oto oyiṅ nakai le̱;

¹⁹ši kẽle̱ dšee bo oomã tšũ le̱, ši moṅ obi ni aadše̱ omũsũṅ le̱, le̱ eemã tšũ ehã migbe̱i le̱.

²⁰Ni Iehowa eha wiemo̱ ní ewie le̱ eba mli; edšake̱ mite ši ye̱ mitše̱ David nãdšiaṅ, ni mibatá Israel maṅtše̱sẽi le̱ no̱, take̱ bo̱ni Iehowa wo ši le̱, ni mimã tšũ le̱ mihã Iehowa, Israel Nyoṅmo̱ le̱, gbe̱i le̱.

²¹Ni mito gbe̱he ko-ye̱ dše̱i mihã adeka le̱ ní Iehowa kpãṅmo̱ le̱ ní eke̱ wo̱tše̱mei le̱ kpãṅ, beni edšieame̱ ke̱-dše̱ Mizraim šikpoṅ le̱ no̱ ke̱-ba le̱, yo̱ mli le̱.

²²Ni Salomo ho edamo̱ Iehowa afo̱le-šãlate̱ le̱ hĩe ye̱ Israel asafo mũ le̱ fẽ hĩe, ni egbe̱ enidšiaṅ ke̱-te ṅwei,

²³ni ekē̱: Iehowa, Israel Nyoṅmo̱! Nyoṅmo̱ ko nyoṅmo̱ ko be̱ ṅwei ye̱ yiteṅgbe̱ alo šikpoṅ le̱ no̱ ye̱ šišigbe̱ ní tamo̱ bo ní otoo̱ kpãṅmo̱ ke̱ mo̱bo̱nale̱ ohãa otšũdši ní nyieo̱ ohīe ke̱ ame̱tšui fẽ le̱;

²⁴ni oye oši ní owo mitše̱ David, otšũlo̱ le̱, no̱. Oke̱ onābu wie, ni oke̱ onine ehã eba mli, tamo̱ bo̱ni eyo̱ ṅme̱ne̱ ne̱.

²⁵Nohewo̱ le̱ agbe̱ne̱, Iehowa, Israel Nyoṅmo̱, ye oši ni owo mitše̱ David, otšũlo̱ le̱, no̱, noni okē̱: Nū ni aatá Israel maṅtše̱sẽi le̱ no̱ ebo̱ṅo ye̱ mihĩe, ke̱dši obii le̱ aale ame̱nane nākwe̱mo̱ ke̱ke̱, koni ame̱nyie ye̱ mihĩe, take̱ bo̱ni onyie ye̱ mihĩe le̱.

²⁶Nohewo̱ le̱ agbe̱ne̱, Israel Nyoṅmo̱, mīkpao fai, hã owiemo̱i ní oke̱ mitše̱ David, otšũlo̱ le̱, wie le̱ aba mli!

²⁷Ši aso Nyoṅmo̱ aabahī šikpoṅ ne̱ no̱ le̱le̱ṅ? Na, *ṅwei ke̱ ṅweii amli ṅwei le̱ nyẽẽo ato, āhũ ní mbasroo tšũ ne̱ ní mimã ne̱! [78]

²⁸Ši kẽle̱ hã otšũlo̱ so̱lemo̱ ke̱ fai-kpamo̱ le̱ asa ohĩe, Iehowa, mi-Nyoṅmo̱, koni obo blo̱mo̱ ní otšũlo̱ blo̱ö̱ ke̱ so̱lemo̱ ní eso̱leo̱ ye̱ ohĩe ṅme̱ne̱ ne̱ toi,

²⁹koni *ohĩṅme̱i akã ne̱ke̱ tšũ ne̱ he nyõṅ ke̱ ſane, heni †okē̱ ye̱ he ake̱: Migbe̱i aahĩ dše̱i le̱, koni obo fai ní otšũlo̱ aakpao ye̱ bie̱ ne̱ le̱ toi, [79]

³⁰Ni obo otšũlo̱ ke̱ omaṅ Israel fai ni ame̱abakpao ye̱ bie̱ ne̱ le̱ toi, ni onu ye̱ ṅwei ní dši ošihĩle̱he le̱, ni ké̱ onu le̱, oṅõ-fa!

