Read luganda 1 Maṅtše̱me̱i 9 Bible Online

1 Maṅtše̱me̱i 9 - luganda bible

1 Maṅtše̱me̱i 9

¹Ni eba mli ake̱, beni Salomo egbe Iehowa šĩa le̱ ke̱ maṅtše̱ šĩa le̱ mā̃ ke̱ nibii ní Salomo taoo̱ ní esumoo̱ ake̱ efe le̱ fẽ nā le̱,

²Iehowa badšie ehe kpo etšõ Salomo noni dši šii enyo̱, take̱ bo̱ni edšie ehe kpo etšõle̱ ye̱ Gibeon le̱. [87]

³Ni Iehowa kē̱le̱ ake̱: Minu oso̱lemo̱ ke̱ ofaikpamo̱ ní okpa ye̱ mihĩe le̱. Mife šĩa ní omã ne̱ kroṅkroṅ, koni mike̱ *migbe̱i ato dše̱i ke̱-ya nāno̱, ni mihĩṅme̱ii ke̱ mĩtšui aahĩ dše̱i dā. [88]

⁴Ni bo le̱, ke̱dši oonyie ye̱ mihĩe, tamo̱ bo̱ni otše̱ David nyie, ye̱ tšui ni eye emū ke̱ dšale̱ mli, ni oofe be̱ni miwoö kitã le̱ pe̱pē̱pe̱, ni ooye mikpo̱i le̱ ke̱ mimlai le̱ ano̱ le̱:

⁵no le̱ mahã omaṅtše̱yeli sẽi le̱ amã ši šiṅṅ ye̱ Israel no̱ ke̱-ate nano̱, take̱ bo̱ni *miwo otše̱ David ši ake̱: Nū ní aatá Israel maṅtše̱sẽi le̱ no̱ ebo̱ṅo. [89]

⁶Ši ke̱dši nye lo nyebii aakpale ye̱ mise̱, ni nyeyeṅ mikitãi ke̱ mikpo̱i ni miṅõ-ſie nyehĩe ne̱ ano̱, ši nyeate nyeyasúmo̱ nyoṅmo̱i krokomei, ni nyedšáame̱ le̱:

⁷no le̱ *makpãtã Israel hĩe ke̱-dše šikpoṅ ní miṅõ-hãame̱ le̱ no̱; ni ne̱ke̱ †šĩa ne̱ ní mifele̱ kroṅkroṅ mihã migbe̱i le̱, maše̱le̱ mafõ ke̱-adše̱ mihĩe; ni Israel aatšṍ abe̱būnõ ke̱ kpā-lamo̱nõ ye̱ mãdši-mãdši fẽ ateṅ. [90]

⁸Ni šĩa ne̱, kē̱ eekwo̱ ake̱ mē, kẽle̱ mofẽmo ní aabaho ye̱ he le̱, ehe aadšõ ehe ni eeho tšiá, ni ame̱akē̱: Mẽhewo̱ po ni Iehowa fe šikpoṅ ne̱ ke̱ šĩa ne̱ ne̱ke̱?

⁹Ni aahere no̱ ake̱: Edšake̱ ame̱kwa Iehowa, ame̱-Nyoṅmo̱ le̱, moni dšie ame̱tše̱mei le̱ ke̱-dše̱ Mizraim šikpoṅ le̱ no̱ le̱, ni ame̱ke̱ ame̱he yakpe̱te̱ nyoṅmo̱i krokomei ahe, ni ame̱dšáame̱ ní ame̱súmo̱ame̱, nohewo̱ ni Iehowa ke̱ ne̱ke̱ efõṅ ne̱ fẽ eba ame̱no̱ no̱.

¹⁰Ni eba mli ake̱ afii nyoṅmai-enyo̱ ni Salomo ke̱-mãmo̱ šīai enyo̱ le̱, Iehowa šĩa le̱ ke̱ maṅtše̱ šĩa le̱, se̱ le̱,

¹¹(Hiram, Tiro maṅtše̱ le̱, bahã Salomo tšenedrutšei ke̱ se̱se̱otšei ke̱ šika, bo̱fẽbo̱ ní etaoo̱,) ke̱ke̱ ni maṅtše̱ Salomo hã Hiram madši nyoṅmai-enyo̱ ye̱ Galilea šikpoṅ le̱ no̱.

¹²Ni Hiram dše̱ Tiro eba mãdši ní Salomo hãle̱ le̱ kwe̱mo̱; ši ame̱saa ehĩe.

