Read luganda 2 Maṅtše̱me̱i 1 Bible Online

2 Maṅtše̱me̱i 1 - luganda bible

2 Maṅtše̱me̱i 1

¹Ni Ahab gbĕle se̱ le̱ Moab tše Israel hĩe atũa. [1]

²Ni *Ahazia tšṍ eṅwei-asa ní yo̱ Samaria le̱ samfle̱ mli eyagbē ši, ni ehe mīye. Ni etšũ bo̱foi ni ekē̱ame̱ ake: Nyeyaä ni †nyeyabia Baal-Zebub, Ekron nyoṅmo̱ le̱, ake̱ mihe aawami ke̱-adše̱ ne̱ke̱ hela ne̱ mli lo? [2]

³Ši Iehowa bo̱fo le̱ kē̱ Elia, Tisbinyo le̱, ake̱: Te ši ní oya ni oke̱ Samaria maṅtše̱ le̱ bo̱foi le̱ ayakpe, ni okē̱ame̱ ake̱: *Asõ Nyoṅmo̱ ko be̱ Israel, hewo̱ ni nyeyaä nyeyabi nii ye̱ Baal-Zebub, Ekron nyoṅmo̱ le̱, ṅõ ne̱? [3]

⁴Nohewo le̱ agbe̱ne̱ bo̱ni Iehowa kē̱ ne̱: Sātšo ni oyakã no̱ ne̱, odšeṅ no̱ oyiṅ ši doṅṅ, ši moṅ gbo obagbo! Ni Elia yiṅ ete.

⁵Ke̱ke̱ ni bo̱foi le̱ kũ ame̱se̱ ke̱-ba eṅõ, ni ebiame̱ ake̱: Mẽba nyekũ nyese̱?

⁶Ni ame̱kē̱le̱ ake̱: Nū ko ke̱wo̱ bakpe, ni ekē̱wo̱ ake̱: Nyekũa nyese̱ ke̱-yaä maṅtše̱ ni tšũnye le̱ ṅõ, ni nyeyakē̱ale̱ ake̱: Bo̱ni Iehowa kē̱ ne̱: Aso Nyoṅmo̱ ko be̱ Israel, hewo̱ ni otšũo̱ ní ayabi nii ye̱ Baal-Zebub, Ekron nyoṅmo̱ le̱, ṅõ ne̱? Nohewo̱ le̱ sātšo ni oyakã no̱ ne̱, odšeṅ no̱ oyiṅ ši doṅṅ, ši moṅ gbo obagbo!

⁷Ni ekē̱ame̱ ake̱: Nū ni ke̱nye bakpe ni ekē̱nye ne̱ke̱ wiemo̱i ne̱, té esu yo̱ tẽṅ?

⁸Ni ame̱kē̱le̱ ake̱: Nū le̱ *tšo̱iatše̱ dšile̱, ni wolo mlifĩnõ fĩ emliteṅ. Ni ekē̱: Elia, Tisbinyo le̱, ni. [4]

⁹Ke̱ke̱ ni etšũ mei nyoṅmai-enumo̱ no̱ asafoiatše̱ ke̱ emei nyoṅmai-enumo̱ le̱ ke̱-te eṅõ. Ni eyiṅ ke̱-te eṅõ, ni na, etá goṅ le̱ yiteṅ. Ni ekē̱le̱ ake̱: Bo Nyoṅmo̱ gbomo! maṅtše kē̱: Okpleke ši ni oba!

¹⁰Ni Elia here no̱ ni ekē̱ mei nyoṅmai-enumo̱ no̱ asafoiatše̱ le̱ ake̱: Ke̱dši Nyoṅmo̱ gbomo dšimi le̱, no le̱ la *adše̱ ṅwei ayi ši, ni ebašão ke̱ omei nyoṅmai-enumo̱ le̱! Ni la dše̱ ṅwei yi ši, ni ebašãle̱ ke̱ emei nyoṅmai-enumo̱. [5]

¹¹Ni asaṅ etšũ mei nyoṅmai-enumo̱ no̱ asafoiatše̱ kroko ke̱ emei nyoṅmai-enumo̱. Ni eyiṅ ete ni eyakē̱le̱ ake̱: Nyoṅmo̱ gbomo! bo̱ni maṅtše̱ kē̱ ne̱: Kplekemo̱ ši ni oba mrãmrã!

¹²Ni Elia here no̱ ni ekē̱ame̱ ake̱: Ke̱dši Nyoṅmo̱ gbomo dšimi le̱, la adše̱ ṅwei ayi ši, ni ebašão ke̱ omei nyoṅmai-enumo̱ le̱! Ni Nyoṅmo̱ la le̱ dše̱ ṅwei bayi ši, ni ebašãle̱ ke̱ emei nyoṅmai-enumo̱ le̱.

¹³Ni asaṅ etšũ mei nyoṅmai-enumo̱ no̱ asafoiatše̱ ni dši etẽ ke̱ emei nyoṅmai-enumo̱ ekoṅ. Ni mei nyoṅmai-enumo̱ no̱ asafoiatše̱ ni dši etẽ le̱ yiṅ ete, ni eyakũla ši ye̱ enakutšei anā ye̱ Elia hĩe, ni ekpale fai ni ekē̱le̱ ake̱: Nyoṅmo̱ gbomo! mīkpao fai, hã misusuma ke̱ ne̱-ke̱ otšũdši nyoṅmai-enumo̱ ne̱ asusumai adšra awa ye̱ ohĩe!

¹⁴Na, la dše̱ ṅwei bayi ši, ni ebašã kleṅkleṅ mei nyoṅmai-enumo̱ no̱ asafoiatše̱mei le̱ ke̱ ame̱mei nyoṅmai-enumo̱-enumo̱i le̱ fẽ; ši agbe̱ne̱ hã misusuma dšra awa ye̱ ohĩe!

¹⁵Ke̱ke̱ ni Iehowa bo̱fo le̱ kē̱ Elia ake̱: Oke̱le̱ akpleke ši ke̱-ya, kãšele̱ gbeyei! Ni ete ši ni eke̱le̱ kpleke ši ke̱-te maṅtše̱ le̱ ṅõ.

¹⁶Ni ekē̱le̱ ake̱: Bo̱ni Iehowa kē̱ ne̱: Ake̱ nõ kẽ *ní otšũ bo̱foi ke̱-te ni ame̱-yabi nii ye̱ Baal-Zebub, Ekron nyoṅmo̱ le̱, ṅõ, tamo̱ ake̱ bĕle̱ Nyoṅmo̱ ko be̱ Israel ní aayabi edāṅgbē, hewo̱ le̱ sātšo ni oyakã no̱ ne̱, odšeṅ no̱ oyiṅ ši, ši moṅ gbo obagbo! [6]

¹⁷Ni egbo ye̱ Iehowa wiemo̱ ní Elia wie le̱ nā; ni *Iehoram baye maṅtše̱ ye̱ ese̱ ye̱ Iuda maṅtše̱ Iehoram ni dši Iehošafat bi le̱ yino̱ afi ni dši enyo̱ le̱ no̱; edšake̱ ebe bi. [7]

¹⁸Agbe̱ne̱ Ahazia he sãdši ni efe le̱ ke̱ nii ní efe le̱, ani aṅmãko ye̱ Israel maṅtše̱mei le̱ ayino̱sãdši awolo le̱ mli?