³¹Ke̱dši moko fe enanyo eša, ni ahāle̱ kitã ní ekã, ni eba ebakã kitã le̱ ye̱ ofo̱lešãlate̱ le̱ hĩe ye̱ šĩa ne̱ le̱:

³²no le̱ bo toi ye̱ ṅwei, ni ofe, ni okodšo otšũdši le̱, koni obu fo̱yelo̱ le̱ fo̱, ní ohã enii abua eyiteṅ; ni obu bemyelo̱ le̱ bem, ní owole̱ nyõmo̱ ye̱ edšale̱ le̱ nā.

³³Ke̱dši omaṅ Israel henye̱lo̱i ſieame̱ ye̱ eša ko ní ame̱fe ame̱šio hewo̱, ni ame̱kũ ame̱se̱ ke̱-ba oṅõ ekoṅ, ní ame̱bo ame̱tšē̱ ogbe̱i, ni ame̱so̱le ni ame̱kpao fai ye̱ ne̱ke̱ šĩa ne̱ le̱:

³⁴no le̱ bo toi ye̱ ṅwei, ni oṅõ omaṅ Israel he eša le̱ ofaame̱, ni oṅõame̱ ke̱-ba šikpoṅ le̱ ní oṅõ-ha ame̱tše̱mei le̱ no̱ ekoṅ!

³⁵Ke̱dši *aṅã́ ṅwei nã ní nyoṅmo̱ ene̱e̱, ye̱ eša ko ní ame̱fe ame̱šio hewo̱, ni ame̱baso̱le ye̱ bie̱, ni ame̱bo ame̱tšé̱ ogbe̱i, ni ame̱kpale ke̱-dše̱ ame̱he eša le̱ he, ye̱ pīmo̱ ní opĩame̱ le̱ hewo̱ le̱: [80]

³⁶no le̱ bo toi ye̱ ṅwei ni oṅõ otšũdši ke̱ omaṅ Israel he eša le̱ oſaame̱, ní otšõame̱ gbe̱ kpakpa ní ame̱nyie no̱, ni oha nyoṅmo̱ abane̱ aſie šikpoṅ le̱ ní oṅõ-hã omaṅ le̱ ake̱ ame̱nõ le̱ no̱!

³⁷Ke̱dši hōmo̱ ba šikpoṅ le̱ no̱ dšio, gbĕle-bela ni ba dšio, latšā, niṅãlãmo̱, bālabii, otukpe̱i ni ha dšio, ke̱dši ame̱henye̱lo̱i hũ basá ame̱yi wo ame̱mãdšiaṅ ye̱ ame̱šikpoṅ le̱ no̱ dšio, no haomo̱-fẽ-haomo̱, ke̱ no hela-fẽ-hela ni dši le̱:

³⁸no le̱ no so̱lemo̱-fẽ-so̱lemo̱ ke̱ faikpamo̱-fẽ-faikpamo̱ ní moko lo omaṅ Israel fẽ aakpa le̱, ké̱ ame̱teṅ mofẽmo le no haomo̱ ni yo̱ etšui mli, ni ebagbe̱ enidšiaṅ etšṍ ne̱ke̱ šĩa ne̱ le̱:

³⁹no le̱ bo toi ye̱ ṅwei ni dši ošihĩle̱he le̱, ni oṅõ-fa, ni ofe, ni owo mo-fimo nyõmo̱ ye̱ enifemo̱nii le̱ fẽ nā, bo̱ni ole etšuiṅ le̱; edšake̱ *bo okometō ole gbomei abii fẽ atšuiiaṅ! — [81]

⁴⁰beni afe ní ame̱šeo gbeyei gbĩĩabo̱ fẽ ní ame̱yo̱ šikpoṅ le̱ ni oṅõ-bã wo̱tše̱mei le̱ no̱ le̱.

⁴¹Ni gbo̱ tete ní dše̱e̱ omaṅ Israelbii le̱ ateṅ, ši moṅ ogbe̱i le̱ hewo̱ edše̱ maṅse̱ šoṅṅ eba, [82]

⁴²(edšake̱ ame̱anu ogbe̱i kpeteṅkple le̱ he, ke̱ oninešiwale̱ ke̱ onine ní akpā mli le̱ he,) ké̱ eba ni ebaso̱le ye̱ ne̱ke̱ šĩa ne̱ hĩe le̱:

⁴³bo toi ye̱ ṅwei ni dši ošihĩle̱he le̱, ni ofe nofẽno ni gbo̱ le̱ boo̱ tšé̱o̱o ye̱ he-wo̱ le̱, beni afe ní šikpoṅ le̱ no̱ mãdsi-mãdši fẽ ale ogbe̱i le̱, koni ame̱šeo gbeyei tamo̱ omaṅ Israel, ni ame̱sā ame̱ná ame̱le ake̱ ogbe̱i aṅõ-wo ne̱ke̱ šĩa ne̱ ní mimã ne̱.