¹³Ni ekē̱: Mẽ mãdši oṅõ-hãmi ne̱, minyemi? Ni etšé̱ame̱ Kabul šikpoṅ ke̱-baši ṅme̱ne̱.

¹⁴Ni Hiram mãdše Salomo šika talentai oha ke̱ nyoṅmai-enyo̱.

¹⁵Ni gbomei onla ni maṅtše̱ Salomo tšu ni eke̱-mà Iehowa šĩa le̱ ke̱ le̱dientše̱ ešĩa le̱ ke̱ Milo ke̱ Ierusalem gbogbo le̱ ke̱ Hazor ke̱ Megido ke̱ Gezer le̱ he sane ne̱:

¹⁶Mizraim maṅtše̱ Farao fã ke̱-ba ni ebaṅõ *Gezer, ni eke̱ la šãle̱, ni egbe Kanaanbii ní yo̱ mã le̱ṅ le̱, ni eṅõ-ha †ebiyō ní dši Salomo ṅã le̱ ake̱ egblãnii. [91]

¹⁷Ni Salomo mã Gezer ke̱ Bet-Horon ní yo̱ šišigbe̱ le̱

¹⁸ke̱ Baalat ke̱ Tadmor ye̱ ṅã le̱ no̱, ye̱ šikpoṅ le̱ no̱,

¹⁹ke̱ nitō mãdši ni Salomo yo̱ le̱ fẽ, ke̱ eſīlii amãdši le̱ ke̱ *ekpo̱ṅo̱iatše̱mei amãdši le̱, ke̱ nii ní Salomo taoo̱ emãmo̱ ye̱ ehĩetšĕre̱dšiemo̱ hewo̱ ye̱ Ierusalem ke̱ Lebanon ke̱ eno̱yeli šikpoṅ mū le̱ fẽ ne̱ le̱. [92]

²⁰Amorbii ke̱ Hitbii ke̱ Perizbii ke̱ Hivbii ke̱ Iebusbii le̱ ateṅ mei fẽ ní ſe̱ ni dšee Israelbii le̱,

²¹ame̱bii ní ſe̱ ye̱ ame̱se̱ ye̱ šikpoṅ le̱ no̱, ni Israelbii le̱ nyẽẽame̱ musu afe le̱, ame̱ Salomo tšuo̱ame̱ *nyṍdši onĩa ke̱-baši ṅme̱ne̱ gbĩ ne̱. [93]

²²Ši Israelbii le̱, Salomo eṅõõ ame̱teṅ mokomoko efee nyṍṅ; edšake̱ ame̱dši tabiloi ke̱ etšũdši ke̱ elumei ke̱ esafoi-atše̱mei ke̱ eſĩlii ke̱ ekpo̱ṅo̱iatše̱mei ano̱kwe̱lo̱i.

²³Mene̱mei dši tšũdši nukpai ni kwe̱o̱ Salomo nitšumo̱ le̱ no̱: mei ohai-enumo̱ ke̱ nyoṅmai-enumo̱ ni kwe̱o̱ mei ní tšuo̱ nii le̱ ano̱ le̱.

²⁴Be mli ni Farao biyō le̱ fã ke̱-dše̱ David mã le̱ṅ eba le̱dientše̱ ešĩa ni Salomo mã hãle̱ le̱, no mli emã Milo hũ.

²⁵Ni Salomo šãa šā̃-afo̱lei šii etẽ ye̱ afi mli: ešãa šā̃-afo̱lei ke̱ šidā-afo̱lei ye̱ afo̱lešãlate̱ ni emã ehã Iehowa le̱ no̱, ni ešāa tšofã-ke̱-ṅma ye̱ noni mã Iehowa hĩe le̱ no̱. Ni egbe tšũ le̱ nā.

²⁶Ni maṅtše̱ Salomo kpe̱ le̱dši hũ ye̱ Ezion-Geber ní yo̱ Elot mase̱i ye̱ Ṅšo̱-tšuru le̱ nā ye̱ Edom šikpoṅ le̱ no̱ le̱.

²⁷Ni Hiram hã etšũdši ni dši amlãkui ni le ṅšo̱ he nii le̱ fata Salomo tšũdši le̱ ahe ye̱ *le̱dši le̱ amli. [94]

²⁸Ni ame̱te *Ofir, ni ame̱yaṅõ šika talentai ohai-edſe̱ ke̱ nyoṅmai-enyo̱ ye̱ dšei, ni ameke-ba hã maṅtše Salomo. [95]