⁴⁴Ke̱dši omaṅ le̱ fã ta ni ame̱ke̱ ame̱henye̱lo̱i ayawu ye̱ hefẽhe ni ootšũame̱, ni ame̱tšṍ ame̱hĩe ame̱hã maṅ ni ohala le̱ ke̱ tšũ ni mimã mihã ogbe̱i le̱ ni ame̱-kpa Iehowa fai le̱:

⁴⁵no le̱ bo ame̱so̱lemo̱ ke̱ ame̱faikpa-mo̱ le̱ toi ye̱ ṅwei, ni oye obuaame̱!

⁴⁶Ke̱dši ame̱fe esa ame̱šio, (edšake̱ *mokomoko be̱ ní efee eša,) ni omli fũame̱, ni otuame̱ owo ame̱henye̱lo̱i adeṅ, ni aṅõame̱ nom ke̱-te henye̱lo̱i le̱ ašikpoṅ no̱, edšeke̱ dšio, edšeke̱e̱ dšio, [83]

⁴⁷ni ame̱ko̱ ame̱yiṅ ye̱ šikpoṅ no̱ heni aṅõame̱ nom ke̱-te le̱, ni ame̱kũ ame̱se̱ ame̱kpao fai ye̱ ame̱nomṅõlo̱i le̱ ašikpoṅ le̱ no̱ ame̱kē̱: Wo̱fe eša ní wo̱tõ ni wo̱fe efõṅ!

⁴⁸ni ame̱kũ ame̱se̱ ame̱ba oṅõ ke̱ ame̱tšui fẽ ke̱ ame̱susuma fẽ ye̱ ame̱henye̱lo̱i ni ṅõame̱ nom ke̱-te le̱ ašikpoṅ le̱ no̱, ni ame̱tšṍ ame̱hĩe ame̱hã ame̱šikpoṅ le̱ ni oṅõ-hã ame̱tše̱mei le̱, ke̱ maṅ le̱ ni ohala le̱, ke̱ šĩa ní mimã mihã ogbe̱i le̱ ni ame̱kpao fai le̱:

⁴⁹no le̱ bo ame̱so̱lemo̱ ke̱ ame̱faikpamo̱ le̱ toi ye̱ ṅwei ni dši ošihĩle̱he le̱, ni oye obuaame̱,

⁵⁰ni oṅã-fa omaṅ ni efe eša ešio le̱, ke̱ ame̱nõfõṅ fẽ ní ame̱fe ame̱šio le̱, ni ohã ame̱nomṅõlo̱i le̱ amũsũṅ atšõame̱ ye̱ ame̱he, ni ame̱naame̱ mo̱bo̱.

⁵¹Edšake̱ omaṅ ke̱ onii dšiame̱, ni odšieame̱ ke̱-dše̱ Mizraim, ke̱-dše̱ dade flõnõ le̱ teṅ,

⁵²koni ohĩṅme̱ii akãmo̱ ahã otšũlo̱ faikpamo̱ ke̱ omaṅ Israel faikpamo̱, ní oboame̱ toi ye̱ nibii fẽ ní ame̱blo̱ō̱ ame̱-šé̱o̱o ye̱ he le̱ amli.

⁵³Edšake̱ bodientše̱ otšeame̱ ohã ohe oṅõ-fe onii ye̱ šikpoṅ le̱ no̱ mãdsimãdši ſẽ ateṅ, take̱ bo̱ni otsṍ otšũlo̱ Mose nine no̱ owie, beni odšie wo̱tše̱mei le̱ ke̱-dše̱ Mizraim le̱, Nuntšo̱ Iehowa!

⁵⁴Ni eba mli ake̱, beni Salomo egbe ne̱ke̱ so̱lemo̱ ke̱ faikpamo̱ ní eke̱-kpa Iehowa fai le̱ fẽ nā le̱, ete ši ke̱-dše̱ Iehowa afo̱lešãlate̱ le̱ hĩe, heni ekũla ni egbe̱ enidšiaṅ ke̱-te ṅwei ye̱ le̱,

⁵⁵ni eho edamo̱ ši, ni *edšō̱ Israel asafo mū le̱ fẽ ke̱ gbē wale ekē̱: [84]

⁵⁶Aadšō̱ Iehowa, moni ehã emaṅ Israel he edšo̱le̱, take̱ bo̱ni ewo ši le̱ pe̱pē̱pe̱; *šiwōi fẽ ní etšṍ etšũlo̱ Mose nine no̱ ewo le̱, emli wiemo̱ komeflo efeko yaka. [85]

⁵⁷Iehowa, wo̱-Nyoṅmo̱ le̱, ke̱wo̱ ahĩ ši, take̱ bo̱ni eke̱ wo̱tše̱mei le̱ hĩ ši le̱ Ekašīwo̱ ni esā ekakwawo̱ hũ!

⁵⁸koni eke̱-do̱ wo̱tšui ke̱-ba eṅõ, ni wo̱nyie egbè̱i le̱ fẽ no̱, ni wo̱ye ekitãi ke̱ ekpo̱i ke̱ emlai ni ewo wo̱tše̱mei le̱ ano̱.

⁵⁹Ni hã ni miwiemo̱i ne̱, ni mike̱-kpaä fai ye̱ Iehowa hĩe le̱, abe̱ṅke̱ Iehowa, wo̱-Nyoṅmo̱ le̱, ſane ke̱ nyōṅ, koni eye ebua etšũlo̱ ke̱ emaṅ Israel bo̱ni aahĩa gbĩ-fẽ-gbĩ,

⁶⁰beni afe ni šikpoṅ le̱ no̱ mãdši-mãdši fẽ aná ale ake̱ Iehowa dši Nyoṅmo̱, mokomoko be̱ se̱ doṅṅ.

⁶¹Ni nohewo̱ le̱ nyehãa nyetšui ayea emū ahãa Iehowa, wo̱-Nyoṅmo̱ le̱, koni nyenyie ye̱ ekpo̱i le̱ anā ni nyeye ekitãi le̱ ane̱, tamo̱ bo̱ni eyo̱ ṅme̱ne̱ ne̱. [86]

⁶²Ke̱ke̱ ni maṅtše̱ le̱ ke̱ Israel fẽ šã afo̱lei ye̱ Iehowa hĩe.

⁶³Ni šidā-afo̱lei ní Salomo šã hã Iehowa dši: tšinai akpei-nyoṅmai-enyo̱-ke̱-enyo̱, ke̱ tōi akpei-oha-ke̱-nyoṅmai-enyo̱; ni le̱ maṅtše̱ le̱ ke̱ Israelbii le̱ fẽ ke̱-gble Iehowa we le̱ nā.

⁶⁴Nakai gbĩ le̱ noṅṅ maṅtše̱ le̱ fe kpo te le̱ ni yo̱ Iehowa tšũ le̱ hĩe le̱ kroṅkroṅ, edšake̱ dše̱i ešã šã-afo̱lei ke̱ niyenii-afo̱lei ke̱ šidā-afo̱lei le̱ ahe fo̱i le̱ ye̱; edšake̱ akō̱ble afo̱lešãlate̱ le̱ ní yo̱ Iehowa hīe le̱ edaa, bo̱ni šã-afo̱lei le̱ ke̱ niyenii-afo̱lei le̱ ke̱ šida-afo̱lei le̱ ahe fo̱i le̱ aaho no̱.

⁶⁵Ni Salomo ye gbĩdšũrõ le̱ ye̱ nakai be le̱ mli, eke̱ Israel fẽ, asafo babaō dientše̱, ke̱-dše̱ Hamat niiaṅ ke̱-te Mizraim fā le̱ nā, ye̱ Iehowa, wo̱-Nyoṅmo̱ le̱, hĩe, gbĩĩ kpawo ke̱ gbĩĩ kpawo, efeo̱ gbĩĩ nyoṅma ke̱ edſe̱.

⁶⁶Gbĩ ni dši gbĩ kpānyo̱ le̱ edšie maṅ le̱ gbe̱ ame̱te; ni ame̱dšō̱ maṅtše̱ le̱, ni ame̱yiṅ ame̱te ame̱būi amli ke̱ mīše̱ ke̱ tšuidšũrõ ye̱ edšũdši fẽ ní Iehowa efe etšũlo̱ David ke̱ emaṅ Israel le̱ hewe̱.